اخر معلومات عن فيات لينيا

[aboy3ly]

يا جماعة انا ناوى ان شاء الله اشترى فيات لينيا اخر معلوما ت من التوكيل النهاردة بتاريخ 13/10/2013
العربية نزل منها فئتين بس ب 130000 و 150000
الفرق بين الاتنين فى السنسور والبلتوث والجنوط ال 16 وال 17 بس
العربية ايطالى تقفيل تركى
وبراحة انا قعد فيها مكنتش عايز اطلع منها
الفئة ال 1400 سى سى مش هتنزل تانى
والدفعة الجديدة هتوصل مصر اخر الشهر
يعنى لو حجزت هتستلم اخر الشهر او على اول اسبوع من شهر حداشر

[monamize4]

فرق 20 الف ف السينسور و البلوتوث و الجنط ال 17 ؟!!!!!!!!!!!!!!!!!!!!!!!!!

[khaled_afandy]

فرق 20 الف ف السينسور و البلوتوث و الجنط ال 17 ؟!!!!!!!!!!!!!!!!!!!!!!!!!

لأ 6 ايرباجز + الفرش الداخلى. الجنوط كلها 16 اما فى فئة ال 130 لا توجد جنوط.
هو التوكيل لسه شغال؟؟ أخر مرة بصيت عليهم، ما كانش عندهم و لا عربية، و هل الفطيم حيشترى و الا رحع فى كلامه؟

[sonybony]

يا ريت الفطيم ياخد فيات

[dryassin]

ممكن اعرف ايه اللي موجود منها دلوقتي والسعر وصل كام وعند مين

[ahtop1]

بص اول حاجة هو مش الفرق اللي انت قلته دا وبعدين هي 1600 cc مش 1400 cc وكمان هما ثلاث فئات او أربعة بس اول فئة في منها اتنين
1- فئة إسمها أكتيف ودي بتنقسم لإتنين زي بعض بالضبط بس الفرق في المرايات الكهرباء والزجاج الخلفي كهرباء والتانية لأ وبيكون فيها الفيتس دول لوجيك وإتنين إيرباج والزجاج الأمامي كهرباء وسنتر لووك بدون إنذار
2 - دي فئة إسمها داينمك ودي بتكون فيها إمكانية تشغيل نظام البلو أند مي وتحكم في الكاسيت من الدريكسيون ونيكل على الأبواب وفرش مختلف وتابلوه مختلف عدد الإيرباج فيها 2 مع إمكانية تركيب 4 زيادة والكاسيت mp3 ومسند بين الكراسي سواء الأمامي او الخلفي
3 - فئة إسمها إيموشن دي بيزيد إن الإيرباج 6 موجودين وكمان نظام لو أند مي موجود وكمان فيها شوية رفاهية زي فتحة تكييف بالخلف حساس خلفي وجانبي حامل نظارات تجيهزات كروم عالنوافذ - كشافات شبورة مع إطار كروم والجنوط فيها 17

[dryassin]

طب موجودة عند مين بالظبط

[ahtop1]

http://www.nilemotors.net/Nile/10373-a.html

[ahtop1]

شوف انا اظن المصرية كويسه

[ahtop1]

لو ليك حد في السعودية عليها عرض هنا بتخفيض 40 % من سعرها بس عاللون الأبيض والفئة أكتيف بتساوي بالمصري حوالي 60000 جنية مع الجمارك تعملها حوالي 90000 بس بردو إسأل الأول على موضوع الجمرك دا - وبالتوفيق

[JUVENTUS]

طيب في السعوديه معلش هل عامله مبيعات هناك و لا لسه شويه عليها
كمان التوكيل بتاعها متعرفش عامل ايه بالنسبه للصيانات كويس و لا زي اوماترا

[dryassin]

هل صحيح انها بتمشي ببنزين 95

[ahtop1]

لالا عادي النزين 91 أو 95 ماشي من غير أي مشاكل - أما بالنسبة للمبيعات انا شفت سيارات كتير إتباعت بس في الشوارع مش كتير الرجل بتاع المبيعات بيقول الناس بتشتري وتبعتها مصر - الصيانة ألذ حاجة عشان بروح أدخل وأخرج لوحدي أو لو في سيارة جديدة يكونوا بيشيكوا عليها - على فكرة المدير إيطالي وجنتل جدا

[ahtop1]

على فكرة انا كنت شرحت موضوع الوكالة دا قبل كدا ... هي وكالة إسمها الخليجية معاها فيات وألفا روميو ,و هي بتعمل تحت وكالة تانية كبيرة جدا وجامدة إسمها المتحدة معاها كرايسلر ودودج وجيب ودي مش محتاج أتكلم عليها جامدة جامدة لأني رحتها وشفت الصيانة هناك وبعدين بيلتزموا بكلامهم وينفذوا