استشارة فى فيات 128

[ضى القمر]

ان شاء الله انا على وشك التخليص فى فيات 128 موديل 1990 حالتها تمام وتم الاتفاق على 18000 ما رايكم السعر كويس مع العلم انى حستخدمها فى السفر فهل ستسعفنى

[amr011111]

ال 128 عربيه حلوه بس علشان هتستخدمها فى سفر كتير يبقى حاول تجيب شاهين او 131 وبالتوفيق

ال 128 هتسافر بس ممكن فى كذا مره تعمل معاك كذا موقف مش تمام
الا لو ايديك فيها باستمرار زياده حبتين

[mido200039]

ابعد عن 128 حرااااااااااااااااااااااام تحط فيها فلوس عن تجربه

[abdo7000]

العربية حلوة داخل البلد ولكن خارج البلد المفاجئات كتير

[ضى القمر]

ال 128 عربيه حلوه بس علشان هتستخدمها فى سفر كتير يبقى حاول تجيب شاهين او 131 وبالتوفيق

ال 128 هتسافر بس ممكن فى كذا مره تعمل معاك كذا موقف مش تمام
الا لو ايديك فيها باستمرار زياده حبتين

انا حسافر يعنى مره على الاكتر كل شهر للشرقية وعايز اعرف منك ايه الحاجات اللى اخد بالى منها واظبطها دائما فى السيارة لانى جديد فى السواقة وبعدين حاليا ممعيش غير المبلغ المالى ده اللى اقدر ادفعه

ابعد عن 128 حرااااااااااااااااااااااام تحط فيها فلوس عن تجربه

جميع الناس تقولك فلوسك فى الفيات مضمونة

العربية حلوة داخل البلد ولكن خارج البلد المفاجئات كتير

المفاجئات بتكون زى يه ياريت التوضيح

[hassanin_lada]

ياباشاا العربية انشالله تبقي زي الفل طالما بتعملها السرفس بتاعتها خلاص

ال 128 حلوه خالص وياه لو بعت المكنه اللي فيها وركبت واحد 1300 بتاعة ريجاتا هتلاقي العربية بتطير معاك لو بتحب الجري كمان في 1500 وفي 1600 كمان بس اهم حاجه تظبط الخوض بتاعها يعني تجيب بار يمسك البطحتين من فوق عشان عيب ال 128 في الشاسية بتاعها


اهم حاجه تتاكد ان العربيو حالتها كويس وربنا يووفقك

[amr011111]

انا حسافر يعنى مره على الاكتر كل شهر للشرقية وعايز اعرف منك ايه الحاجات اللى اخد بالى منها واظبطها دائما فى السيارة لانى جديد فى السواقة وبعدين حاليا ممعيش غير المبلغ المالى ده اللى اقدر ادفعه

بص يا باشا لما تجيب العربيه ان شاء الله هتعمل الحاجات الاساسيه زى
تغيير طقم كهرباء (بوجيهات وأبلاتين وكوندينسر) وسير دينامو وسير كاتينه وتاخد قراءة العداد وبعد كده تحافظ على تغييرهم فى مواعيدها ان شاء الله وخاصة سير الكاتينه وتشوف الكاوتش تاريخ انتاجه ايه وحالته عامله ايه وال 128 موتورها ممتاز وبتجرى وكويسه بس يعيبها الشاسيه انه بيفتح فى الحوض والعلب الخلفيه وديه حاجه بتعككنن على الواحد فى تصليحها لان علشان تعمل لحام صح فى الحوض بتشيل الموتور وتوديها لسمكرى وممكن بعدها تحتاج ترش او تعملها برايمر كحل مؤقت ونصيحه برضه لما تشترى العربيه ابقى هات لها جوز مساعدين جداد علشان العربيه متفتحش منك فى شروخ
المفاجأة الرخمه برضه اللى بتحصل فى ال 128 انك ممكن وانت ماشى تلاقى سلك الدبرياج اتقطع وديه حلها انك تشيل معاك سلك احتياطى وصواميل وتتعلم ازاى تركبه علشان لو قطع منك فى الطريق تغيره

