مشكلة عندى فى السرفو

[samir.sayed.83]

السلام عليكم
محدش يا جماعة يعرف حد بيصلح السرفو
انا معايا 128 عادة عندى مشكلة فى السرفو وكل ما ادوس فرامل بسمع صوت زى صوت تنفيس كدة والفرامل مبتجيبش الا لما اوصل لاخر الدواسة
فهل دة يتصلح ولا بيتغير كلة
لو حد يعرفصنيعى كويس يكون فى نطاق الهرم او المعادى او حلوان يا ريت يدلنى على اسمة وعنوانة
ربنا يجزيكم خير يا رب

[amer_aboamer]

بص يابرنس
أنا كانت عندى المشكلة دى فى عربيتى وصلحت السرفو بس لقيت إن دى عبارة عن مسكنات وحلول مؤقته وبعد كدا غيرت السيرفو وننسيت المشكلة دى خالص
فأنا شايف إنك تغيره أحسن وهتلقى فى السوق نوعين
صينى جديد لانج وده بيعمل 170 جنيه
إيستيراد من أول 200 جنيه وإنتا وشطارتك
أنا مركب إستيراد وأداؤه هايل بس مش عارف الصينى نظامه إيه
لو عايز تجربه جربه فى ناس شكرت فيه جامد وعرفنى إنتا عملت إيه
وشكرا

[samir.sayed.83]

شكرا يا استاذ امير
ربنا يباركلك
طب ترجحلى اجيبة منين من الوكالة ولا التوفيقية ولا عزبة شلبى
اصل فى موضوع العربيات لسة جديد
وشكرا على اهتمامك

[amer_aboamer]

أنا من ميت غمر الصراحة وجبتو من عندنا
إسأل حد من القاهرة يدلك
إقرأ دليل أعضاء الفيات هتلاقى أرقام موبايلات كل أعضاء فيات شوف حد من القاهرة وإتصل بيه إسأله
كلهم ناس زوق ومحترمين