استيراد قطع الغيار

[mostafa_shandy]

شباب
انا عايز مساعدتكوا
زي مانتوا عارفين كلنا محتاجين نزود مصدر الدخل بتاعنا
لمواجهه ألحياه التي نعيشها
توصلت إلي مشروع مربح ( إن شاء الله )
بس المشكله مش عارف أبداً منين
المشروع هو عباره عن أستيراد قطع غيار السيارات من الخارج
وزي مانتوا عارفين الموضوع فيه مخاطرة كبيرة لو الواحد جاهل بالشيء
ولازم طبعاً يكون عندك مكان تخزن فيه الحاجه اللي هتشتريها
انا هشتغل في حاجه انا الحمد لله فاهم فيها علي أدي
انا حابب أشتغل في الفيات ( الاونو - التمبرا - البونتو )
فوانيس - أكصدامات - تابلوهات - عدادات - طارات - فوانيس شبورة - فبرات هبعد قدر الامكان عن الحجات الفنيه زي المواتير و العفشه حجات تحتاج لخبير او حد بيفهم فيها
انا كشاب أقل من أي حد حابب أشتغل في الموضوع ده حاجه تجيب دخل زياده
وعندي المكان الصغير اللي أقدر أخزن فيه حجات زي دي
المبلغ اللي هشتغل فيه يكاد يكان يكون ضئيل جداً بالنسبه لمشروع زي ده مش حابب أخاطر بمبلغ كبير بالاضافه إلي إن ده إمكانياتي اللي يقدر يفيدني و يساعدني و يدلني علي الطريقه اللي أبداً بيها يبقي كتر خيره وممكن الموضوع ده ( بفضل الله ) يوسع و يفتح مجال شغل لناس معانا هنا سواء بالمشاركه بالمال أو بالمجهود أرجوا الافادة ولكم جزيل الشكر

[mig44n]

محتاج حد يكون ليك بره يقطع العربيات ويبعتهالك ويكون سعرك منافس جدا وياريت تشتغل فى اى حاجه بعيد عن الفيات شوف الحاجات النادره شويه ..

[tefahossam]

بالتوفيق يا باشا بأذن الله الموضوع مربح جدا والله اعلم.
وعندى فكره ممكن نتناقش فيها بما انك بتفكر تستورد من بره..
اعتقد انه هيبقى صعب فى البدايه على اساس تكلفته.
بس ممكن نجمع مننا هنا اى حد عايز اى قطع غيار استيراد ..ونشوف مستورد يكون سُمعه
ونجمع كونتينر وكل واحد يدفع حق حاجته. هو الموضوع ممكن يكون بياخد وقت شويه
بس فرق السعر هبيقى فى صالحنا باذن الله ..