نصيحة في السيينا

[romioh3]

السلام عليكم أعضاء المنتدى الكرام
كنت عاوز أغير عربيتي
والميزانية من 30-37 ألف و دة أخري
وبعد البحث لقيت السيينا مناسبه كسعر و موديل حديث
و يبقى السؤال
بالبحث لقيت الناس بترشح 1400 أكتر من 1600
وانا موضوع التكييف مهم جدا بالنسبة لي
وفيه كلام ان 1400 بتسخن مع التكييف
فهل ده حقيقي و لا لأ؟؟
كمان اللي أعرفة ان المكنة 1400 بنظام حقن من نقطة واحدة
هنا السؤال بقه هل هلى زى مكنة التمبرا و التيبو 1400 وبالتالي تبقة مكنة الشاهين؟؟؟
هل فيها مكان سبيراتير زي المكن بتاع التمبر و بالتالي يمكن تحويلها الى كاربيراتير؟
ونفس السؤال الأخير بالنسبة للمكنة 1600؟؟
أخر حاجة لو جيبت واحدة المكنة بتاعتها ضاية هل ينفع يتسقطلها مكنة التيمبرا 1600 ونشغل بيها التكييف ويبقى بكدة حلينا مشكلة الحساسات الكتيرة و شغلنا التكييف بكفاءة؟؟؟


ولو حد عايز يرشح بدايل يتفضل
ولو صورة للمكنتين 1400 و 1600 عن قرب و الحوض و مكان السبيراتير علشان أقدر أقيم امكانية التحويل يبقى عسسسسسسسسل

ولكم جزيل الشكر يا منتدى عسل وأعضاء سكر

[aldesha989]

نصيحه
ما تشتريش عربيه تعدل فيها
هات حاجه مره واحده على طول
تانى حاجه العربيه نازله انجشيكن يبقى تسيبها على كده مدام انتا مش عاجبك الحساسات والانجكشين يبقى ليه تجيب حاجه كده شوف شاهين على طول او تمبرا على طول

[romioh3]

ألف شكر ليك يا باشا على اهتمامك وردك
بس أنا بتكلم على أساس لو جيبتها وطلعت فعلا بتسخن مع التكييف أو تكييفها ضعيف
هل يمكن أفلت من الموضوع ده ولا كجدة يبقى لبستها بدون تكييف
وليه مش شاهين أو تيمبرا
أولا السيينا موديا أحدث و أنا بفضل شكلها (أزواق) عن الشاهين
ثانيا الشاهين مالية الدنيا كتاكسي عندنا في المنصورة و مش ناقص حد يشتورلي و يقولي عاى جنب يا اسطى
يبقى الكلا ان انا مشبفكر في تعديل
الكلام 1400 و لا 1600
هل التكييف جيد ولا لأ
ولو جيبتها وطلع فيها مشكلة هقدر أفلت منها ولا هتحملها و لا هبيعها وفي الغالب تبقى بخسارة؟؟؟

[romioh3]

السؤال عن التشابه بينها و بين مكنة الشاهين علشان توافر قطع الغيلر بس