مشكلة كبيرة ارجو الرد ريتمو

[samaa0078]

السلام عليكم ورحمة اللة وبركاته
يا جماعه انا عندى حالة اكتئاب كبيرة من يوم وقفة رمضان
اشترينا عربية ريتمو موديل 83 بسعر 17000 بدون اجراء كشف عليها او حتى تجربة سواقة لان هناك شىء غبى اسمة الثقة المهم من اول مرة اتساقت
كركرت وعجلة نامت + فيها خبطة فى القائم الامامى والكوبلن فك المهم ودناها للميكانيكى والسمكرى
انا عايزة اعرف لما نصلحها نصلحها ونبيعها احسن ؟
وهى كانت تستاهل كام ؟
واسعار قطع الغيار اية ؟
واحسن حل للمشكلة دى ؟ :cuss:

[mig44n]

بص متبيعش وصلح العيوب....
وده طبيعى ان يكون فيه عيوب فى المستعمل وبعدين الريتمو سهل تلمها وتصرف عليها...
انا من راىء شوف تتكلف كام وشوف سمكرى وميكانيكى وعفشجى يبصو على العربية ويظبطوهالك ويغيرو الى عايز يتغير....

[mohamed2002]

السلام عليكم ورحمة الله وبركاته
يا جماعه انا عندى حالة اكتئاب كبيرة من يوم وقفة رمضان
اشترينا عربية ريتمو موديل 83 بسعر 17000 بدون اجراء كشف عليها او حتى تجربة سواقة لان هناك شىء غبى اسمة الثقة المهم من اول مرة اتساقت
كركرت وعجلة نامت + فيها خبطة فى القائم الامامى والكوبلن فك المهم ودناها للميكانيكى والسمكرى
انا عايزة اعرف لما نصلحها نصلحها ونبيعها احسن ؟
وهى كانت تستاهل كام ؟
واسعار قطع الغيار اية ؟
واحسن حل للمشكلة دى ؟ :cuss:

وبعد ما تبعيها حتنددوري علي حاجة تانية
الافضل انك تحاولي تتاقلمي معاها وتصلحيها وتظبطيها وخصوصا ان الريتمو تنفعك كبنت

[thegoodhacker]

السلام عليكم ورحمة الله وبركاته
يا جماعه انا عندى حالة اكتئاب كبيرة من يوم وقفة رمضان
اشترينا عربية ريتمو موديل 83 بسعر 17000 بدون اجراء كشف عليها او حتى تجربة سواقة لان هناك شىء غبى اسمة الثقة المهم من اول مرة اتساقت
كركرت وعجلة نامت + فيها خبطة فى القائم الامامى والكوبلن فك المهم ودناها للميكانيكى والسمكرى
انا عايزة اعرف لما نصلحها نصلحها ونبيعها احسن ؟
وهى كانت تستاهل كام ؟
واسعار قطع الغيار اية ؟
واحسن حل للمشكلة دى ؟ :cuss:

يا سيدي الفاضل موضوع الكركرة ده ممكن جدا يكون عيب سواقة وممكن تلاقي بيكات الكاربيراتير عاوزة تتنظف ....... و العجلة اللي نامت ده شيء عادي جدا ووارد انه يحصل في اي وقت لما الكاوتش يدخل فيه مسمار ولا حاجة ......
موضوع خبطة القائم مين قال لحضرتك عليها ؟ لو حضرتك اللي اكتشفتها يبقي كان الاولي ان حضرتك تبص عليها بنفسك قبل ما تشتري وكمان سهل ان السمكري يعالجها و اكيد حتلاقي عربيتك واخدة وش نضافة من جوة يعني مش حياثر معاك ان القائم ده يترش تاني .........
بالنسبة لموضوع الكبالن ده عادي في العربيات الدفع الامامي ان الكبالن بتبوظ كل فترة اشتريلك جوز كبالن ايطالي في حدود 250 جنيه يعني مبلغ مش كبير ولا حاجة
علي العموم اللي حصل حصل و العربيات المستعملة وارد انك تلاقيها محتاجة شغل حتي لو هي قدامك عروسة و فرجتها لاجدع ميكانيكي و سمكري ودلوقتي ما تفكرش غير في انك تستمتع بعربيتك اسبوع ولا اتنين وبعد كده اعمل شوية الشغل اللي فيها اللي حيكلفك مش اكتر من 500 جنيه لو مافيهاش حاجة تانية غير اللي كتبتها في موضوعك.........

