127 ولا 128 ولا زيرو

[sweetheart_]

يا جماعه ايه رايكو اشترى حته 127مستعمله على ادى ولا استلف وازود واجيب 128 تمنينات ولا ادخل فى موضوع التقسيط مع العلم برخامة معاملات البنوك والدبح فى الفوايد والهم اللى ممكن ابقى فيه من ضغط القسط ؟ ولو رايكوا فى القديم مش ممكن يطلع قانون مرور زى بتاع الاجره ولو احتمال ؟ومعلش لو 127 موديل 86 او سوبر فيورا عامة تعمل كام؟ولو 128 موديل 88 او 90 تعمل كام؟
معلش طولت عليكوا بس الموضوع محير اوى بين قرف القديم والصنايعيه وراحت الجديد وقرف البنوك وحرمنيته
وشكرا للجميع

[dr_timo]

انا رئيي وعن نفسي هعمله قريب ان شاء الله اني اجيب مية تمانية وعشرين احسن لانها اوسع وشكلها احلي من المية سبعة وعشرين وقطع غيارها سمعت انها اكتر من مية سبعة وعشرين كمان عشان نصر بطلت صنع مية سبعة وعشرين من زمان وعموما هوة هيبقي فرق بسيط فشد حيلك لكن موضوع الزيرو اه طبعا الزيرو لا يعلي عليه بس الواحد يعني يجيب زيرو اقل حاجة زيرو بعد فوايد البنك هتلاقيه بتمن تلت عربيات فيات فعلي اية الناس اللي ميزانيتها ضعيفة زي حالاتنا احسنلها المستعمل فانت اتوكل علي الله وهاتلك فيات بس دور علي حاجة حالتها كويسة وياسيدي لو بعد كدة براحتك عملتلها عمرة وظببطها فكل حاجة مش هتاخد منك الفين تلاتة بدل الالوف المؤلفة بتاعة الزيرو ولما ربنا يفتح عليك ابقي هات زيرو وبيعد دي وبيعها هيبقي سهل الفيات سهل فبيعه ومش هتخسر فيه غير لو جبت زيرو وبعتها بكرة بتخسر الافات

[dr_timo]

اما بالنسبة لموضوع الخوف من قانون يمنع التراخيص للقديم دة فاتطمن دة مستحيل يطلع لاسباب كتيرة اولا ان دة هيبقي غير دستوري وضد حقوق الافراد في الملكية لكن اللي اتعمل فموضوع الاجرة دة حصل لان الاجرة دة يعتبر واجهه حضارية يعي مش للاستخدام الشخصي دي يعني حاجة خدمة عامة فطللعو القانون دة ومع زلك العربيات الاجرة القديمة صررحولها تتحول ملاكي وثانيا العربيات موديلات تمانينات وسبعينات كتيييييير جدا فلو طلع قانون زي دة واتمنعت العربيات القديمة هتلاقي اختناق رهيب والمواصلات اللي هية زحمة فعلا مش هتكفي الناس اللي كان عندهم عربيات قديمة واتمنع ترخيصها وطبعا دة هيشل البلد فبردو مستحيل يعملو خطوة زي دي ثالثا وزير الصناعة لما فكر في الموضوع دة اتعرض عليه دراسات عشان يتراضي مع مالكي السيارات وقال هيديهم تمنها وهياخد العربيات دي يبيعها فبلاد افريقية ولا حاجة وبردو دة الحكومة مش هتقدر عليه لان مش معاها السيولة للمليارات اللي هتدفع دي كلها رابعا ياعم في عربيات موديلات تمانينات بتوصل ستين وسبعين واكتر زي المارسيدس فماتقلقش انت خالص لو جبت فيات يعني دة غير القانون الجديد امهل اصحاب الاجرة انهم يحولوها ملاكي تلت سنين فياسيدي حتي بعد التلت سنين لو قعدولهم سنتين واتجننو قالك نلغي تراخيص الملاكي القديم كمان فبردو هيدوله علي الاقل مهلة تلت سنين فاديك هتدخل فتمن سنين ولا عشرة وبعد كدة هيدوك اي تعويض او مقدم لعربية زيرو فياعالم مين يعيش التمن ولا العشر سنين دول ياريت اكون فيدتك

[mohamed2002]

بلاش 128 زيرو لان سعرها 44 الف كاش,لو محتاج عربية صغير يبقي 127 سوبر فيورا موديل 85 او 86 او 87 ودي حتكون 950ccوفتيس 4 غيار ,اهم حاجة الحالة الكويسة جدا عشان متتعبش ,بالتوفيق

[mig44n]

هات مستعمل واقعد مع الصنايعية احسن ماتجيب جديد وتدفعلك كل شهر 800 جنيه....
طبعا 128 وحالتها جيده جدا موديل 88 هتعمل 22000 او 21000
هات 128 موديل 1980 على 17000 او 18000 ...

