رعشة في ال rpm مع التكييف - جراند بونتو

[Anti_virus_abdo]

يا جماعة النهاردة كنت واقف راكن العربية و مشغل التكييف و باصص في الموبايل عادي لقيت فجأة العربية بتتهز كأنها هتطفي و تكمل كل 5 ثواني, ببص عال ال rpm طبعا هو المفروض بالتكييف يعلي شوية عن ال 1000 دا العادي بيبقي كدا و فجأة ينزل عند ال 500 كأنها هتطفي و يطلع تاني كل 5 ثواني, لما طفيت التكييف الrpm ثبت عند 800 عادي جدا من غير اي رعشة, الي فهمته ان الكمبروسر بتاع التكييف بيفصل و يشتغل بسرعة اوي (نص ثانية مثلا) فده بيعمل تخريف ال rpm عشان مش بيلحق طبعا يضبط نفسة علي تغيير الاحمال
دا شحن تكييف دا ولا اية؟؟ انا طفيتة لحسن الكمبروسر يطير, بس خايف يكون الكمبروسر فيه حاجة فهل دي اعراض شحن عادية؟ ولا كدا فيه حاجة؟

[3ateef]

تقريبا حساس الايدل..

[Mostafa Hessen]

تقريبا حساس الايدل..

تمام
حساس الإيدل عاوز تنظيف
وبالمرة نظف البوابة

[Anti_virus_abdo]

تقريبا حساس الايدل..

تمام
حساس الإيدل عاوز تنظيف
وبالمرة نظف البوابة

طب يا جماعة مش لو كان حساس الايدل كان رعش في السلانسية حتي لو من غير تكييف؟ دا مش بيحصل البيحصل بالتكييف بس عشان (اعتقد) الكمبروسر بيفصل لنص ثانية و يشتغل تاني علي طول كل 5 ثواني

[aldesha989]

شغل التكيف وشوف الكمبروسيسور فى حوض العربيه بيفصل زى ما انتا بتقول ولا لا وفى الغالب زى ما الشباب قالولك

[Ahmed Amin]

طب يا جماعة مش لو كان حساس الايدل كان رعش في السلانسية حتي لو من غير تكييف؟ دا مش بيحصل البيحصل بالتكييف بس عشان (اعتقد) الكمبروسر بيفصل لنص ثانية و يشتغل تاني علي طول كل 5 ثواني

أنت كلامك مظبوط,, عشان كدا دي قواعد الفتيس مش حساس أيدل,
في قاعدة عندك أتاكلت خالص وعايزة تتغير.

[Anti_virus_abdo]

أنت كلامك مظبوط,, عشان كدا دي قواعد الفتيس مش حساس أيدل,
في قاعدة عندك أتاكلت خالص وعايزة تتغير.

تمام يا باشا بس بردة مش القاعدة دية هي البتعمل الهزة الجامدة دية لما ال rpm ينزل اوي و تبقي هتطفي, بس ايه سبب نزول ال rpm اصلا؟ انا يا جماعة الي قصدي ان التكييف مش طبيعي يفصل كل 5 ثواني نص ثانية بسرعة كدا و هي دي البتنزل ال rpm دا الي قصدي علية
مش اكيد التفسير دا بس حساس الايدل انا بستبعدة عشان من غير تكييف مش بيحصل حاجة

[Ahmed Amin]

تمام يا باشا بس بردة مش القاعدة دية هي البتعمل الهزة الجامدة دية لما ال rpm ينزل اوي و تبقي هتطفي, بس ايه سبب نزول ال rpm اصلا؟ انا يا جماعة الي قصدي ان التكييف مش طبيعي يفصل كل 5 ثواني نص ثانية بسرعة كدا و هي دي البتنزل ال rpm دا الي قصدي علية
مش اكيد التفسير دا بس حساس الايدل انا بستبعدة عشان من غير تكييف مش بيحصل حاجة

هوا المفروض القاعدة طبعاً متخليش ال rpm ينزل, بس الماتور لو مش مظبوط والقاعدة أتاكلت دا بيبرجل ال rpm يعني انا كان بيعلي عندي فوق الطبيعي ومكنتش العربية بتسحب بسهولة وبحس برجرجة ملحوظة لما بقف وهيا عال D لدرجة أن المراية كانت بتتهز من كتر الهزة.

بس علي كلامك لو بيفصل كل شوية ممكن تكشف علي الكومبريسور والدينامو عن حد بتاع تكييف أو في التوكيل لو لسه جديدة عشان متخاطرش بحاجة بيهم في الكشف برة.

[Anti_virus_abdo]

هوا المفروض القاعدة طبعاً متخليش ال rpm ينزل, بس الماتور لو مش مظبوط والقاعدة أتاكلت دا بيبرجل ال rpm يعني انا كان بيعلي عندي فوق الطبيعي ومكنتش العربية بتسحب بسهولة وبحس برجرجة ملحوظة لما بقف وهيا عال d لدرجة أن المراية كانت بتتهز من كتر الهزة.

بس علي كلامك لو بيفصل كل شوية ممكن تكشف علي الكومبريسور والدينامو عن حد بتاع تكييف أو في التوكيل لو لسه جديدة عشان متخاطرش بحاجة بيهم في الكشف برة.

ما انا ناوي اعمل كدا ان شاء الله بس المشكلة التوكيل ضايعين, انا بس عاوز حد يطمني علي الكمبروسور عشان انا لسه خارج من الضمان من شهر, العيب دا بيبقي عيب شحن ولا حاجة فيه؟

[yousefsemsem]

لو مروحه التكيف واقفه الكومبروسر هيفصل ويشتغل كل 5 ثواني بص عليها

[Anti_virus_abdo]

لو مروحه التكيف واقفه الكومبروسر هيفصل ويشتغل كل 5 ثواني بص عليها

الف شكر يا باشا هبص عليها دلوقت، بش هو لو كدا الفصلان دا مش بيكمل نص ثانية و يقوم علي طول؟

[Ahmed Amin]

ما انا ناوي اعمل كدا ان شاء الله بس المشكلة التوكيل ضايعين, انا بس عاوز حد يطمني علي الكمبروسور عشان انا لسه خارج من الضمان من شهر, العيب دا بيبقي عيب شحن ولا حاجة فيه؟

طالما في التوكيل ضايعين وأوماترا مشهورة بدا. وأنت خرجت من الضمان. يبقي منتاش محتاج تروح لهم ولا تكشف عليه عندهم.
والأحسن حد بتاع تكييف متخصص وتروح له يكشف لك علي الكومبريسور والدينامو, متروحش لحد كهربائي يجرب عليك.
ممكن يكون السير مرخي برضه عشان كدا بيفصل وبيشتغل بسرعة. دا مجرد تخمين.

و معتقدش الموضوع يكون شحن, لانه لو شحن كان التكييف اشتغل عادي بس مكنش طلع برودة معاك.

[D . a .\ AYMAN]

أنا كان عندي الكومبريسور بيعمل كدة بالضبط وفضل على الحال ده لفترة ومش بيسقع نهائي إلا لما أكون ماشي على سرعة عالية ..وفي الوقفة يفضل يشتغل ويفصل ورا بعض

وفي الآخر طلع الشحن بتاعه زيادة جدا والراجل بتاع التكييف قالي كويس إن الكومبريسور ما اتكسرش منك ... مش عارف بقى هل ممكن يعمل كدة لو الشحن قليل برضه ولا لأ

وفضى الشحن خالص وشحنه من الأول وكل حاجة ضبطت الحمد لله