أرجو الإفادة علي وجه السرعة فيات لينيا ٢٠٠٩ تربو

[abdel samie]

معروض أمامي لينيا ٢٠٠٩ تربو أعلي فئة مثبت سرعه بدون سينسور بارك فيها الآتي
تحتاج كابوت واكصدام أمامي وشنب وسربنتينه وكولار تربو وبليه دبرياج وفتحه ايرباج ساءق ومغيره بربريز أمامي
والمطلوب ٥٨ الف
أرجو ألافاده

[wahba87]

انا هكلمك عن نفسى

انا عايز اجيب عربية علشان تريحنى مش علشان تتعبنى , هجيب عربية مش محتاجة جنيه مصاريف

رقم 2 , هجيب عربية منتشرة و سمعتها كويسة و ماسكة سعر فى السوق (قيمتها فيها) , اللينيا مش منتشرة

نصيحتى ليك , ممكن تفكر فى أكسنت 2008 - 2010 فابريكة بره و جوه و حالتها ممتازة و مش ماشية كتير فى حدود 68 -70 , و زود 7 الاف مثلا لو اوتوماتيك

انا دورت كتير و كان ده افضل خيار ليا بصراحة

[abdel samie]

شكرًا لك سيدي الفاضل
اللي بيركب أوربي صعب يرجع يركب كوري
انا معاك العربية نادره بس الفارق كبير بين لاثنين

[yoko]

الفرق كبير بين الاكسنت واللينيا
الليله دي هتتعبك عشان تلاقيها وهتنزل عند مجدي البيومي في الحرفيين وتفاصل معاه جامد بس مهما عملت هتلاقي انك تجيب واحده مش محتاجة مصاريف ارخص

[abdel samie]

بقالي سنه بدور مش لاقي
ال هاي لاين شبه مش بتتباع ال بتتباع التربو اول فئة وكانت معايا وبعتها انت عارف فرق كبير آوى بين الاتنين
الليلة ديه فيها من ١٥ إلى ٢٠ وترجع أصلى
مش عارف كده هتقف حوالي ٧٥ اول ٧٨ الف

[ayman2]

عامله كام كيلو علشان نعرف بعد المصاريف دى تستاهل او تبقى غاليه شويه انما قرار سليم انك تشترى العربيه دى بالذات لأن معى أختها وربنا يوفقك

[abdel samie]

75 الف كم

[abdel samie]

عامله كام كيلو علشان نعرف بعد المصاريف دى تستاهل او تبقى غاليه شويه انما قرار سليم انك تشترى العربيه دى بالذات لأن معى أختها وربنا يوفقك

٧٥ ألف كم

[ayman2]

٧٥ ألف كم

لو تعرف تقلل سعر الشراء الى 50 الف يكون افضل لأنك هتصرف فى حدود 20 الف او اقل زى ماذكرت علشان ترجع بحاله أصليه مع شويه مجهود مش قليل لكن النتيجه ستكون مرضيه لأن العربيه تستاهل بجد وماتنساش تشوف حاله الموتور والله الموفق