تهريب زيت الباور في سيينا موديل 2000

[ashraffigofx]

السلام عليكم ورحمته الله وبركاتة
انا لسة شاري عربية سيينا موديل 2000 و 1400 سي سي لاحظت ان الدركيسون تقيل لقيت مفهاش زيت حطلتيها زيت اشتغل زاي الفل بس 3 ايام ولاحظت ان تانك زيت الباور فضي خالص ياريت حد يفيدي في الموضوع دا او حد يديلي ممكن اروح لمين يصلحها ويفهم فيها مع العلم اني ساكن جنب الحرفين بس معرفش حد بيفهم فيها وشكرا

[saddam]

صديقي المواطن
أمامك حلين
لو مش عايز تفك البور وتحاول تتظبط معاك فتروح تشتري علبتين زيت باور نوع جنك اﻷصفر اﻷمريكي سعره 50 جنيه به ستوب ليك حتزود منه وتستعمل العربية ويفضل تمشي بيها كتير وينقص وتزود لغاية ما يقضي على كافة أماكن التسريب وفعلا حينعم الطرمبة وحيققل الترشيحات قبل متخلص العلبة الثانية بس عاوزك كل يوم الصبح قبل ما تدور تفحص وإن شاء الله خلال 10 أيام إستعمال مشاكل الباور حتتتهي

الحل الثاني تروح مؤسسة الصغير في شامبليون حيرجعولك الباور زيرو وممكن تطلب منهم يعدلولك الباور يخلوه أخف من الفبريكة وبيدوك ضمان

ولا تقلق موضوعك بسيط
وبالتوفيق وإلى اﻷمام ومن نصر إلى نصر
ودمتم للنضال

[ashraffigofx]

الله يبارك فيك ويطول عمرك انا هجرب التجربة الاولي لصابت لا خابت والله الموافق

[macdiv]

متابع باهتمام

[محمود علي محمد]

لو سمحت الزيت ده اجيبه منين

[saddam]

لو سمحت الزيت ده اجيبه منين

صديقي المواطن
الزيت ده بتبيعه شركتين بارز وجنك ولو إنت مش مهتم بفلوس تجيبه من أون ذي رن موبيل أو سبينس أو تطلع التوفيقية آخر محل في أول تقاطع في شارع زكي وحيقفل معاك بس خد إثنين وحينجح
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال