عاوز اشترى 128 وياريت تنصحونى :]

[Mohab Lasheen]

أنا لسا داخل على الكليه إن شاء الله وكنت عاوز اشترى 128 كدا تكون حالتها حلوه؟ ماتور شديد وسحبه حلو؟ ومن جوه متظبطة وكده ومتبقاش موديل قديم قوى؟ هتبقى فى حدود كام كدا؟ انا كنت عاوز فى حدود 15 الف؟ وأشترى منين ؟
وبرده السعر ده يجيب عربية كويسة بس انا كنت عاوز اعرف حاجات صغيرة كده وأسعارها عشان اظبط الدنيا؟ يعنى اركبلها طارة دركسيون جديد؟ فرش جديد؟ زجاج قهرباء؟ كاست وسماعات كده؟ لزوم الروقان كده :) :) الحاجات ديه ممكت تكلفنى كام وفيه حاجة تانية أعملها فيها؟ ده لو حالتها ميكانيكيا حلوه يعنى
وفيه أى نصايح تانية؟
مع العلم: لا أفقه شئ فى ميكانيكة العربيات غير حاجات بسيطة جدا ^_^ ^_^ ^_^

هتعبكوا انا عارف :( جزاكم الله خيرا :)

[م أحمد]

"مع العلم: لا أفقه شئ فى ميكانيكة العربيات غير حاجات بسيطة جدا ^_^ ^_^ ^_^ "

أن شاء الله هتبقى ميكانيكى وعفشجى وكهربائى و سروجى و بويجى و سمكرى مع ال 128

((((((((العربية مصروف بيت)))))))) و انت طالب

ال128 بتكسر قوايم من عند الزجاج الامامى فتأكد من سلامة هذه الاجزاء
أبعاد العربية لازم تكون مظبوطة ما فيهاش لاوحة
مفيش بارومة فى الشاسيه و الحوض خصيصا وتاكد من سلامة الصوابع فى الحوض وما فىهوش لحامات
الموتور كبسه قوى مش مفوت وممكن تخلى بالك من الزيت ليكون متغير وانت بتشترى علشان بخار الزيت ما يبانش فى خرطوم الفايظ او الشكمان
العربية و انت سايق على مختلف السرعات لا تحدف ويمين ولا شمال لان لو حدفت دليل خبطة مستخبية مغيرة ابعاد الشاسيه وساعات ضغط الهوا فى الكاوتش مش مظبوط
معدل نقصان المياه من الراديوتر قليل والا هتغيره بفلووووووووووس
فرد الكاوتش مش ممسوحة و الا هتغيرها والجنوط مش مخبطة والا كل شوية العجل بينفس

اهتم بمظهر العربية دون اختراعات ، لو هتحتفظ بيها لازم تكون على سنجة عشرة ،128 محترمة احسن بكتير من غيرها مبهدلة
لوهتبيع تانى اوالعملية مزنقة اصرف فقط على الذى لا يسبب توقف السيارة و ساعة الصرف تبقى على الحاجة نمرة واحد فى السوق

أهم حاجة ابعد عن اختراع اسمه الاستيراد اللى هو تحسين لكلمة مستعمل الا فى اضيق الحدود ولو حاجة باظت منك دور على الاصلى منها او الصينى اعلى جودة و اياك والاستيراد فى موضوع العفشة خصيصا ، ممكن اى حاجة الا العفشة

دور على عربية لسه مشدودة سمكرة و دوكو احسن من فابريكة وعلى وشك تفتح بؤها

لوموتور 1300 يبقى افضل فى السحب

[Adham]

نصيحتي ليك بلاش 128

لو تقدر تجيب 131 موديلات السبعينات حتى لو الكوبية الاتنين باب حالتها متوسطة احسن
الفولكس البيتل احسن
النيفا احسن
التلاتة في رينج ال 15 ممكن و كلهم احسن من ال 128 كعلب شاسية و متانة بودي و أمان عنها و مافيهمش عيوب ال 128 اللي تلاقيها ركبها وقعت و انت ماشي و علبها الضعيفة

و افضلهم ال 131 و برستيج و تقدر تروش فيها و تقدر لما ربنا يفتح عليك بعد التخرج تصرف عليها و تخليها تساوي 30 الف

و عربية اساسياتها محترمة و موتور محترم و أمان و برستيج مليون مرة عن ال128

[Mohab Lasheen]

"مع العلم: لا أفقه شئ فى ميكانيكة العربيات غير حاجات بسيطة جدا ^_^ ^_^ ^_^ "

