نداء الى الفياتويه وال(128) تحديدا اعمل ايه؟ اركب طرمبه كهربه واريح دماغى

[ahmedesmat1987]

المشكله باختصار العربيه بتقطع وبتفصل سواء بارده او سخنه والبنزين بيفضى من الفلتر ومن حوض الكربيراتير بدون مبرر يعنى الطرمبه بتفصل . طيب ايه اللى انا عملتو

1 تغير الطرمبه اللى مكملتش 2 شهر بوحده يوغسلافى جديده
2. تغيير فبره وصباع وجوانات الخاصه بطرمبه البنزين
3. تغيير جميع خراطيم البنزين الشفط والراجع بالكامل من التانك الى الكربيراتير
4 فك تانك البنزين والكشف عليه وتنضيفه وشيلت الشبكه اللى على العوامه تحسبا لاى سدد ممكن تسببه
5 تنضيف الكربيراتير والبكات وتغيير فلتر البنزين والهواء

وعلى فكره طقم الكهربه لسه جديد ابلاتين وكوندينسر وموبينه وبوجيهات ngk

المهم هى لسه عامله معايا الحركه دى النهارده فضلت تقطع تقطع بعد كدا فصلت ومادرتش غير لما ريحتها شويه ورغم ذالك مشيه تقطع بردو




طب الحل دلوقتى ايه اركب طرمبه بنزين كهربه وبجمله المصاريف بس خايف العيب يرجع بردو قولولى اعمل ايه انا قربت اتجنن بجانب انى فلست خلاص.

[ahmedesmat1987]

طب محدش طيب يديلى رائيو فى حكايه الطرمبه الكهرباء هتعيش طيب ولا مش هتنفع اصلا ولا العيب منين؟؟؟؟؟؟

[aldesha989]

مدام فصلت كده ممكن تكون موبينه ولما بردت الموبينه العربيه دارت تانى لان الموبينه العاديه لما بتسخن بيحصل كده

[ahmedesmat1987]

مدام فصلت كده ممكن تكون موبينه ولما بردت الموبينه العربيه دارت تانى لان الموبينه العاديه لما بتسخن بيحصل كده

الموبينه جديده زيرو مكملتش شهر

[besso]

طب انت عرفت منين ان الطرمبه بتفصل اصلا

[aw2100]

خلى معاك مفك فى العربية ولما تبدء تقطع وتقف فك خرطوم البنزين اللى فى الفلتر ودور تدويرة لو الخرطوم طلع بنزين يبقى الطرمبة 10/10 والعيب ده يبقى فى الكاربراتير بيخلى العربية تشرق وده تعرفة انك تفك عمة الكاربراتير لما العربية تقف حتلاقى الكاربراتير مليان بنزين وده بيبقى عيب فى عوامة الكاربراتير شوف وقولى ؟؟

[ahmedesmat1987]

خلى معاك مفك فى العربية ولما تبدء تقطع وتقف فك خرطوم البنزين اللى فى الفلتر ودور تدويرة لو الخرطوم طلع بنزين يبقى الطرمبة 10/10 والعيب ده يبقى فى الكاربراتير بيخلى العربية تشرق وده تعرفة انك تفك عمة الكاربراتير لما العربية تقف حتلاقى الكاربراتير مليان بنزين وده بيبقى عيب فى عوامة الكاربراتير شوف وقولى ؟؟

لا الكربيراتير بيبقى فاضى والطرمبه بتقف مش عارف ليه

[besso]

بص هو فيه حاجه كده ممكن تكون سبب فى المشكله بس مش متاكد منها
افتح غطاء البنزين ودور العربيه وسيبها كده وشوف هاتقطع بردو ولا لا والطرمبه هاتفصل ولا لا

اصل غطاء البنزين بيبقى فيه ثقب صغير علشان يدخل هواء بدل البنزين اللى فاممكن يكون الثقب ده مسدود فبعا الضغط جوا بيقل فتلاقى الطرمبه مش هادره تسحب بنزين تانى جرب مش هاتخصر حاجه

[ابو لؤى]

حاولت تغير فلتر البنزين جايز مسدود ؟

[alaaeldineffat]

المناول بيبقي فيه كامة بتزق الرداغ الفي الفبرة المناول ده هتلاقيه بايظ الحل
1تغير المناول
2تركيب طرمبة كهربة بس تتاكد ان خرطوم الراجع سليم و راكب في الكربيراتير

