تحزير لاصحاب ال 128

[samir.sayed.83]

السلام عليكم
يا جماعة خدوا بالكم من موضوع كابوت ال 128 اسهل كبوت يتفتح هوا والشنطة
ناس كتير حزرتنى منه وانا بصراحة كبرت دماغى لحد متلسعت من كام يوم واتسرقت البطارية فى عز الظهر وفى فيصل كمان وبطارية جديدة للاسف
والحمد لله ربنا سترها وكان معايا فلوس وجبت بطاريا فيرتا من ممدوح غطاطى 485 جنية
يا ريت كل واحد يامن على العربية ويروح لسمكرى يعملة تقفيلة لوير الكابوت ويعملة لوك للشنطة بيبقى عبارة عن مسمار كدة يركبة ويخرم لية مكان من تحت او العكس بحيث الشنطة متتفتحش لما حد يخبطها من الجنب الشمال ورا
ربنا يسترها علينا جميعا

[ABO MALEK]

حسبى الله ونعم الوكيل...ربنا يعوض عليك

[أحمد جودة]

اشكرك على التنبيه وربنا يسترها طيب واية المانع من تركيب جهاز انذار واللى يلمس العربية العربية تصوت فى وشة ومش غالي 200 مثلا

[akmm]

لا الاه الا الله ............... الحراميه مش مخليين وفى غايه النشاط ............ لو الشعب ينشط نصف نشاط الحراميه بس نشاط فى العمل الشريف كان الحال غير الحال اكيد .

[Silent~Dream]

حسبى الله ونعم الوكيل الحراميه دول ازاى بيقبلوا حاجه حرام على نفسهم !!!! و ربنا معاك و شكرا على التنبيه

[ashraf_sms]

اشكرك على التنبيه وربنا يسترها طيب واية المانع من تركيب جهاز انذار واللى يلمس العربية العربية تصوت فى وشة ومش غالي 200 مثلا

حسبي الله ونعم الوكيل ف كل واحد بيستحل الحرام
جهاز الانذار ف الاوقات ديه زي قلته لان انا كان معايا شاهين واتسرقت منها البطارية ف عز الضهر ف ميدان ركسي وكان راكب جهاز انذار اللي عايز يسرق مبيفرقش معاه حاجة

[samir.sayed.83]

شكرا على مشاركتكم
وربنا يحفظنا جميعا ويبعد عننا الحرمية والحفر الى فى الطريق

[J A G U A R]

الحراميه اساتذه فى الحاجات دى .. حسبى الله ونعم الوكيل

[حفيدة خديجه]

جزاك الله خيرا
و ربنا يعوض عليك...........فعلا ماحدش بيتعلم ببلاش

[Elawany13]

[img3]http://img36.imageshack.us/img36/3784/gc41.jpg[/img3]

[romio2000]

اشكرك على التنبيه وربنا يسترها طيب واية المانع من تركيب جهاز انذار واللى يلمس العربية العربية تصوت فى وشة ومش غالي 200 مثلا

انا مركب جهاز انذار والعربية اتسرقت لان جهاز الانذار علشان يشتغل على الكبوت والشنطة لازم تعمله مفتاح حساس وبعد شهر تلاقيه باظ من المياه واقتراح الاخ صاحب الموضوع هو الاحسن

[samir.sayed.83]

شكرا يا جماعة على مشاركتكم
انا عملت مسمار الوك بتاع الشنطة وتمام التمام
وموضوع الكابوت كل ما اروح لسمكارى يحس انها شغلانة بسيطة ومتستهلش يتحجج باى حجة علشان امشى بالطريقة
فعملت طريقة حلوة وجابت نتيجة
البطارية الاول جبت جنزير محمل ولحمتة عند واحد معرفة فى الشاسية والحمد لله الحرامى جة فتح الكابوت لقاها كدة سابها ومشى والحمد لله مخدش الاستبن
قولت مش هينفع كدة لازم اعمل حل ففكيت مكنة المساحات كلها وعديت الوير بتاع فتح الكابوت من تحتها والحمد لله ربنا كرم والحرامى بتاع كل مرة جه وحاول يفتح الكابوت والشنطة معرفش يعمل معاها حاجة ويأس ومشى
وكنت بعرف ان حد حاول معاها ولا لا من مكان ايدة الصبح معلمة مكان التراب
ومن ساعتها بركن فى اى حتة ومش قلقان وان شاء الله هصورها وانزلكم الصور علشان تستفادوا من التجربة والموضوع بسيط مش محتاج مجهود والحرمية يتقطع عيشهم ويشوفلهم شغلانة بالحلال :)