سؤال عن كيفية تركيب سوستة للدبرياج فى الفيات بونتو كلاسيك؟

[mamdouhelsayd]

السلام عليكم ورحمة الله
سؤالى لأعضاء منتدانا الجميل عن كيفية تركيب سوستة للدبرياج وده لأن الماستر العلوى بيعلق تحت وخصوصاً لما العربية بتسخن وأقف فى إشارات كتير أو زحمة وأفضل أشيل وأحط دبرياج كتيرأرجو الرد من أعضاء المنتدى (ملحوظة : العيب ده موجود فى معظم الفيات بونتو كلاسيك بالذات)

[yoko]

هتغير ماستر

[إبراهيم المصرى]

المساتر عايزه تتغير

[إبراهيم المصرى]

هتغير ماستر

اتفق تماما معاك يا بشمهندس يوكو ولم اكن اعلم بردك حين قمت انا بالرد لانى كنت فاتخ مواضبع كثيره وعندما ضغط اعتماد المشاركه فوحئت بالتطابق فى الرد اجييك وبالتوفيق دائما

[yoko]

اتفق تماما معاك يا بشمهندس يوكو ولم اكن اعلم بردك حين قمت انا بالرد لانى كنت فاتخ مواضبع كثيره وعندما ضغط اعتماد المشاركه فوحئت بالتطابق فى الرد اجييك وبالتوفيق دائما

ولا يهمك ياما بتحصل المهم الناس تستفيد

[إبراهيم المصرى]

ولا يهمك ياما بتحصل المهم الناس تستفيد

فعلاً المهم الفائده وقصدى انى اأكد على صحة المعلومة لان البونتو بتنفرد بالمشكله دى ومبيعرفهاش الا حد خبير زيك او حد زى حلاتى على اد حاله بس حصلت معاه ودوخته لحد ما وصل للصح
واعرف انها بتحصل لما العربية تقرب من 200 الف كم وحصلت معايا حوالى 190 الف كم واستكمالاً للمعلومه المساتر موجوده عند الكيلانى فى شارع شامبليون وسعرهم حوالى 230 +270 =500 على ما افتكر الكلام ده بقاله حوالى سنتين المهم كمان يركبهم ميكانيكى كويس بيفهم ... وبالتوفيق

[yoko]

تمام وعشان الماستر يعيش لإن بتاع البونتو بينزل بلاستيك يخلي الميكانيكي يحطلك عليه كاوتشه تحميه من التراب عشان ميضربش بسهولة

[Dr.A.Nabil]

لازم تغير ماستر الدبرياج
انا حصلت معايا قبل كده
ولو سيبته بايظ ممكن يبوظ لك الديسك والاسطوانه

[mamdouhelsayd]

لازم تغير ماستر الدبرياج
انا حصلت معايا قبل كده
ولو سيبته بايظ ممكن يبوظ لك الديسك والاسطوانه

معذرة دكتورنابيل: الماستر العلوى ولا السفلى ولا الإثنين بحكم تجربتك السابقة؟

[Moe86]

انا كنت زيك كدة و غيرت ماستر علوى فى بونتو كلاسيك حسب تشخيص الميكانيكى بتاعى بعد 40,000 كيلو بس !! بس ارتحت بعد ما غيرته