ضرضرة الشاهين على سرعة100 واكتر اهتزاز *اهتزاز

[ابو دودو]

معايا شاهين 94 ولسه شاريها من شهر وبعد شوية تظبيط وصيانه تبقى عندى مشكله هتجنن منها وهى ضرضرة على سرعة 100 ومش عارف من ايه ........ ؟ وعامه مغير صلايب الكردان والفلانشة وكرسى النص وكمان قاعدة الفتيس لكن الضرضرة دى بحس بيها من ناحية الفتيس مع الكردان والميكانيكى بيقولى غير قواعد الموتور كمان عشان نبقى اطمنا ان كله جديد مش عارف ولا ده العادى فى الشاهين
علما بان الكاوتش سليم وتم الترصيص والعفشه ميه ميه ممكن حد يفيدنى ارجوكم
واسف على الاطالة وشكرا

[john55]

ممكن قواعد الموتور تعمل كدا ولو حاسس برعشه مع السرعه ممكن تكون كبالن داخليه مجرد راي

[aldesha989]

الدردره ليها اسباب كتير فعلآ
انا كان عندى صلايب الكبالن الداخليه مبوشه
وكمان الكاوتش كان رايح فى داهيه ملوح وفيه عالى وواطى وكان مقرف جدآ
قواعد الفتيس او الماتور تبان معاك فى الغيارات يعنى لو زودت على الغيار شويه تلاقى نفسك وانتا بتفصل الدبرياج الماتور بيروح ويجيى معاك ودى هتحسها مع دوسة الدبرياج

[reddragonmezo]

بص ياباشا لو انت من سكان شرق القاهرة روح للحاج صلاح الميكانيكى فى منشية التحرير فى الالف مسكن خلف مستشفى الشرطة هيبصلك عليها من كله وهيجربها معاك
مشكلته بس ان مصنعيته غالية شوية بس استاذ دكتور والصنايعية اللى عنده فاهمين
بالنسبة لى انا مابروحش لحد غيره

[saadelden]

رعشه ف نص العربيه مش ف الدركسيون يبقى الكردان محتاج يترف
عندك 2 خراطين كردان ف القاهره معروفين
واحد ف الملك الصالح و التاني في ميدان الظاهر

بس الاول عايزك تجرب حاجه , ارفع العربيه من ورا , بحيث تبقى كاوتشه مرفوعه و التانيه ع الارض, دور و اطلع بيها و انزل بص ع الكاوتش بيلف عدل ولا لا
لو مفيهاش اي رفه ارفع الفرده التانيه بنفس الشكل و جرب
لو لقيت رفه في الحركه حتى لو بسيطه مع السرعه هاتعمل الرعشه دي

خلي بالك بردو كرسي النص لو ناشف هايعمل رعشه بردو لانه مابيمتصش الاهتزازات بكفائه