لعباقرة الفيات - عندي مشكلتين في عربيتي

[johnadel88]

السلام عليكم ورحمة الله وبركاته

عندي مشكلتين في عربيتي البونتو ٢٠٠١

١ - ال rpm بتاع العربية بيعلي لوحده وبيوصل ل ٥٠٠٠ لفة واكتر وبيخلي المكنة صوتها عالي جداً ( بدون تكييف )
٢ - التكييف عندي فصل فجأة ووديتها للكهربائي عمل فحص علي كل الفيوزات وإتأكد ان كل الفيوزات سليمة ولقي العيب في حاجة تحت التابلوه اليمين مش فاكر ايه هي
المهم هو شغل التكييف وصلت لغاية البيت بطلت العربية وبدور تاني التكييف فصل تاني ( مش عارف ده عيب ايه )

أتمني ألاقي حل للمشكلتين دول عند عباقرة الفيات الحديث.

وشكراً.

[exact]

العربية بتعلى عشان الكونترول بيعليها عشان المكيف...وغالبا الكباس مش بيلقط

[aldesha989]

غالبآ تقصد البلور اللى هو مروحة التكيف صح ؟

بسيطه ان شاء الله بس لازم كهربائى اللى يعملها ولازم تبقى عارف بالظبط ايه اللى هو عمله فيه

المكنه بتطلع بالشكل ده اكيد فى حساس بيخرف بس ما اقدرش افيدك فيها الشباب ان شاء الله يساعدوك

[johnadel88]

العربية بتعلى عشان الكونترول بيعليها عشان المكيف...وغالبا الكباس مش بيلقط

أولاً شكراً لردك
ثانياً : مستوي ال rpm مش طبيعي ( ٥٠٠٠ لفة كتير جدا ) وللعلم ده من غير تكييف.

[johnadel88]

غالبآ تقصد البلور اللى هو مروحة التكيف صح ؟

بسيطه ان شاء الله بس لازم كهربائى اللى يعملها ولازم تبقى عارف بالظبط ايه اللى هو عمله فيه

المكنه بتطلع بالشكل ده اكيد فى حساس بيخرف بس ما اقدرش افيدك فيها الشباب ان شاء الله يساعدوك

شكراً لرد حضرتك
انا مش عارف هو لعب في ايه تحت التابلوه اليمين التكييف اشتغل

بالنسبة للمكنة انا مش عارف عيب ايه صراحةً
احترت في امرها والميكانيكي مش فاهم فيها حاجة لإن العربية دي معظمها كهربا
اكتر من الميكانيكا.

[Mecha]

you cancel the air con
take the fuse out
is the problem still???

when it reaches 5000 rpm , it stops on it or it goes down
if it plays up and down
it is camshaft sensor
typical always bad fiat

[johnadel88]

you cancel the air con
take the fuse out
is the problem still???

when it reaches 5000 rpm , it stops on it or it goes down
if it plays up and down
it is camshaft sensor
typical always bad fiat

Thanks Mecha for your reply

i already did what you mentioned at the first point but it is still as it is

it is not stable it goes between 900rpm to 5500 rpm

could you tell me what is this
( camshaft sensor )
and where i can find it in my car ?
and is it possible to change it my self ?

Thanks for your efforts

Regards
John

[yoko]

بوابه الهواء بتعلق نضفها مكنش هتغير البوابه بالفيشه هتظبط
التكيف لازم نعرف هو عمل إيه عشان يشتغل عشان نفيدك

[johnadel88]

بوابه الهواء بتعلق نضفها مكنش هتغير البوابه بالفيشه هتظبط
التكيف لازم نعرف هو عمل إيه عشان يشتغل عشان نفيدك

شكراً يوكو
بس انا مش عارف مكانها فين في العربية وهل اقدر انظفها بنفسي ولا اخدها للميكانيكي افضل ؟
وفي ناس في منتديات اجنبية قالولي انه احتمال كبير يكون سنسور دواسة البنزين.