[mohamed2002]

يا سيدي الفاضل موضوع الكركرة ده ممكن جدا يكون عيب سواقة وممكن تلاقي بيكات الكاربيراتير عاوزة تتنظف ....... و العجلة اللي نامت ده شيء عادي جدا ووارد انه يحصل في اي وقت لما الكاوتش يدخل فيه مسمار ولا حاجة ......
موضوع خبطة القائم مين قال لحضرتك عليها ؟ لو حضرتك اللي اكتشفتها يبقي كان الاولي ان حضرتك تبص عليها بنفسك قبل ما تشتري وكمان سهل ان السمكري يعالجها و اكيد حتلاقي عربيتك واخدة وش نضافة من جوة يعني مش حياثر معاك ان القائم ده يترش تاني .........
بالنسبة لموضوع الكبالن ده عادي في العربيات الدفع الامامي ان الكبالن بتبوظ كل فترة اشتريلك جوز كبالن ايطالي في حدود 250 جنيه يعني مبلغ مش كبير ولا حاجة
علي العموم اللي حصل حصل و العربيات المستعملة وارد انك تلاقيها محتاجة شغل حتي لو هي قدامك عروسة و فرجتها لاجدع ميكانيكي و سمكري ودلوقتي ما تفكرش غير في انك تستمتع بعربيتك اسبوع ولا اتنين وبعد كده اعمل شوية الشغل اللي فيها اللي حيكلفك مش اكتر من 500 جنيه لو مافيهاش حاجة تانية غير اللي كتبتها في موضوعك.........

كلام سليمم

[mrghost]

السلام عليكم ورحمة الله انا معايا ريتمو وشايف انها تستاهل يتصرف عليها بس انت روح لسمكرى وميكانيكى علشان يقولك فيها ايه بالظبط وربنا يكرمك ان شاء الله

[samaa0078]

انا بشكركم جدا على الاهتمام والرد
وادعوا لى ان ربنا يسهل
السمكرى خد 500 والميكانيكى لسة مش عارفة

لو حد يعرف ميكانيكى كويس فى 6 اكتوبر يا ريت يقولى

وكفاية اهتمتمكم وردكم

لو حد يعرف حاجة عن قطع الغيار ..اسعارها وهى متوافرة ولا لا ؟

[mig44n]

هاتى كبالن صينى انا اشتاريتها لل 128 وقاعده معايه وشغاله زى الفل وسعرها على ماعتقد كان فى حدود ال 100 جنيه للكوبلنين.....

[SS]

لو حد يعرف حاجة عن قطع الغيار ..اسعارها وهى متوافرة ولا لا ؟

لأ مش متوفرة...قطع غيارها مرمية
و بعدين مفيش داعى للزعل ...كلها بتبقى تجارب و الواحد بيتعلم ....و محدش بيتعلم ببلاش ، وبعدين ان اعتقد العربية غالبا سعرهاعلى اد حالتها يعنى فى اعتقادى انك لو اضحك عليكى هيبقى مش فى كتير...و عموما مفيش عربية مستعملة و سليمة من كله...صعب بس حاولى تستفيدى من خبرات الناس هنا و تستشيريهم....ليا سؤال السمكرى خد 500 على ايه؟

[dr_timo]

ياجماعة يعني اخر كلام ان الريتمو دي قطع غيارها موجودة ومشاكلها مش كتير وعربية مش مؤرفة يعني ولا اية لاني انا عجباني ومحتار بينها وبين المية تماية وعشرين وانا هجيب واحدة منهم ان شاء الله قريب جدا

[dream_man1110]

على فكره اى عربيه مستعمله لازم بيبقى فيها شغل . حتى ولو كانت موديل 2007 المستعمل مستعمل . بس الريتمو عن تجربه عربيه كويسه . اغلب حاجتها هيه بتاعة 128 و الريجاتا و الشاهين يعنى مش هتحتار ما عدا المساعدين الخلفى . ولو محتاج اى حاجه ممكن اساعدك . بس نصيحه اسال الاول " اسال عن اى حاجه قبل ما تعملها او تشتريها "

[Karim_Mohy]

انا سمعت ان الريتمو ( بتشيس ) عن الفيات 128
يا ريت اللي يعرف حاجة عن الموضوع ده علشان نتاكد الكلام ده صح و لا غلط

[dr_timo]

اه فعلا انا سمعت انها الشاسيه بتاعها ضعيف

[dream_man1110]

فعلا يا جماعه هيه بتفتح شاسيه و ده بيتحل من خلال طريقه من الاتنين
الاولى علاج المشكله يعنى اضم الشاسيه بزرجينه و اعمل شداد بين البطاحتين
الثانيه اعمل منيم يعنى اروح بالمساعد الامامى عند خراط و اخليه يوسعه المشئبيه ايللى بيربط فيها شمعدان العجله و بتاع الزوايا هيزبطها لوحده بيحط ورا الشمعدان بين الشمعدان و المساعد مسمار 13 و العجل بيلم
ارجو انى اكون ساعدتكم

[samaa0078]

السلام عليكم ورحمة الله وبركاتة شكرا جزيلا يا جماعة على اهتمامكم

بس مش عارفة اقولكم اية قليل البخت يلاقى ..........

بعد ما اتصرف عليها و اتصلحت
الحمد للة الحمد للة
العربية اتقلبت واتدغدغت السقف اتفعص ومفيش زجاج امامى الحمد للة زوجى خرج سليم الحمد للة دعواتكم
معلش نكدت عليكم