معروض عليا دوجان 1992 بسعر 35000 ؟!

[داركوولف]

السلام عليكم

انا حديث العهد بالسيارات وانواعها واسعارها
وببحث عن عربية في حدود 30000

ميكانيكي عرض عليا عربية دوجان موديل 1992 لونها رصاصي بسعر 35,000 جنيه
وقالي ان حالتها تستاهل المبلغ ده لانها فابريكة بره وجوه وسنتر وتكييف وزجاج كهربي وصاحبها لسه مركبلها كاوتشين جداد

بس انا مستكتر السعر ده جدا فهل ممكن سعرها يوصل لكدا ؟ ولا الراجل ده بينصب عليا ؟؟

وياريت لو فيه موقع بيجيب رينجات اسعار السيارات حسب الموديل والف شكر

[koshakindnes]

السعر غالى شويه

[tareksakr]

السعر مبالغ فيه جدا انت ممكن تركب سيينا بالمبلغ ده

[hugan]

غاليه
اوعي تثق في الميكانيكي
لانه اكيد عامل فيها مصلحه
لازم تتاكد من حاله العربيه من حد ثقه

[J A G U A R]

لا يا راجل دوجان ايه اللى ب35 .... زود ل 40,000 وهات لانوس نضيفه

[mohamed2002]

سعر مبالغ فيه جدا

[داركوولف]

سألت واحد صاحبي قالي العربية دي لو كويسة تبقي اكبر سعر ليها 27000
وسألت واحد تاني قالي لأ ممكن توصل 35000 لو حالتها فعلا عالية وفابريكا بره وجوه وكدا

هوه رينج اسعار الدوجان ايه بالظبط ؟

[ahmedelzeeny]

السعر كتير وخد بالك لان التعامل مع الميكانيكى زى تعاملك مع تاجر العربيات بالزبط وكمان انا رأيى ملهاش لازمه انك تشترى دوجان بره وجوه انتا مش بتشترى زلموكه ممكن تجيب واحده فبريكا دواخل وهتبقى سعرها معقول حتى عشان لما تيجى تطلع منها متخسرش كتير انما العربيه اللى بره وجوه عاوزه الزبون اللى غاويها وفاهمها

[داركوولف]

طيب لو بسعر من 30 ل 35 الف ايه احسن عربية مستعملة تتجاب في الحدود دي وتكون بحالة جيدة مش محتاجه مصاريف ؟؟؟

[tefahossam]

ممكن شاهين او زى الاعضاء الافاضل ما قالولك لو وصلت ل40000يكون احسن ممكن تركب دايو او هيونداى

[mohammedenkoo]

السعر غالي جداااااااااااااااااااااااااااااااااااااااااااااااا ا
بالسعر ده انت ممك تجيب شاهين من موديل 2002 وطالع اللي فيها التابلوه الجديد (بيسموه طيارة) ويبقي فيها ياور وتكييف كمان