الكوبلن عمال يملص

[mk2005]

السلام عليكم
الاعضاء الاعزاء عندي مشكلة في فيات 128 خت مطب وانا بلف كنت كاسر العجل علي الاخر وخت المطب سمعت صوت ترزيع في العربية والعربية مبتمشيش بترزع كان حاجة بتتكسر جوه وامري لي الله وجبت الميكانيكي تاني يوم وفك الفرده الشمال وقالي الصليبه هيا السبب وغيرتها واشتغلت العربية تمام روحت كزا مشوار والعربية زي الفل وركنتها
روحت ركنتها وانا نازل مشوار بليل في نفس اليوم دورت العربيه وطالع سمعت صوت الترزيع تاااااني لا اخدت مطب ولا حاجة انا كنت راكن ارجو المساعدة ممكن تبقي المشكلة من ايه الصليبه الي جبتها مضروبة ولا في مشكلة في الكابلن ولا ممكن تبقي من ايه
وشكرا مقدما

[mezo73]

اعتقد العربية فتحت شاسية ودة يا اما تعمل زرجينة علشان تقفل الحوض
او تركب وردة طخينة في السرة علي الاكس وفي بعض الاحيان لو الحل دة منفعش بتغير الاكس وتحط اكس ريتمو لانة اطول
لاني شايف ان العيب ان الحوض فتح وعشان كدة الصليبة مش بايتة في مكانها
وبالتوفيق


Uploaded with ImageShack.us

[kimoroad]

حصلت عندي المشكلة دي بس انا غيرت الصليبة بزاجي مكنتش فيها حاجة
بس المشكلة عندك للأسف روكبة الشمال لازم تتغير لأن هي ال بتخلي الكوبلن يملص ولو عايز تعمل حاجة تمشي ممكن فعلا زي ما العضو Mezo قالك تركب وردة وهو حل مؤقت
ولو عمليتها معاك وانت راكن او واقف في اشارة إديها غيار وياريت الاول و زوقها لوارا و قدام لحد ما الكوبلن يظبط
و ربنا يجعل قرفتها بسيطة عليك

[mk2005]

شكرا لكم mezo73 و kimoroad
هو فعلا ده الي حصل ركب ورده كوبلن والعربية ماشيه بقالها 4 ايام كويس ربنا يسترها يا رب من الحركات دي

kimoroad شكرا علي الفكرة دي ربنا يستر ومحتاجش ليها بس شكرا جدااا علي المعلومة