أن شاء الله هتبقى ميكانيكى وعفشجى وكهربائى و سروجى و بويجى و سمكرى مع ال 128

((((((((العربية مصروف بيت)))))))) و انت طالب

ال128 بتكسر قوايم من عند الزجاج الامامى فتأكد من سلامة هذه الاجزاء
أبعاد العربية لازم تكون مظبوطة ما فيهاش لاوحة
مفيش بارومة فى الشاسيه و الحوض خصيصا وتاكد من سلامة الصوابع فى الحوض وما فىهوش لحامات
الموتور كبسه قوى مش مفوت وممكن تخلى بالك من الزيت ليكون متغير وانت بتشترى علشان بخار الزيت ما يبانش فى خرطوم الفايظ او الشكمان
العربية و انت سايق على مختلف السرعات لا تحدف ويمين ولا شمال لان لو حدفت دليل خبطة مستخبية مغيرة ابعاد الشاسيه وساعات ضغط الهوا فى الكاوتش مش مظبوط
معدل نقصان المياه من الراديوتر قليل والا هتغيره بفلووووووووووس
فرد الكاوتش مش ممسوحة و الا هتغيرها والجنوط مش مخبطة والا كل شوية العجل بينفس

اهتم بمظهر العربية دون اختراعات ، لو هتحتفظ بيها لازم تكون على سنجة عشرة ،128 محترمة احسن بكتير من غيرها مبهدلة
لوهتبيع تانى اوالعملية مزنقة اصرف فقط على الذى لا يسبب توقف السيارة و ساعة الصرف تبقى على الحاجة نمرة واحد فى السوق

أهم حاجة ابعد عن اختراع اسمه الاستيراد اللى هو تحسين لكلمة مستعمل الا فى اضيق الحدود ولو حاجة باظت منك دور على الاصلى منها او الصينى اعلى جودة و اياك والاستيراد فى موضوع العفشة خصيصا ، ممكن اى حاجة الا العفشة

دور على عربية لسه مشدودة سمكرة و دوكو احسن من فابريكة وعلى وشك تفتح بؤها

لوموتور 1300 يبقى افضل فى السحب

هههههههه انشاء الله :]
شكرا جدااااا جدااااا لنصايحك يا أستاذ أحمد
لا انشاء هاحتفظ بيها , وبأذن الله مراعاة النقظ ديه عند فحص العربية
بس سؤال معلش؟ احاول ادور على عربية فى سوق السيارات الى فى مدينة نصر ده مثلا ؟
ولا أشوف حد عامل اعلان على الأنترنت؟

[Mohab Lasheen]

نصيحتي ليك بلاش 128

لو تقدر تجيب 131 موديلات السبعينات حتى لو الكوبية الاتنين باب حالتها متوسطة احسن
الفولكس البيتل احسن
النيفا احسن
التلاتة في رينج ال 15 ممكن و كلهم احسن من ال 128 كعلب شاسية و متانة بودي و أمان عنها و مافيهمش عيوب ال 128 اللي تلاقيها ركبها وقعت و انت ماشي و علبها الضعيفة

و افضلهم ال 131 و برستيج و تقدر تروش فيها و تقدر لما ربنا يفتح عليك بعد التخرج تصرف عليها و تخليها تساوي 30 الف

و عربية اساسياتها محترمة و موتور محترم و أمان و برستيج مليون مرة عن ال128

هوا المشكلة بس انها هتبقى غالية عليا جدا؟ انا قولت 15 الف وده أخرى؟
فمظنش عندى اختيار تانى غير ال 128؟ وعلى ما أظن 15 الف تجيب 128 حالتها كويسة بس تجيب 131 حالتها مزرية :) :) :)
ولا بتفضل انى استنا ومشتريش دلوقتى 128؟

[ابو لؤى]

بلااااااااااااش 128 اسمع منى هات 132 افضل واوسع

[saddam]

صديقي المواطن
قولا واحدا النصيحة الحق اللي تنصحك بيها والدتك مش حماتك إياك ال 128 و ال 127 تخليك في أوتورجلك ولا تركب 127 أو 128 وتقل من قيمتك وتشتري وجع القلب والمشاكل والمصايب وجيب مخروم العربيتين دول وو الله العظيم اللي عمل العربيات دي في مصر كان عامدا متعمدا اﻹساءة للمواطن المصري الشريف وكان عاوزه طول عمره يرضى بقليله
عرببة شعار الفشل ومش حتلاقي وحده في مصر إلا وتغير عليها 57 مالك ومفيش أسطة في مصر إلا وعدت عليه
فلوسك قليلة لكن هناك عشرات العربيات غير العربية المسيئة لمكانة صاحبها في المجتمع دي تخيل لو خبطت عربية حديثة من ورا بيها سيبك من كل كلام المثاليات اللي حيقولوه اﻷخوة الزملاء اﻷفاضل وخليك في الواقع المرير وهو إنك لو عطلت في الشارع وده لازم كل يوم تعطل مرتين فبريكة كده أو لو خبطت حد وده كل أسبوع مرة ﻷن فراملك أي كلام فلو خبطت عرببة حديثة صاحب العربية الحديثة حينزل يبص لعرببتك زي المنديل المليان وساخة وخايف يقرب منه فأرجوك بلاش حتى لو بتتعلم سواقة وروح هاتلك كرسيدا سبعينات هاتلك فولفو سبعينات وأوائل الثنانينات هاتلك مرسيدس ستينات لكن أرجوك أرجوك أرجوك بلاش إنقذ نفسك وفلوسك من الجريمة اللي ناوي ترتكبها بحق نفسك وحق المجتمع