لما تيجى تفحص العربيه عند الشراء ابقى بص على اماكن تواجد البارومه وغالبا بتبقى تحت الدواستين وفى الكارتيرات الخلفيه وبالتوفيق

[moury]

ياباشا اتوكل على الله
انت عامل زيى نفس الفكرة بالظبط لسه شارى من اسبوعين بالظبط موديل 75 متظبطة ومشدودة عفشة وصاج وماتور وصالون
بصراحة كل الناس كانت برضه بتخوفنى من ال 128 وبتحببنى فى الماروتى وفعلا الماروتى حلوة بس اعلى من رينج سعرى
اتوكل على الله ال 128 حلوة وسهلة فى سواقتها وهتتعلم عليها بسهولة انا تقريبا لسه بادىء سواقة من اسبوعين والحمد لله دلوقتى كويس الى حد ما وبقيت بسافر بالعربية شغلى
وانا شغلى من بيتى للزقازيق حوالى 30 كيلو رايح وزيهم جاى والعربية ماشية معايا تمام الحمد لله
ودايما سرعتى فيها مابين 60 ل 70 لان الطريق عندنا مش كويس وانا بخاف اجرى بصراحة عشان مفاجآت الطريق اللى لسه متعودتش عليها
بس العربية سحبها كويس واهو على رأى المثل .. حمارتك العارجة ............

بالتوفيق بس اتاكد من كل حاجة ومتصدقش الكلام اللى يتقالك فى العرببية
على رغم ان عربيتى كانت مشدودة وفعلا هى مشدودة وصاحبها صارف عليها
بس برضه قالى فيها مساعد ورا خفيف طلعوا الاتنين وغيرتلها مساعدين ومقص اول ما اشتريت
والله اعلم مستخبى ايه تاني يعنى انا صرفت لحد دلوقتى الف جنيه فوق سعرها اللى اشتريتها بيه

فخد بالك بس مش اكتر وخلى كذا واحد يفحصهالك عشان تنزل من سعرها الحاجات اللى هى عايزاها

وربنا يكرمك ويوفقك ويكفيك شرها يارب ومبروك مقدما

[ضى القمر]

ياباشاا العربية انشالله تبقي زي الفل طالما بتعملها السرفس بتاعتها خلاص

ال 128 حلوه خالص وياه لو بعت المكنه اللي فيها وركبت واحد 1300 بتاعة ريجاتا هتلاقي العربية بتطير معاك لو بتحب الجري كمان في 1500 وفي 1600 كمان بس اهم حاجه تظبط الخوض بتاعها يعني تجيب بار يمسك البطحتين من فوق عشان عيب ال 128 في الشاسية بتاعها


اهم حاجه تتاكد ان العربيو حالتها كويس وربنا يووفقك

انا لسه فى البدايه ومش حقدر اعمل اى حاجه فى العربيه واانا لست من النوع اللى بجرى بالعربيه يعنى اقصى سرعه فى السفر حتكون 100 ومش عايز اغير شىء فى العربية لانى لسه مفهمش وعايز ابعد عن الميكانيككى وقرفه

[ضى القمر]

بص يا باشا لما تجيب العربيه ان شاء الله هتعمل الحاجات الاساسيه زى
تغيير طقم كهرباء (بوجيهات وأبلاتين وكوندينسر) وسير دينامو وسير كاتينه وتاخد قراءة العداد وبعد كده تحافظ على تغييرهم فى مواعيدها ان شاء الله وخاصة سير الكاتينه وتشوف الكاوتش تاريخ انتاجه ايه وحالته عامله ايه وال 128 موتورها ممتاز وبتجرى وكويسه بس يعيبها الشاسيه انه بيفتح فى الحوض والعلب الخلفيه وديه حاجه بتعككنن على الواحد فى تصليحها لان علشان تعمل لحام صح فى الحوض بتشيل الموتور وتوديها لسمكرى وممكن بعدها تحتاج ترش او تعملها برايمر كحل مؤقت ونصيحه برضه لما تشترى العربيه ابقى هات لها جوز مساعدين جداد علشان العربيه متفتحش منك فى شروخ
المفاجأة الرخمه برضه اللى بتحصل فى ال 128 انك ممكن وانت ماشى تلاقى سلك الدبرياج اتقطع وديه حلها انك تشيل معاك سلك احتياطى وصواميل وتتعلم ازاى تركبه علشان لو قطع منك فى الطريق تغيره