[ma7oo]

ممكن اقول رايى ومتزعلش منى عن تجربة والله اصبر لحد ماتجيب زيرو احسن هتكره العربيات كلها لو وقعت فى حاجة وحشة وهتفضل زهقان وارفان ده رايى من غير زعل

[sweetheart_]

شكرا للجميع dr .timo كلامك مظبوط وواقعى
شكرا mig وربنا يوفقك فى موضوع التكيف لل 128 انا متبعك
ma7oo اعتقد ان كلامك ينفع لو مكنتش مجوز بس بما انى متجوز فانا افضل ابهدل معه الصنايعيه فى مقابل انى اريح مراتى من بهدلة المواصلات هى دى النقطه ان كان عليه ممكن اتزنق فى اى مواصله اما مراتى محبش انها تتبهدل خاصة اننا بنسافر لاقاربنا كتير ولو اى عربيه هتبقى ارحم من المواصلات والسواقيين
انا سامع يا جماعه ان ال 128 والقديم كله كله رخص واحد معاه 128 قالى كده

[dr_timo]

اه فعلا المية تمانية وعشرين رخصت ودة شجعني اعملها ان شاء الله قريب جدا واجيب واحدة بص موديلات سبعينات منها وتكون معقولة ممكن تلاقيها من اتناشر لحد خمستاشر حسب حالتها وحسب مانت تعرف تاخدها من البايع وموديلات التمانينات بردو تقريبا في حدود مابين اربعتاشر خمستاشر لحد تمنتاشر تسعتاشر موديلات تسعينات بقي من العشرين وانت طالع فانت شوف ميزانيتك وشوف بردو حالة معقولة وماتجيبش بكل اللي معاك عربية لا لازم كدة تبقي مخلي معاك قرشين تحسبا لاي حاجة تصليح مفاجئ لا قدر الله المهم يعني عشان متزنقش نفسك واتوكل علي الله وربنا معاك

[sweetheart_]

ان شاء الله وربنا يسهل واعتقد ان موديل 91 كويس اوى
شكرا على الرد

[mig44n]

والله اصبر لحد ماتجيب زيرو احسن هتكره العربيات كلها لو وقعت فى حاجة وحشة وهتفضل زهقان وارفان ده رايى من غير زعل

لو استنى يجيب زيرو يبقى كده مش هيركب عربيه....(ربنا يفتحها علينا وكلنا نركب زيرو)
بس الواقع بيقول انه لو استنى يبقى مش هيركب عربيه لزمن طووووووووويل...

وماتجيبش بكل اللي معاك عربية لا لازم كدة تبقي مخلي معاك قرشين تحسبا لاي حاجة تصليح مفاجئ لا قدر الله المهم يعني عشان متزنقش نفسك واتوكل علي الله وربنا معاك

+1000000000
سيب معاك على الاقل 1000 جنيه علشان لو لاقدر الله حاجه ظهرت بعد كده فى العربية....
وحكايه ان العربيات 128 رخصت.دى انا مسمعتش بيها..

[mig44n]

[quote=sweetheart_;401275]
شكرا mig وربنا يوفقك فى موضوع التكيف لل 128 انا متبعك
quote]
امين يارب..ويامسهل وتجيب 128 علشان تركبلها تكييف بأذن الله.وبالمرة تنضم لرابطة ال 128 فى المنتدى.

[sweetheart_]

يلا باه يا mig44n ركب التكييف عشان نحصلك ان شاء الله انا افضل انه يكون جديد وعلى ايد مهندس برده هتفرق والفرق فى السعر هتريح دماغك بيه .
موديل 91 تعمل كام باه وهل سوق الجمعه مكان كويس الواحد يشترى منه ولا ايه؟
مع العلم انا قدامى شويه كده على الشراء

[mig44n]

موديل 1991 تعملها فى حدود 22000 الف فبريكة وحالتها تمام يعنى ممكن تلاقى صاحبها طالب 24000....
سوق الجمعة مكان كويس بس بشرط يبقى معاك ميكانيكى وسمكرى بيفهموا.لما تنوى هتروح وتنزل سوق الجمعه معاهم وبأذن الله فى نفس اليوم هترجع ومعاك العربية..

يلا باه يا mig44n ركب التكييف عشان نحصلك ان شاء الله انا افضل انه يكون جديد وعلى ايد مهندس برده هتفرق والفرق فى السعر هتريح دماغك بيه .

واى تعليق بخصوص التكييف انا هرد عليه فى موضوع المخصص لتكييف ال 128...
علشان يبقى الكلام فى محله...

[sweetheart_]

تمام وشكرا على الرد

[mig44n]

تمام وشكرا على الرد

اوعى تكون زعلت لما قولتلك انى مش هرد على موضوع التكييف الا فى المكان المخصص بتاعه....
انا قصدى بس ان كل حاجه تخص موضوع تكييف ال 128 تبقى هناك فلو حضرتك عايز اى استفسار او سؤال.اكتب استفسارك فى موضوع التكييف بتاع ال 128 وانا هرد على حضرتك..