Tweet
تجربة سيئة حصلتلي انهاردة ويوم كان كئيب.
معايا سينا 1400 موديل 2000، فيها مشكلة ان العربية لو لسة باردة ، راكنة مثلا بقالها خمس ست ساعات، تيجي تدوس بنزين جامد تلاقي مفيش حرق ولا كأنك دايس حاجة, ولو قررت ادور العربية وامشي علطول تلاقي العربية مش بتسحب لو كبست بنزين جامد، أما لو قعدت أسايس فيها 10 دقايق مثلا عالاول والتاتي خفيف من غير ما اكبس جامد، تمشي عادي.
المشكلة دي لاحظتها بعد ما غيرت الكونترول، بس كان معاد تغيير البوجيهات ف قولت اكيد هي السبب، غيرت البوجيهات وفضلت نفس المشكلة، انا سبتها بصراحة كل المدة دي لأني بركبها بالكتير مرة في الاسبوع ف الموضوع مكنش ازمة.
دة غير اني كل ما الاقي واحد بتاع كمبيوتر يقولي مش معايا السوفت بتاعها.
المهم قررت أصلحها انهاردة، لقيت واحد هنا بيشكر في ميكانيكي اسمه محمد حامد في فيصل، قلت اروحله، كلمته ووصفتله االمشكلة قام وصفلي بتاع كمبيوتر اسمه المهندس ماهر ناحية ترسا وقالي دة ممتاز روحله الاول قبل ماتجيلي.
رحتله، حط العربية عالجهاز، وقام قايلي الكونترول دة مش بتاعها، والجهاز مش عارف يقراه، قلتله طب انا معايا الكونترول القديم جربه، بس هو مشكلته ان العربية مكنتش بتدور بسببه، قالي هاته نجرب،
اديتله، ركبه، طبعا الجهاز مقراش حاجة.
راح جاب كونترول من عنده وركبه، وقعد يعجن عالجهاز، وفي الاخر قام فك سلك البوجيهات، وقالي ايه الماركة الغربية دي، غير البوجيهات ، هات ان جي كي.
قولتله دة انا لسة مغيرها والمشكلة دي اصلا موجودة من قبل ما اغير البوجيهات، قالي لازم تغيرها.
قلتله طب لما ركبت الكونترول بتاعك الجهاز قدالك ايه، قالي اداني ان في 2 مبابن من الاربعة بايظين، و مش شايف حساس الشكمان، قولتله يعني هما دول المشكلة؟ قالي لأ دة الكونترول بتاعه اصلا في
حاجة بايظة ف ماتاخدش في بالك !! طب ولما الكونترول بتاعه بايظ ركبه ليه !! عشان يقلب المصلحة وخلاص !!!
في الاخر قالي اصلحلك الكونترول بتاعك و بعدين نحطها تاني عالجهاز ونشوف، قلتله تصلحه بكام قالي ب1500 !!! لقيته واضح انه عمال يلبخ ويقول اي كلام، وعايز يقلب اي فلوس قلتله قفل على كدة،
كنت ناوي اديله 20 جنيه في ايده، لقيته بيقولي عايز 100 جنيه !! وبقوله 100 جنيه ليه ! يقولي هو سعر الكشف 100 !! بقوله بس انت معملتش حاجة بالجهاز !! قالي لأ عملت، أديك عرفت انك لازم تغير
كونترول و بوجيهات !! اقوله بس دة مالوش دعوة الجهاز !!! مش الجهاز هو اللي قال كدة !!! دة انت اللي بتقول كدة !! دا انت جهازك مشتغلش عالكونترول بتاعي، وكونترولك بايظ، يبقى فين الجهاز وفين الكشف !! اتاريه بأة ركب كونتروله وهو بايظ عشان ياخد اي مصلحة!! وعايز يصلح كونترولي ب 1500 وبعد كدة نلاقي نفس المشكلة، يقوم يكشف تاني ب 100.
انا بأة زعلان عال 100 جنيه اللي خدها الراجل النصاب دة اكتر من زعلي على الكونترول اللي اتنصب عليا فيه دة، كنت شاريه ب 600 جنيه !
محدش يروحلو الراجل النصاب دة، هو فاتح في شارع متفرع من ترسا. وعامل فيها مهندس !!
حد يعرف اي مكان يبيع كونترول استيراد يكون رخيص، ولول لقيت حد رخيص حجرب ارجع الكونترول المضروب اللي جبته دة !! مع اني جايبه من 3 شهور.
