Tweet
السلام عليكم ورحمة الله وبركاته شباب انا عربيتى فيات 128 والعربية عندى كانت بتاكل زيت كتير وفى دخنة من خرطوم الفايظ لكن فى الفترة الاخيرة بقى معدل استهلاك الزيت عالى جدا الزيت بيخلص قبل مايكمل 450 كم مع العلم انى بحط زيت التعاون ال 1000 اتقل حاجة ودلوقتى الدخنة الى من الفايظ بقت شديدة جدا والشكمان كمان بقى يطلع دخنة عالية اوى والبوجيهات بيجى عليها زيت و بحتاج اغيرهم فى مده قصيرة جدا على صعيد اخر العربية بتجرى جامد فانا مش عارف ده طقم شنبر ولا عمره كاملة ولو ولا ايه بالظبط ولو سمحتو لو عمر ممكن تكلفنى كام خامات و مصنعية
-
-
سبحانك اللهم وبحمدك ، أشهد أن لا إله إلا أنت أستغفرك وأتوب إليك -
الاعراض اللي انت قولتها بتدل علي ان المتور عندك فوت او بمعني اصح الشنبر عندك غير محكم وبيدخل الزيت في غرفة الحريق بكثافة وبيتحرق في حالتك دي العمرة افضل بكتير من طقم الشنبر لان الشنبر يعتبر مسكن وليس حل المفروض ان الميكانيكي هيفك الموتور ويشوف حالة الشمايز والبساتم وحالة السبيكة والصبابات
انت مبدءيا تنزل تسأل علي اسعار قطع الغيار دي
طقم بساتم
طقم شنبر
طقم سبيكة
طقم صبابات
طقم اويل سيل صباب
طقم جوانات كامل للعمرة
وغالبا العمرة هتكلفك في حدود 2000 ل 2200 جنيه لو اتعملت صح هيبقي معاك موتور جديدComment
-
لازم تعمر طبعا وحاول توقف العربية لحد ماتعمرها لأن مشيها كده هايبوظ حاجات أكتر زى الكرنك والسبيكة ودى حاجات مش رخيصةComment
Comment