بالنسبة للتكييف مش عارف ايه اللي حصل بس واضح انه عيب كهربا اكيد أياً يكون ايه هو العيب.
انا عموما هروح بالعربية بكرا للكهربائي يفحصلي الضفيرة كلها عشان اتطمن علي كهربا العربية كلها.

[yoko]

بوابه الهواء هي بتاخد القرايا من حساس الدواسه وتفتح على اساسه
مكانها بعد فلتر الهواء وقبل ما تدخل المنافولد هتلاقي الكهرباءي عارفها نضفها بسبراي تنضيف الكاربيراتير والعربيه دايرة وخليه يرشلك عليها وانت بتكارك بنزين لحد ما تبقى بتلمع

[johnadel88]

بوابه الهواء هي بتاخد القرايا من حساس الدواسه وتفتح على اساسه
مكانها بعد فلتر الهواء وقبل ما تدخل المنافولد هتلاقي الكهرباءي عارفها نضفها بسبراي تنضيف الكاربيراتير والعربيه دايرة وخليه يرشلك عليها وانت بتكارك بنزين لحد ما تبقى بتلمع

شكراً علي المعلومة هأكد علي الكهربائي بكرا انه يعمل كل ده
شكراً ليك مرة تانية.

[johnadel88]

يوكو
انا متشكر جداً فعلاً العيب طلع من بوابة الهوا
والعربية الحمد لله دلوقت بقت احسن من الاول كتير حتي في السحب كمان بقت اشد واخف.

وبالنسبة للتكييف طلع سلك فالت من الضفيرة جوه التابلوه
والكهربائي ظبت الدنيا وكله بقي تمام الحمد لله.

[yoko]

مبروووووووووووووك

[mous6fa]

سيدي الفاضل انا كان معايا بونتو 2001 وظهرت فيها المشكلة المزمنة دي بتاعة الـ RPM وفعلا خنقتني اووووي ... سبب المشكلة هو البوابة وحساس الـ Idle ... جرب الأول تنضف البوابة كويس وشوف الدنيا كده .. لو مفيش إستجابة يبقى هتضطر تغير البوابة كلها لإن البوابة فيها 4 حساسات تقريبا وكلهم راكبين ف البوابة مرة واحدة ومش بيتخلعوا ... يعني حتى لو حساس فيهم بايظ والباقي سليم مش هينفع تفك البايظ .. لازم تغير البوابة كلها .. وانا ساعتها غيرتها بواحدة إستيراد وكانت بـ 200 على ما أفتكر .. بس انا ساعتها غيرتها بإستعجال عشان كنت عاوز ابيع العربية .. فالأفضل انك تنزل الحرفيين أو الوكالة وتشوفلك بوابة سليمة اووي وتاخدها ع التجربة ..

[johnadel88]

سيدي الفاضل انا كان معايا بونتو 2001 وظهرت فيها المشكلة المزمنة دي بتاعة الـ rpm وفعلا خنقتني اووووي ... سبب المشكلة هو البوابة وحساس الـ idle ... جرب الأول تنضف البوابة كويس وشوف الدنيا كده .. لو مفيش إستجابة يبقى هتضطر تغير البوابة كلها لإن البوابة فيها 4 حساسات تقريبا وكلهم راكبين ف البوابة مرة واحدة ومش بيتخلعوا ... يعني حتى لو حساس فيهم بايظ والباقي سليم مش هينفع تفك البايظ .. لازم تغير البوابة كلها .. وانا ساعتها غيرتها بواحدة إستيراد وكانت بـ 200 على ما أفتكر .. بس انا ساعتها غيرتها بإستعجال عشان كنت عاوز ابيع العربية .. فالأفضل انك تنزل الحرفيين أو الوكالة وتشوفلك بوابة سليمة اووي وتاخدها ع التجربة ..

شكراً لإهتمامك
انا حليت المشكلة بالفعل
كانت بوابة الهوا عاوزة شوية نظافة والحمد لله اشتغلت تمام.