الى اصحاب الخبره هاااااااااام جداااااااااا

[Ahmed sahab]

بسم الله الرحمن الرحيم ........ تحيه طيبه وبعد’’
عندي استفسار لحاجه دوختني فى فيات 128 موديل 75 السيارة نظيفه وانا صارف عليها بس المشكله وانا فى فرح واحد صاحبي وانتوا عارفين الافراح المهم عملت كام خمسه على كام فركه وشويه خرابيط الافراح اللى مش مقتنع بيها بس احيانا الحاله بتيجيي لوحدها وفجاة ظهرت المشكله ولقيت جميع انوار التابلوة نورت حتي لمبه الزيت والحرارة رفعت ووقفت من الخوف على السيارة ولحد دلوقتي معملتهاش تاني ومش عارف السبب ايه ؟ وايه دخل الكهربا فى الحركه دي ؟ مش فاهم حاجه؟؟؟؟؟

[AhMeD MeTwAlY]

ينهار ازرق دا كله من كام خمسايه
ممكن يكون سلك ارضي لمس السلك الي مودي كهربه للطبلون فخلي الكل يشتغل بسيطه
بس الاهم اطمن علي العافشه والمكانيه ومتحولش تعمل ببيها كدا تاني عشان متزعلش منك
وبلاش الموضوع موضوع التخميس دا يخونا اقل غلطه بتودي في دهيه

[Ahmed sahab]

ياعم الله يرضي عليك مابلاش تريقه

[AhMeD MeTwAlY]

ياعم الله يرضي عليك مابلاش تريقه

يا باشا مش تريقه بس العربيه متستحملش خمسات
انا كان معايا اختها الكبيره الشاهين ولما كنت بخمس بحس ان العربيه هتتفكك
التخميس عايز عفشه ومتوتور محترم
حضرتك عربيتك 1100 ولو حتي 1300 مش هتعمل حاجه هتخمس من 1600 ومش اي مواتير

[Ahmed sahab]

كلامك منطقي بس الظروف حكمت او بمعني اصح الحاله جت وحصل اللى حصل بس انا مستغرب ايه اللى دخل الكهربا فى الموضوع وشكرا لاهتمامك

[أحمد جودة]

بسم الله الرحمن الرحيم ........ تحيه طيبه وبعد’’
عندي استفسار لحاجه دوختني فى فيات 128 موديل 75 السيارة نظيفه وانا صارف عليها بس المشكله وانا فى فرح واحد صاحبي وانتوا عارفين الافراح المهم عملت كام خمسه على كام فركه وشويه خرابيط الافراح اللى مش مقتنع بيها بس احيانا الحاله بتيجيي لوحدها وفجاة ظهرت المشكله ولقيت جميع انوار التابلوة نورت حتي لمبه الزيت والحرارة رفعت ووقفت من الخوف على السيارة ولحد دلوقتي معملتهاش تاني ومش عارف السبب ايه ؟ وايه دخل الكهربا فى الحركه دي ؟ مش فاهم حاجه؟؟؟؟؟

أولا بحييك على صراحتك وان شاء الله المشكلة تكون بسيطة ....... اعتقد من الحركة دي حصل تلامس الاسلاك عندك أو نتيجة قرصك على الموتور سخن .....

نصيحة وخدها بجد ومنغير اى حساسية .......... الــ 28 مش بتاعت الخمسات والفرك وجتي لو معاك عربية امكانيات مانصحكش بالحركات دي لانها وبكل بساطة غير ضررها البالغ على العربية لاقدر الله ممكن تعور حد وينقلب الفرح مشكلة كبيرة ....... تقبل تحياتي

[Ahmed sahab]

اشكركم جميعا على اهتمامكم وانا خلاص قررت اروح لكهربائي وافك التابلوة والضفيرة كلها علشان اطمن وكانت تجربة مع انها غلط بس كشفت حاجه كانت ممكن تولع فى العربيه لاقدر الله بس الحمد لله بس معلش استفسار وهكتر عليكم اسئله تقريبا كهربائي نضيف ويشتغل الضفيرة كلها هتكلف كام والعربيه هتقعد قد ايه عنده؟.

[amr011111]

هى عامله الموضوع ده لحد دلوقتى ولا
اصل لو عملتها وانت فى الفرح بس هتلاقى كل الموضوع ان المفتاح رجع لمكان التكه التانيه وانت بتدور العربيه

[Ahmed sahab]

الموضوع دا حصل فى الفرح ومحصلتش تاني ومفكرتش اخمس بيها تاني ومن يوم ورايح اطبطب عليها

[AhMeD MeTwAlY]

الموضوع دا حصل فى الفرح ومحصلتش تاني ومفكرتش اخمس بيها تاني ومن يوم ورايح اطبطب عليها

خلاص يبق الموضوع كان المفتاح رجع للتكه الاولي وانت فاتح الكونتاك
وخير ان شاء الله

[Ahmed sahab]

الحمد لله على كل حال بس انا قررت انى افك الضفيرة كلها بس كنت عايز اعرف التكاليف كلها او مصاريف فك الضفيرة باجرة الكهربائي