حل جميل جدا لفانوس ال128 العادة الخلفى

[amer_aboamer]

بسم الله الرحمن الرحيم
حل جميل جدا لفانوس ال128 العادة الخلفى
أنا جيت أغير الفانوسين إللى ورا بتوع عربيتى مالقيتشى ليها أللا الإستيراد بتوع بلادها
ولما رحت أجيب إتنين لقيتهم ب250 جنيه يا إما أعدل فى شنطة العربية وأركب فانوسين معدل وأنا مش حابب شكلهم الصراحة ومش عايز أقطع فى الصاج بعد مارشيت المهم وأما ماشى بالعربية وعمال أفكر فى الموضوع قطع عليا تروسيكل الطريق فلفت نظرى قوى الفانوسين إللى ورا عنده لقيت شكلهم حلو فقلت دا تقريبا نفس مقاس إللى عندى رحت طالع على طول على بتوع إكسسوار التروسيكلات وطلبت فانوسين ورا الراجل قاللى عايز شكلهم إيه ؟
قلتلو هات اللى عندك كله وأنا هاأنقى .
جابلى 8 أشكال مختلفة وكلهم نفس المقاس
إختارت منهم واحد لدات تحفة وقلت للراجل ممكن أجربه قاللى ماشى
خرجت جربته مكان القديم لقيته قده بالظبط وكأن اللى عمله كان معاه 128 عادة ومفصله عليها
دخلت أحاسب الراجل وإتفاجئت بالسعر الجوز ب25 جنيه قلت ياحلاااااااااااااااوة وعملت فيها مظهر أبو النجا وركبو فى العربية وشغالين حلااااااااااااااااااااوة وهما أصلا بتوع تروسيكل حلااااااااااااااااااااوة.
وشكرا

[Ahmed_Ramadan]

طيب ما تكمل جميلك و نزلنا صورتين ليهم علشان أنا مش قادر أتخيل شكلهم الصراحة

[amer_aboamer]

[amer_aboamer]

[amer_aboamer]

وغلاوتك عندى يابرنس حاولت أرفعهملك بس على رأى سعد باشا زغلول مفيش فايدة
إنتا لو كتبت فانوس تروسيكل خلفى فى جوجل صور هاتلاقى أو روح عند بتوع الإكسسوار وإتفرح على الطبيعة وقيس كمان

[amer_aboamer]

[amer_aboamer]

[Shadyelgedawy]

هو كويس انه رخيص .... بس بصراحه شكله من حلو أوي

[amer_aboamer]

مش دا الشكل الوحيد فيه حوالى 10 أشكال تانية وكلهم نفس المقاس

[مهند-النجار]

عارفهم االف مبروك ع التعديل

[samir.sayed.83]

والله فكرة حلوة انا لسة كنت بفكر فى الموضوع دة وبقول الى مصمم العربية دة كانت فين دماغة لما عمل الفانوس الى ورا دة ههههههههههه
لو حضرتك تفيدنا اكتر وتقولنا المحل الى انت رحتة دة فين يبقى كتر خيرك
انا تقريبا موقعش فى طريقى حد بتاع تروسكلات او ممكن مخدتش بالى علشان مش فى دماغى
وشكرا على نقل التجربة متتخيلش الموضوع دة شاغل جزء من تفكيرى قد اية

[amer_aboamer]

والله فكرة حلوة انا لسة كنت بفكر فى الموضوع دة وبقول الى مصمم العربية دة كانت فين دماغة لما عمل الفانوس الى ورا دة ههههههههههه
لو حضرتك تفيدنا اكتر وتقولنا المحل الى انت رحتة دة فين يبقى كتر خيرك
انا تقريبا موقعش فى طريقى حد بتاع تروسكلات او ممكن مخدتش بالى علشان مش فى دماغى
وشكرا على نقل التجربة متتخيلش الموضوع دة شاغل جزء من تفكيرى قد اية :copy of new:

ياباشا أنا جايبهم من ميت غمر عشان أنا منها مش عارف بقه مصر ظروفها إيه

[samir.sayed.83]

شكرا يا استاذ امير
انا عمتا هسال والى يستال ميتوهش
ولو جبتة هقول انا جبتة منين علشان الناس تستفاد هيا كمان
بس لو جيت للحق الفكرة عجبانى وبذات انى من الناس الى مش عجبنى فكرة تعديل الصاج