معايا سينا 1400 موديل 2000، فيها مشكلة ان العربية لو لسة باردة ، راكنة مثلا بقالها خمس ست ساعات، تيجي تدوس بنزين جامد تلاقي مفيش حرق ولا كأنك دايس حاجة, ولو قررت ادور العربية وامشي علطول تلاقي العربية مش بتسحب لو كبست بنزين جامد، أما لو قعدت أسايس فيها 10 دقايق مثلا عالاول والتاتي خفيف من غير ما اكبس جامد، تمشي عادي.
المشكلة دي لاحظتها بعد ما غيرت الكونترول، بس كان معاد تغيير البوجيهات ف قولت اكيد هي السبب، غيرت البوجيهات وفضلت نفس المشكلة، انا سبتها بصراحة كل المدة دي لأني بركبها بالكتير مرة في الاسبوع ف الموضوع مكنش ازمة.
دة غير اني كل ما الاقي واحد بتاع كمبيوتر يقولي مش معايا السوفت بتاعها.
المهم قررت أصلحها انهاردة، لقيت واحد هنا بيشكر في ميكانيكي اسمه محمد حامد في فيصل، قلت اروحله، كلمته ووصفتله االمشكلة قام وصفلي بتاع كمبيوتر اسمه المهندس ماهر ناحية ترسا وقالي دة ممتاز روحله الاول قبل ماتجيلي.
رحتله، حط العربية عالجهاز، وقام قايلي الكونترول دة مش بتاعها، والجهاز مش عارف يقراه، قلتله طب انا معايا الكونترول القديم جربه، بس هو مشكلته ان العربية مكنتش بتدور بسببه، قالي هاته نجرب،
اديتله، ركبه، طبعا الجهاز مقراش حاجة.
راح جاب كونترول من عنده وركبه، وقعد يعجن عالجهاز، وفي الاخر قام فك سلك البوجيهات، وقالي ايه الماركة الغربية دي، غير البوجيهات ، هات ان جي كي.
قولتله دة انا لسة مغيرها والمشكلة دي اصلا موجودة من قبل ما اغير البوجيهات، قالي لازم تغيرها.
قلتله طب لما ركبت الكونترول بتاعك الجهاز قدالك ايه، قالي اداني ان في 2 مبابن من الاربعة بايظين، و مش شايف حساس الشكمان، قولتله يعني هما دول المشكلة؟ قالي لأ دة الكونترول بتاعه اصلا في
حاجة بايظة ف ماتاخدش في بالك !! طب ولما الكونترول بتاعه بايظ ركبه ليه !! عشان يقلب المصلحة وخلاص !!!
في الاخر قالي اصلحلك الكونترول بتاعك و بعدين نحطها تاني عالجهاز ونشوف، قلتله تصلحه بكام قالي ب1500 !!! لقيته واضح انه عمال يلبخ ويقول اي كلام، وعايز يقلب اي فلوس قلتله قفل على كدة،
كنت ناوي اديله 20 جنيه في ايده، لقيته بيقولي عايز 100 جنيه !! وبقوله 100 جنيه ليه ! يقولي هو سعر الكشف 100 !! بقوله بس انت معملتش حاجة بالجهاز !! قالي لأ عملت، أديك عرفت انك لازم تغير
كونترول و بوجيهات !! اقوله بس دة مالوش دعوة الجهاز !!! مش الجهاز هو اللي قال كدة !!! دة انت اللي بتقول كدة !! دا انت جهازك مشتغلش عالكونترول بتاعي، وكونترولك بايظ، يبقى فين الجهاز وفين الكشف !! اتاريه بأة ركب كونتروله وهو بايظ عشان ياخد اي مصلحة!! وعايز يصلح كونترولي ب 1500 وبعد كدة نلاقي نفس المشكلة، يقوم يكشف تاني ب 100.
انا بأة زعلان عال 100 جنيه اللي خدها الراجل النصاب دة اكتر من زعلي على الكونترول اللي اتنصب عليا فيه دة، كنت شاريه ب 600 جنيه !
محدش يروحلو الراجل النصاب دة، هو فاتح في شارع متفرع من ترسا. وعامل فيها مهندس !!
حد يعرف اي مكان يبيع كونترول استيراد يكون رخيص، ولول لقيت حد رخيص حجرب ارجع الكونترول المضروب اللي جبته دة !! مع اني جايبه من 3 شهور.
Comment