ملطلوب تسعير تمبرا

[ahmed.abdo]

السلام عليكم ورحمه الله وبركاته
حاليا انا بدور علي عربيه وواحد صاحبي معاه عربيه تمبرا كانت بتاعه باباه كانت نازل معاقين
العربيه الله اكبر عليها فبريكه جوه وبره موديل ٩٣ صاحبي طبعا شاب روش مسقط مكنه ٢٠٠٠ سي سي بكل حاجتها بالعفشه بتاعتها وتكييف الله اكبر تلج وباور وسنتر وانذار وزينون وطقم صوت من الاخر العربيه احسن من الف عربيه زيرو ومش محتاجه حتي اني اغيرلها مسمار
وفوق كل ده معاها قطع غيار تكفيني علي الاقل ٥ سنين جايبلها قطع غيار بالعبيط هيدهاني كلها مع العربيه
وهوه بيبيع لانه مسافر في تقديري ان قطع الغيار الي معاها لا تقل عن ٥ الاف جنيه ومعاها رخصه لسه فيها سنتين وثابت المتور عارخصه انه ١٦٠٠ وجنوط ايطالي اصلي وكاوتش جديد الطقم كان عامل ٢٠٠٠ جنيه كنت معاه وهوه بيشتريه وكمان بطريه اللماني جديده جايبها من شهر واحد ده غير ان الصالون كله جديد لسه جايبه ( كراسي وكنبه ) وكمان فيها فتحة سقف الله اكبر عليها مفهاش خدش
افيدوني افادكم الله عايز ناس خبره ترد العربيه دي تخلص علي كاااااام ؟!
وحطوا في اعتبركوا ان ده صاحبي وان العربيه انا واثق فيها اكتر مبثق في نفسي

[ahmedteam]

ممكن تبعت ل م / شريف فى الموضوع ده هو اكتر واحد يفيدك

http://www.nilemotors.net/Nile/249687-a.html

[besso33]

اعتقد سيارة بالمزايا دي وقطع غيار ب 5000 جنيه سعرها في حدود 38-40 الف والله اعلم

[JUVENTUS]

ما شاء الله عربية فعلا بحالة ممتازة ربنا يوفقك احنا كجروب للتمبرا ما شوفناش عربية 2000 سى سى الا مع زميل واحد كان معانا و انا شخصيا ركبت العربية بتاعتة على طريق سريع و ما شاء الله أداء العربية فعلا كان ممتاز فى السحب و الثبات و كانت بنفس المواصفات بتاعت العربية الى انت ذاكرها بالظبط تقريبا
بالنسبه للسعر لو هنتكلم عن تمبرا ال 1600 اللي متعارف عليها بالحاله دي مش هيقل سعرها عن 38000 مثلا لكن مع الموتور ال 2000 اللي بيحتاج تسقيطه بالعفشه بتاعته مجهود جامد جدا و صنايعي فاهم و الشغل اللي هو عامله في العربيه ده مع قطع الغيار كمان اللي بتقول عليها يبقى العربيه دي بالميت تعملها اكتر من كده على الاقل ب 7000 او 8000 جنيه

[ahmed.abdo]

ما شاء الله عربية فعلا بحالة ممتازة ربنا يوفقك احنا كجروب للتمبرا ما شوفناش عربية 2000 سى سى الا مع زميل واحد كان معانا و انا شخصيا ركبت العربية بتاعتة على طريق سريع و ما شاء الله أداء العربية فعلا كان ممتاز فى السحب و الثبات و كانت بنفس المواصفات بتاعت العربية الى انت ذاكرها بالظبط تقريبا
بالنسبه للسعر لو هنتكلم عن تمبرا ال 1600 اللي متعارف عليها بالحاله دي مش هيقل سعرها عن 38000 مثلا لكن مع الموتور ال 2000 اللي بيحتاج تسقيطه بالعفشه بتاعته مجهود جامد جدا و صنايعي فاهم و الشغل اللي هو عامله في العربيه ده مع قطع الغيار كمان اللي بتقول عليها يبقى العربيه دي بالميت تعملها اكتر من كده على الاقل ب 7000 او 8000 جنيه