مع إعتذاري لكل ملاكها الحاليين من الزملاء اﻷفاضل في المنتدى الشرفاء الكادحين والله بدعيلكم ليل نهار عشان ربنا يوسع رزقكم وتجيبوا أحسن منها

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[م أحمد]

صديقي المواطن
قولا واحدا النصيحة الحق اللي تنصحك بيها والدتك مش حماتك إياك ال 128 و ال 127 تخليك في أوتورجلك ولا تركب 127 أو 128 وتقل من قيمتك وتشتري وجع القلب والمشاكل والمصايب وجيب مخروم العربيتين دول وو الله العظيم اللي عمل العربيات دي في مصر كان عامدا متعمدا اﻹساءة للمواطن المصري الشريف وكان عاوزه طول عمره يرضى بقليله
عرببة شعار الفشل ومش حتلاقي وحده في مصر إلا وتغير عليها 57 مالك ومفيش أسطة في مصر إلا وعدت عليه
فلوسك قليلة لكن هناك عشرات العربيات غير العربية المسيئة لمكانة صاحبها في المجتمع دي تخيل لو خبطت عربية حديثة من ورا بيها سيبك من كل كلام المثاليات اللي حيقولوه اﻷخوة الزملاء اﻷفاضل وخليك في الواقع المرير وهو إنك لو عطلت في الشارع وده لازم كل يوم تعطل مرتين فبريكة كده أو لو خبطت حد وده كل أسبوع مرة ﻷن فراملك أي كلام فلو خبطت عرببة حديثة صاحب العربية الحديثة حينزل يبص لعرببتك زي المنديل المليان وساخة وخايف يقرب منه فأرجوك بلاش حتى لو بتتعلم سواقة وروح هاتلك كرسيدا سبعينات هاتلك فولفو سبعينات وأوائل الثنانينات هاتلك مرسيدس ستينات لكن أرجوك أرجوك أرجوك بلاش إنقذ نفسك وفلوسك من الجريمة اللي ناوي ترتكبها بحق نفسك وحق المجتمع

مع إعتذاري لكل ملاكها الحاليين من الزملاء اﻷفاضل في المنتدى الشرفاء الكادحين والله بدعيلكم ليل نهار عشان ربنا يوسع رزقكم وتجيبوا أحسن منها

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ليه القسوة والصدام دا يا اخ صدام

تصدق يا شيخ انا لسا امبارح و ((المنة لله)) مدور عربية نيسان اوتوماتيك كانت عطلانة عطل بطارية من ال 128 اللى معايا و كان معايا وصلة بطارية والمسكين كان معاه والدته ومش عارف يعمل حاجة

والدى معاه برضه 406 موديل حديث وراييى ان العربيات القديمى دى كلها بركة واللى سايقها سايق ببلاش وخاصة ال 128

والمثل بيقولك حمارتك العارجة تغنيك عن سؤال اللئيم

كفى اساءة لفولكس فاجن (فولك = شعب ، فاجن =سيارة ) الشعب المصرى

و بعدين لما بقول هتتعلم ميكانيكاوكهربا ... الخ دى لانها مدرسة تعليمية كبرى

ال 128 مدرسة إذا أعددتها..........أعددت سائق خبيرا بالأعطال

[Mohab Lasheen]

مممممممم هيا والله ال 132 حلوه اوى بس محتاجة حبة صبر بقى عشان اجبها :) شكرا ليك يا أستاذ أحمد

[Mohab Lasheen]

ليه كدا بس براحة على ال 128 هههههههههههههههههههههههههههه والله يعنى انا محستش قبل كده انها عار اوى كده؟ لو حالتعا حلوه ومتظبطة بتقى تمام ولا اه؟

[amer_aboamer]

ياحماعة أنا عايز أضيف معلومة
ال128 عربية الراجل العصامى مش بابى وللا مامى إللى جايبنهاله