لما تيجى تفحص العربيه عند الشراء ابقى بص على اماكن تواجد البارومه وغالبا بتبقى تحت الدواستين وفى الكارتيرات الخلفيه وبالتوفيق

متشكر جدا ليك على الشرح الجميل ده لمبادىء قيادة سيارة مستعملة بس كنت عايز اعرف هيه الحاجت ديه بتتغير كل قد ايه وبشتريها منين ومين اللى بيركبها ولعلمك انا فى السفر سرعتى ستكون فى متوسط 75 واقصى حاجه ممكن اوصلها 100 وبخصوص الشاسيه اعرف انه فتح فى الحوض ازاى ووممكن معلش انا تقلت عليك اى موضوع تعليمى لتركيب الدبرياج وانا سئلت واحد صاحبى قالى لو اتقطع منك بطل العربية وادى غياره ودورها وامشى حتمشى معاك وكل مااعوز اغير اعمل كده ادى الغيارة والعربية مبطلة وبعدين اشغل الكلام ده صحيح ولا لا

[ضى القمر]

ياباشا اتوكل على الله
انت عامل زيى نفس الفكرة بالظبط لسه شارى من اسبوعين بالظبط موديل 75 متظبطة ومشدودة عفشة وصاج وماتور وصالون
بصراحة كل الناس كانت برضه بتخوفنى من ال 128 وبتحببنى فى الماروتى وفعلا الماروتى حلوة بس اعلى من رينج سعرى
اتوكل على الله ال 128 حلوة وسهلة فى سواقتها وهتتعلم عليها بسهولة انا تقريبا لسه بادىء سواقة من اسبوعين والحمد لله دلوقتى كويس الى حد ما وبقيت بسافر بالعربية شغلى
وانا شغلى من بيتى للزقازيق حوالى 30 كيلو رايح وزيهم جاى والعربية ماشية معايا تمام الحمد لله
ودايما سرعتى فيها مابين 60 ل 70 لان الطريق عندنا مش كويس وانا بخاف اجرى بصراحة عشان مفاجآت الطريق اللى لسه متعودتش عليها
بس العربية سحبها كويس واهو على رأى المثل .. حمارتك العارجة ............

بالتوفيق بس اتاكد من كل حاجة ومتصدقش الكلام اللى يتقالك فى العرببية
على رغم ان عربيتى كانت مشدودة وفعلا هى مشدودة وصاحبها صارف عليها
بس برضه قالى فيها مساعد ورا خفيف طلعوا الاتنين وغيرتلها مساعدين ومقص اول ما اشتريت
والله اعلم مستخبى ايه تاني يعنى انا صرفت لحد دلوقتى الف جنيه فوق سعرها اللى اشتريتها بيه

فخد بالك بس مش اكتر وخلى كذا واحد يفحصهالك عشان تنزل من سعرها الحاجات اللى هى عايزاها

وربنا يكرمك ويوفقك ويكفيك شرها يارب ومبروك مقدما

الله يبارك فيك ومتشكر جدا على كلامك ووالله انته طمئنت قلبى ايوه كده انا من الشرقية وبسافر من القاهرة كل شهر مره وسرعتى انا شاء الله ناوى متزدش عن 100 والعربيه اللى حجبها حالتها حلوه وبصراحه العربية تحت البيت بمليون جنيه بس لاحظت سرقة البطارية من الفيات بالذات الاياام ده مفيش حل ليها وربنا يباركلك فى عربيتك

[ضى القمر]

معلش سؤال هوه ماتور الفيات 128 موديل 90 بيبقى 1300 ولا 1100

[ضى القمر]

الراجل كلمته عشان نخلص قالى معلش الفتيس قفس وعشق وحظبطه عشان تاخد العربيه سليمه وقالى استنى اسبوع بس ايه رايكم هوه موضوع الفتيس مكن يكون مشكله

[memo2000soft]

128 عربية حلوة لو ايدك فيها علي طول

[ضى القمر]

128 عربية حلوة لو ايدك فيها علي طول

انا ناوى على كده انشاء الله ارعيها اول باول