هااام من اصحاب الخبرات فيات 128

[Ahmed sahab]

اول شي نبدا بيه هو الصلاة والسلام على اشرف المرسلين سيدنا محمد صلي الله عليه وسلم
نيجي بقه للموضوع اللى قرفني في فيات 128 موديل 1976 م المهم فى هوايتين (فتحتين) فى السيارة من الامام تحت الزجاج الامامي كل لما اغسل السيارة ينزل منهم ميته وتدخل جوة السيارة لدرجة انى غير مرتين الكاسيت خلال شهر كل مرة كاسيت جديد ومصاريف على الفاضي ياتري ايه الحل مع ان العربية مشدودة ومفيهاش برومة خالص فايتري ايه الحل اللى ممكن اعمله؟؟
الشئ الثاني واسف على الاطالة عايز اغير شاشة العدادت هو كله شغال فيها ماعدا السرعة بس شكلها بيئه بصراحة فقلت اغيرها وخلاص فممكن الاقي جديد ولا كله استيراد مع انى واثق انها تيجيي استيراد بس السعر كام ؟؟؟؟؟ ولو تصلح حد يعرف كهربائي يصلحها فى الزقا

[amr011111]

الحل النهائى انك تخلى سمكرى يقطع صاجه من عنده ويلحمها داير ميدور خياطه

[Ahmed sahab]

طب هو هيلحمها من جوة ولا من برة يعني لو من جوة هيفك التابلوة ويلحم ولا يقفلها خالص من برة وتترش
طب سعر شاشة متعرفش كم تقريبا

[amr011111]

لو الهوايتين دول باينين من بره يبقى يلحمهم من بره غير كده يبقى هيفك التابلوه والموضوع تكلفته بسطيه المفروض ميعديش اللحام 30 جنيه لو مش هيفك التابلوه
والرش هات علبة دوكو اسبراى ورشها انت

[Ahmed sahab]

طبعا هما ظاهرين برة وعليهم فبرة سمرة بلاستيك فانا هروح افك التابلوة واخلي السمكري يظبطها من جوة بحيث متظهرش من برة خالص واشكرك على اهتمامك وردك

[amr011111]

العفو وعلى فكره الهوايتين العرسه ( اللى هى زى الفار ) بتدخل من خلالهم جوه العربيه فالبمره بقى لو هتفك التابلوه لو لقيت اى هوايات اخرى اقفلها

[Ahmed sahab]

تسلم على ردك وان شاء هعملها واقفلها كلها لانى والله غيرت الكاسيت مرتين بس هتقل عليك العربية بتاكل بنزين كتير فكنت عايز اغير كاربارتير ممكن اعرف سعرة

[amr011111]

تسلم على ردك وان شاء هعملها واقفلها كلها لانى والله غيرت الكاسيت مرتين بس هتقل عليك العربية بتاكل بنزين كتير فكنت عايز اغير كاربارتير ممكن اعرف سعرة

الكرابراتير لو استيراد هتلاقيه فى حدود 250 جنيه
سألت على الجديد من سنه ونص كان ب 600 جنيه يوغسلافى

[م أحمد]

أفتح كبوت العربية ، هتلاقى فتحة فى الشاسيه تحت الزجاج مكان دخول الضفيرة و سلك السرعة ، لو فيهم تجويفات اقفلها بقطعة قماش او هات انبوبة فوم و سد بيها هذه الفتحات مش هتلاقى فيران و لا عرس تاكل سندوتشاتك

الفتحات داخل السيارة ، دور على اى قطعة كاتوتش مثل الطبة و اقفها من الداخل