عايز اشد 128 يا اولاد الحلال

[walidzakzok]

عربية الوالد الله يرحمه 128 موديل 74 ذكرى ومش عايز ارميها ب 5 الاف

عايز اشدها وعارف ان ال 128 اخرها تصرف عليها 600 جنيه لان اكتر من 600 جنيه يبقى حرام في 128 على راي اخونا صدام ههههههه

العربية فيها بارومة وعايزة شغل زراجين وسمكرة ودوكو واكيد تدعيم للعلب والشروخ وعايز اغيرلها الموتور ب موتور اونو بفتيسه

عايزة كاوتش وشغل عفشة وكراسي وشغل فى الصالون

طبعا فيه ناس هاتقولي ارميها احسن(عندهم حق) بس زي ما شرحت انها ذكرى

انا عايز حد يرشحلي ورشة كويسة تكون شغالة فى ال128 وتعديلاتها علشان انا مش عايز عك من الصنايعية وياريت تكون شغالة سمكرة وميكانيكا وكهربا فى نفس الوقت علشان يبقى فيه تنسيق

انا عامل ميزانية 15 الف

ياريت محدش يبخل عليا بمعلومة وجزاكم الله خيرا

[saddam]

صديقي المواطن
فعلا ال 128 لا تساوي 600 جنيه وحرام يتصرف عليها قولا واحدا ولكن إنت حضرتك حالة خاصة تخص إحترامك لذكرى.والدك رحمة الله عليه هو حضرتك أنا ممكن أزقهالك جنب عربياتي وحتكلفك 21 ألف شامل كل حاجة زجاج كهربا ومكنة وفتيس أوتوماتيك وسمكرة وتدعيم شواسي ولون غريب وحديث ومبهر مع عوازل صوت وسروجي جلد وخياطة غرز مع كهربائي والتسليم بعد 6 شهور مع سبويلر وباكيتات عريضة وتعديل بسيط للفوانيس مع طقم جنوط وكاوتش حاجة عليها العين بس اللي أوله شرط آخره نور حضرتك متسألش عالعربية 6 شهور ﻷن أنا مش شغال عند حد أنا بعدل لعربياتي الشخصية وبستغل إن سبعة من عربياتي العشرة مرمية في ورش تعديل وسمكرة وبوهيه وسروجية وكهربائية وبتوع نواكل وبتوع فيبر وبتوع فوانيس فبتابعها 3 مرات في الشهر وجودة العمل ليس لها مثيل في كل شيء ﻷني بهد كل حاجة من الصفر وكل عربياتي بهدها من تحت الصفر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
وننتظر برضو رأي اﻷخوة الزملاء المناضلين وحتلاقي حتى ناس تشدهالك ب 6 آلاف جنيه ولكن حضرتك طالب طلبات تكاليفها عالية من المصدر زي مكنة وفتيس أوتوماتيك مع طقم كاوتش وجنوط إحنه في الفقرتين دول ممكن نصرف من 8 إلى 10 آلاف جنيه إلا لو فكرت في حل في بالي

[mostafa elsaba]

رحمه الله عليه ..بيعها وتصدق بالثمن.ربنا يتقبل.

[mostafa elsaba]

االسلام عليكم ..افيدونى الله يكرمكم ..محتار بين كيا كارينز 2010 مانيول وتيجو 2014.

[walidzakzok]

صديقي المواطن
فعلا ال 128 لا تساوي 600 جنيه وحرام يتصرف عليها قولا واحدا ولكن إنت حضرتك حالة خاصة تخص إحترامك لذكرى.والدك رحمة الله عليه هو حضرتك أنا ممكن أزقهالك جنب عربياتي وحتكلفك 21 ألف شامل كل حاجة زجاج كهربا ومكنة وفتيس أوتوماتيك وسمكرة وتدعيم شواسي ولون غريب وحديث ومبهر مع عوازل صوت وسروجي جلد وخياطة غرز مع كهربائي والتسليم بعد 6 شهور مع سبويلر وباكيتات عريضة وتعديل بسيط للفوانيس مع طقم جنوط وكاوتش حاجة عليها العين بس اللي أوله شرط آخره نور حضرتك متسألش عالعربية 6 شهور ﻷن أنا مش شغال عند حد أنا بعدل لعربياتي الشخصية وبستغل إن سبعة من عربياتي العشرة مرمية في ورش تعديل وسمكرة وبوهيه وسروجية وكهربائية وبتوع نواكل وبتوع فيبر وبتوع فوانيس فبتابعها 3 مرات في الشهر وجودة العمل ليس لها مثيل في كل شيء ﻷني بهد كل حاجة من الصفر وكل عربياتي بهدها من تحت الصفر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
وننتظر برضو رأي اﻷخوة الزملاء المناضلين وحتلاقي حتى ناس تشدهالك ب 6 آلاف جنيه ولكن حضرتك طالب طلبات تكاليفها عالية من المصدر زي مكنة وفتيس أوتوماتيك مع طقم كاوتش وجنوط إحنه في الفقرتين دول ممكن نصرف من 8 إلى 10 آلاف جنيه إلا لو فكرت في حل في بالي

كلام ممتاز بس هل فيه موتور فيات اوتوماتيك ينفع يركب عليها وياريت تبعتلي رقم موبايل حضرتك على الخاص