مساعدة فى مساحات

[ahmed_el_22]

لو سمحتم ياجماعة كنت عايز اجيب موتور مساحات للعربية بتاعتى فيات 128 موديل 82 بس عايز اعرف الانواع واجيبه منين وبكام

[ابو لؤى]

متابع

[alaa7778]

من عزبة شلبى فى حدود 50 جنية

[aw2100]

انصحك تشترى موتور المساحة استعمال بالقاعدة كامل ايطالى مارللى وتشيل القاعدة القديمة حتحس بفرق كبير فى قوة المساحات !!

[moury]

انا جايبه استيراد من الزقازيق ب 75 جنيه
بس استفسار انا عنت جايب تلات شاسيهات مساحات ولا واحد نافع يركب ع الفيات 128 عندى
الاقى شاسيه جديد ولا مفيش منه جديد انا بقالى اسبوع بلف عشان اعمل المساحات عندى ولحد دلوقتى متعملتش :(

[ahmed_el_22]

انا جبته ب 100 جنيه

[moury]

ابو 75 طلع فيه ترس بايظ مبيكملش دورة المساحات
فرجعته وجبت موتور ريجاتا بصراحة اجمل واقوى واسرع كمان
الراجل كان بيقولى ب 120
بس لما عرف انى دكتور تقريبا مراته تعبانة فعملت معاه الصح وقولتله على ميعاد يجيبها المستشفى نعملها العملية بتاعتها فقام قايلى هديك الموتور بالسعر اللى جايبه بيه 80 جنيه ههههههههههههه

[aw2100]

مبروك على موتور المساحات الجديد !!

[moury]

بس هو ليه يا جماعة بعد ماركبته المساحة مبتوصلش لاخر الازاز من ناحية السواق !!!
مع ان الكهربائى قعد يظبط فيه لحد ما خلاه جاب اخر مسافة له وبرضه موصلش للاخر زى ماتكون الريش تقريبا قصيرة
هل فيه ريش تانية اطول ممكن تجيب الازاز كله ؟؟؟

[aw2100]

بس هو ليه يا جماعة بعد ماركبته المساحة مبتوصلش لاخر الازاز من ناحية السواق !!!
مع ان الكهربائى قعد يظبط فيه لحد ما خلاه جاب اخر مسافة له وبرضه موصلش للاخر زى ماتكون الريش تقريبا قصيرة
هل فيه ريش تانية اطول ممكن تجيب الازاز كله ؟؟؟

ريشه المساحات ليها اطوال بالبوصة ممكن تاخد الريشة اللى عندك وتشترى واحده اطول بالطول اللى انت عاوزة !!