3 شهور مع السيينا

[madvoodoo]

السلام عليكم
انا منت عايز استفسر عن اسعار قطع الغيار وهل هي متواجدة وله فيها مشكلة
وسهل تلاقيها ولا لا وغالية ولا ايه بالظبط وصيانة العربية الكل بيفهم فيها يا ريت توضحولي وجزاكم الله خيرا

[megoghanem]

السلام عليكم
madvoodoo
قطع الغيار الحمد لله متواجدة واسعارها معقولة .. الكيلاني اللى فى شارع شامبليون عنده كل قطع الغيار الأصلي وغير الأصلي من النضيف .. المشكلة ان عنده فى حاجات كتير ما بتتجزاش زى وش الفانوس مثلا لازم تشترى فانوس على بعضه .. لكن التوفيقية وبعض المناطق الاخرى فيها الرفايع دى
وبشكل عام قطع الغيار مناسبة جدا لعربية فى الفئة دى
مثال بسيط اللى فاكره : سير الكاتينة بـ65 الأصلي خالص وفى الـ28 بـ 35 وبالمقارنة يبقى قطع غيارها مش غالية نسبيا

.. الأخ pippon مستنين وعدك .... فين الكتالوج؟!!!!!!!!!!!!!!!

[a2morsy]

السلام عليكم
ياجماعه انتوا حببتونى فى العربيه السيينا انا كنت بفكر فيها ومتردد هى ولا الفيرنا بس موضوع السخونه
ده مخاوفنى. حد يدينى رأى اخير
وجزاكم الله خيرا

[mohsen128]

بجد موضوع جامد ، بس ممكن حد يتكرم ويدينا فكره عامه عن اسعارها يعني 1400 و 1600 في السوق المصري

[motoxp]

انا عندى مفيش سخونة خالص والله بقالها 9 شهور معى بدون مشاكل

[megoghanem]

يا عم سخونة ايه مفيش الكلام ده خالص .. هاتلاقي اللى قال كده ظروف عربيته بس لكن بشكل عام وبناء على كلام الاخرين مفيش سخونة واللا حاجة

[midotick]

شكرا على الموضوع
انا كمان معايا نفس العربيه ونفس العيوب برده ونفس المميزات بالظبط
كانك بتتكلم عنى
بس مشكله النور ركب زينون زى ما انا عملت وبقى تمام انا مركب جنط 16 على نفس العفشه من غير تعديل وهى المشكله بس التكيف مش عاجبنى
ملحوظه قبل العربيه دى كان معايل برده فيات128

[madvoodoo]

السلام عليكم يا شباب
انا ان شاء الله مسافر بس حمايا ربنا يدلو طولة العمر كان موصيني اجبلو عربية قبل ما امشي فهو كان عايز يا سينا يا تمبرا انا بصراحة ركبت السينا هى حلو جدا 1600 كاملة مانوال حلتها كويسة جدا بس بصراحة العربية ضيقة جدا جدا بس بتجري والتمبر انا بصراحة شيفها ركوبة بس طبعا فرق ديه موديل 2002 وديه موديل 1996 ايه رايكو وايه ظروف السينا من الاخر
مستني رايكو ضروري

[mab]

يا جماعة السيينا موديل 2000 و 2001 يتحطلها بنزين 80 ولا 90

[motoxp]

السيينا موديل 2000 و 2001 يتحطلها بنزين 90 و 92

[megoghanem]

لا الـ80 عن تجربة من بعض أصدقائي مش بينفع معاه 80 بتسقف وما بيبقاش عزمها كويس دا غير انه بيؤثر ع الماتوور، لو الـ80 متوفر عندك يبقى الدايو أو السويفت أفضل

[Sameh]

والباور بتاعها كويس إلى حد كبير (أحسن من باور الهيونداى والدايو على الأقل)

أكتر من ممتاز ، العجل بيلف من أقصى اليمين إلى أقصى الشمال بلفات قليلة جداً ، يعنى بلمسة دركسية بتاخد الغرزة وتفادى وتلم العربية بمنتهى السلاسة وإيدك مش بتعمل مشوار لفة كبيرة ، يدوبك

[shankosi]

يا جماعة يا ريت حد يقولنا اسعار المستعمل منها ايه

لو سمحتم....