الله يباركلك ياباشا
لعلمك انا عارف ان العربيه دي مفيش منها اتنين في مصر في نضفاتها ولا تظبطها الله اكبر عليها فل الفل
ولو كان اسمه حسام يبقي هوه لانه كان مشترك هنا فعلا
وغير كده هوه فعلا مغير كل حاجه علشان تتناسب مع ال 2000 سي سي من عفشه ولا حتي فرامل ولا حتي كاوتش وجنوط الله اكبر عليها مش محتاجه اي حاجه وباذن الله اما اخدها منه هعمل موضوع كامل عنها باذن الله :)

[ahmed.abdo]

وللعلم نسيت اقولك ان هوه الي مسقط الماتور بنفسه شغل عالي عالي يعني :)

[JUVENTUS]

الله يباركلك ياباشا
لعلمك انا عارف ان العربيه دي مفيش منها اتنين في مصر في نضفاتها ولا تظبطها الله اكبر عليها فل الفل
ولو كان اسمه حسام يبقي هوه لانه كان مشترك هنا فعلا
وغير كده هوه فعلا مغير كل حاجه علشان تتناسب مع ال 2000 سي سي من عفشه ولا حتي فرامل ولا حتي كاوتش وجنوط الله اكبر عليها مش محتاجه اي حاجه وباذن الله اما اخدها منه هعمل موضوع كامل عنها باذن الله :)

هي العربيه فعلا بتاعت حسام عمار كنت حاسس ان هي
خدها و انت مغمض العربيه ما شاء الله عليها فوق الممتازه بس خليك متواصل معاه فيما يخص الصيانات عشان موتورها مختلف عن العادي تماما و هو حافظه و هو الوحيد اللي هيفيدك فيه و في قطع غيار العربيه دي عموما

[ahmed.abdo]

هي العربيه فعلا بتاعت حسام عمار كنت حاسس ان هي
خدها و انت مغمض العربيه ما شاء الله عليها فوق الممتازه بس خليك متواصل معاه فيما يخص الصيانات عشان موتورها مختلف عن العادي تماما و هو حافظه و هو الوحيد اللي هيفيدك فيه و في قطع غيار العربيه دي عموما

حسام اصلا صاحبي وهوه اصلا متردد في البيع وانا الي عمال ازن عليه :) ادعيلي يرضي يدهاني في الاخر انا بس حبيت اخد راي الناس مش اكتر ولو رجعت للموضوع هتلاقيني كاتب اني بثق فيها اكتب مبثق في نفسي وانا عارف العربيه كويس ومتقلقش هوه لو رضي يدهاني يبقي علشان يفضل يشوفها ويطمن عليها مدام تعرفه يبقي تعرف هوه متعلق بيها اد ايه :)

[JUVENTUS]

حسام اصلا صاحبي وهوه اصلا متردد في البيع وانا الي عمال ازن عليه :) ادعيلي يرضي يدهاني في الاخر انا بس حبيت اخد راي الناس مش اكتر ولو رجعت للموضوع هتلاقيني كاتب اني بثق فيها اكتب مبثق في نفسي وانا عارف العربيه كويس ومتقلقش هوه لو رضي يدهاني يبقي علشان يفضل يشوفها ويطمن عليها مدام تعرفه يبقي تعرف هوه متعلق بيها اد ايه :)

طبعا يا باشا انا عارف مدى تعلقه بالعربيه دي و عارف هو بيعملها صيانات ازاي و بيهتم بيها ازاي عشان كده قولتلك لو هيبيع فعلا خدها و انت مغمض - و بصراحه متوقعتش انه يبيعها ابدا - ربنا يكتب ليك و ليه الخير ان شاء الله