عايز اشتري عربية 131 او شاهين

[sameh 81]

دلوقتي معايا في حدود 22 و ممكن ازود الفلوس من مصدر كده يعني بس المهم الاقي عربية حالتها كويسة جدا تساعدني في التنقلات و تسافر معايا مرة كل شهر

انا حسب اللي شفته في كل المعروض لقيت انه من ناحية السعر و رخص قطع الغيار و قدرة علي السفر بسلاسة و تكون اقتصادية بنزين حاجة من 2
ماروتي سوزوكي و 131 و ممكن شاهين لو كويسة كمان و سعرها حنين

لو فيه عربية كويسة 131 او شاهين في الحدود اللي قلتها او اعلي شوية يا ريت حد يكلمني

انا اللي يهمني متحتجش شغل و لا مصاريف غير البنزين و تكون اقتصادية في البنزين و في نفس الوقت متروحش للميكانيكي او تحتاج شغل و تستحمل السفر زي ما قلت قبل كده مرة شهريا من القاهرة الي الاسكندرية

انا بدور في كذا اتجاه و اللي عنده نصيحة يا ريت يقولها

و اللي عنده حاجة كويسة او عايز يبيع يا ريت يرد و يراسلني علي الخاص

[nicegypt]

ضيف الريجاتا ضمن خياراتك شرط الحالة
انا بسافر بعربيتى من القاهرة للساحل للسويس للقاهرة كذا مرة ف اليوم بسم الله ما شاء الله
اهم حاجة حالة العربية وايدك تكون فيها

[أحمد جودة]

لو تقدر تزود شوية وتوصل المبلغ 30 تجيب حاجة نضيفة ألماني بعيد عن الفيات والشاهين ميد ان حلوان

مع احترامي للشاهين

عند سكودا ((((( فيفوريت ---- فورمان ---- فليشيا ))))

دي وجهة نظر

[sameh 81]

ضيف الريجاتا ضمن خياراتك شرط الحالة
انا بسافر بعربيتى من القاهرة للساحل للسويس للقاهرة كذا مرة ف اليوم بسم الله ما شاء الله
اهم حاجة حالة العربية وايدك تكون فيها

بس الريجاتا تستحمل معايا مشاوير و متحتجش كل شوية تروح للميكانيكي ؟!! خصوصا اني مش من هواة الميكانيكا
و يعني ايه ايدك تكوايدك فيها علطول ؟

لو تقدر تزود شوية وتوصل المبلغ 30 تجيب حاجة نضيفة ألماني بعيد عن الفيات والشاهين ميد ان حلوان

مع احترامي للشاهين

عند سكودا ((((( فيفوريت ---- فورمان ---- فليشيا ))))

دي وجهة نظر

للاسف ده اقصي ما استطيع دفعه حاليا

[amr011111]

اى عربيه بتروح للميكانيكى اذا كان الانسان بيتعب ويروح للدكتور

بس فيه عربيه عن عربيه يعنى هات اهم حاجه عربيه اساسياتها سليمه وخاصة الشاسيه واكشف ان مفيش فيها بارومه واول لما تجيب العربيه ان شاء الله بتروح تغير زيت وفلتر زيت وفلتر بنزين وسير دينامو وسير كاتينه وبوجيهات تاخد قراءه العداد وتواظب على تغييرهم فى الميعاد المناسب

[sameh 81]

اى عربيه بتروح للميكانيكى اذا كان الانسان بيتعب ويروح للدكتور

بس فيه عربيه عن عربيه يعنى هات اهم حاجه عربيه اساسياتها سليمه وخاصة الشاسيه واكشف ان مفيش فيها بارومه واول لما تجيب العربيه ان شاء الله بتروح تغير زيت وفلتر زيت وفلتر بنزين وسير دينامو وسير كاتينه وبوجيهات تاخد قراءه العداد وتواظب على تغييرهم فى الميعاد المناسب

شاكر لحضرتك اهتمامك
بس انا بتكلم عن الميكانيكا يعني مش كل مشوار يكون محتاج شغل علي الموتور
و كمان الموتور يكون في حالة كويسة عشان لو خفيف او فيه اي مشكلة ممكن يحطني في ورطة و انا علي طريق سفر
ده قصدي يا فندم

[mtageldeen]

نصيحة لحضرتك
لوسفرك متكرر وكثير وأنت معك أسرة فلا أنصحك بالماروتي إطلاقاً
الريجاتا أفضل من131 والشاهين وخاصةبالنسبة للسعرالذي حددته حضرتك بشرط الحالة

أنا تجربتي مع الريجاتا والماروتي والـ 131

وربنا يوفقك

[sameh 81]

نصيحة لحضرتك
لوسفرك متكرر وكثير وأنت معك أسرة فلا أنصحك بالماروتي إطلاقاً
الريجاتا أفضل من131 والشاهين وخاصةبالنسبة للسعرالذي حددته حضرتك بشرط الحالة

أنا تجربتي مع الريجاتا والماروتي والـ 131

وربنا يوفقك

اول مرة حد يقولي الريجاتا احسن من 131
علي العموم هحط الكلام في الاعتبار و شكرا لمشاركتك

[mtageldeen]

اول مرة حد يقولي الريجاتا احسن من 131
علي العموم هحط الكلام في الاعتبار و شكرا لمشاركتك

الريجاتا أفضل للأسباب الآتية:

1. موديلات أحدث
2. شكل وتصميم خارجي أحدث
3. صالون أوسع وأشيك (ذراعات للنور وليس أزرار)
4. شنطة خرافية
5. الريجاتا جر أمامي فأرخص في صيانة العفشة وآلات الجر (فلا يوجد بها كرونة خلفية) وأسرع في التجميع وأوفر في البنزين (في حالة موتور 131 1400 أو 1600)

وفي النهاية هذه أراء شخصية


وبالتوفيق

[A7medelfe2y]

الريجاتا عربيه جميله جدا ومع خالي وبيروح بيها كل حته في مصر وبتسافر من طنطا لاسكندريه 3 مرات في الاسبوع وكمان مكيفه بس تكييفها بيهد الموتور مش عارف ليه

[sameh 81]

انا زودت الميزانية لحد 30 و لسه مش لاقي حاجة كويسة في سكتي ههههههههه

[lad]

30 يجيبو حاجة كويسة ان شاء الله