[ahmedesmat1987]

بص هو فيه حاجه كده ممكن تكون سبب فى المشكله بس مش متاكد منها
افتح غطاء البنزين ودور العربيه وسيبها كده وشوف هاتقطع بردو ولا لا والطرمبه هاتفصل ولا لا

اصل غطاء البنزين بيبقى فيه ثقب صغير علشان يدخل هواء بدل البنزين اللى فاممكن يكون الثقب ده مسدود فبعا الضغط جوا بيقل فتلاقى الطرمبه مش هادره تسحب بنزين تانى جرب مش هاتخصر حاجه

فكرتنى بحاجه من كام شهر حصلت معايا الميكانيكى كان فاكك خرطوم البنزين وعمال يسحب بنزين عشان يرميه فى الكربيراتير وفجاءه لقيته مش بيسحب وراح قاليلى افتحلى غطا التانك ولما فتحتله غطا التانك كمل سحب عادى بس تفتكر دا السبب

[ahmedesmat1987]

المناول بيبقي فيه كامة بتزق الرداغ الفي الفبرة المناول ده هتلاقيه بايظ الحل
1تغير المناول

طب هو المناول دا لما يبوظ العربيه تدور عادى ولما امشى بيها شويه تقطع بعد كدا تفصل ولما اجى افك الفلتر واشفط شويه بنزين اساعد بيهم الطرمبه العربيه تمشى عادى

2تركيب طرمبة كهربة بس تتاكد ان خرطوم الراجع سليم و راكب في الكربيراتير

امبارح كنت عند الكهربائى واقترحت عليه الفكره دى قالى بلاش ممكن لو الطرمبه شرزت العربيه تولع قولتلو طب هركبلها كتاوت وفيوز قالى بردو لا تفتكر افكنى منه واعمل الحوار دا ولا ايه

[besso]

فكرتنى بحاجه من كام شهر حصلت معايا الميكانيكى كان فاكك خرطوم البنزين وعمال يسحب بنزين عشان يرميه فى الكربيراتير وفجاءه لقيته مش بيسحب وراح قاليلى افتحلى غطا التانك ولما فتحتله غطا التانك كمل سحب عادى بس تفتكر دا السبب

جرب

متخافش التجربه لو مافادتش مش هاتضر بس فعلا كل حاجه فيها سائل بينقص ويزيد لازم تلاقى فى الغطاء بتاعها ثقف تنفيس علشان يعمل تعادل فى الضغط زى خزان زيت الفرامل وخزان قفربه المساحات وخزان زيت الباور كل ده تلاقى فيه ثقب

انت خد غطاء التانك ونضفه كويس اوى ودقق كده في كل حته فيه لحد لما تلاقى الثقب ده وبدبوس ودخله فيه بحيث لو مسدود يتسللك

[aw2100]

جرب

متخافش التجربه لو مافادتش مش هاتضر بس فعلا كل حاجه فيها سائل بينقص ويزيد لازم تلاقى فى الغطاء بتاعها ثقف تنفيس علشان يعمل تعادل فى الضغط زى خزان زيت الفرامل وخزان قفربه المساحات وخزان زيت الباور كل ده تلاقى فيه ثقب

انت خد غطاء التانك ونضفه كويس اوى ودقق كده في كل حته فيه لحد لما تلاقى الثقب ده وبدبوس ودخله فيه بحيث لو مسدود يتسللك

على فكرة الغطاء مابيبقاش فيه خرم والهواء اللى بتتكلم عنه بيدخل من خرطوم الفايظ اللى فى زور التانك بتشوفه من شنطة العربية بيبقى خرطوم رفيع واصل من اخر الزور بيعدى من الرفرف وليه وظيفتين لو فولت التانك زيادة بينزل الفائض على الأرض و بيدخل هواء علشان يعوض فرق الضغط وده موجود فى كل العربيات ممكن يكون الخرطوم ده ملغى عندك !!

[besso]

اللى انا اعرفه وشوفته فى كذا عربيه بس مش حديثه ان فيه ثقب فى الغطاء يمكن فى العربيات الحديثه مبقاش فيه خرم مش عارف 128 نظامها ايه

لكن الفكره واحده وبردو لو صاحب المشكله عنده خرطوم يبص عليه

ومشكور على المعلومه