إعـــــــلان

Collapse

.

,
See more
See less

عايز أركب مساعدين أماميين لشاهين

Collapse
X
 
  • Filter
  • الوقت
  • Show
Clear All
new posts

  • عايز أركب مساعدين أماميين لشاهين

    أنا معايا عربية شاهين موديل 2001 و كنت عايز أغير مساعدين أماميين فقدامي خيارين
    1-مساعد ألماني ماركة Mylle
    2-مساعد إيطالي مش متذكر ماركته
    فلو ممكن حد ينصحني و يقولي ايه نظامهم أو يقولي على نوع تاني كويس
    شكرا

  • #2
    كل الناس هنا اجمعوا على المساعدين المونرو .. اصلى وبضمان سنه من عند هشام لهيطة فى التوفيقية
    يعملوا حوالى 450
    رأس الحكمه مخافه الله
    وبخ الحكيم يزداد حكمه وبخ الجاهل يزداد جهاله
    لا تكن حكيماً فى عينى نفسك

    [url=http://www.0zz0.com][img]http://www3.0zz0.com/2008/03/31/11/728664843.jpg[/img][/url]

    Comment


    • #3
      مونرووو للابد , اوعى تجيب مساعدين من غير ضمان و اوعى تسمع كلام العفشجيه الى بيفتو ويقولو البولندى 100 100 و المايلى المانى و الكلام الفارغ ده.. كل الماركات ديه للاسف مضروبه و من غير ضمان , انا جبت البولندى الى العفشجى حسسنى انه اختراع خارق و كان ارخص من المونرو ساعتها ب 20 جنيه بس , و قعد بالظبط 10 ايام و حجر و باظو بعد كده بقى فيه دقر لدرجه انه بوظلى البطاحات ... الكلام ده من رمضان الى فات .

      لسه جايب مساعدين مونرو من 4 ايام ب 410 جنيه من عند هشام لهيطه بضمان سنه و بطحتين ب 50 جنيه .

      ممكن تلاقى مساعدين الشاهين اغلى 20 او 30 جنيه .

      Comment


      • #4
        شكرا على المعلومات و أنا سمعت كلامكم و جبت مونرو

        Comment


        • #5
          هو تقريبا الميلي افضل لانة انعم من المنرو
          بس لو عايز ثبات خليك في المنرو والمايلي الاصلي موجود برضة في شارع زكي عند اول واحد على الشمال وانت داخل من اتجاة سنترال رمسيس والمايلي كان قدام عامل ب450 وورا ب210
          https://t.me/pump_upp

          Comment


          • #6
            المايلى ممعاهوش ضمان = مالوش لازمه

            اهم حاجه فى المساعدين الضمان

            Comment


            • #7
              بس الراجل صاحب المحل قالي ان المايلي معاة ضمان سنة انت شايف اية؟
              أدور على منرو بالضمان أفضل ولا المايلي ؟
              https://t.me/pump_upp

              Comment


              • #8
                طيب ممكن تفيدنا و تقولنا جبت المونرو منين و بكام و ضمانه اد ايه و هل هوه زيت ام غاز . و شكرا ليك

                Comment


                • #9
                  المشاركة الأصلية كتبت بواسطة zizophone مشاهدة المشاركة
                  بس الراجل صاحب المحل قالي ان المايلي معاة ضمان سنة انت شايف اية؟
                  أدور على منرو بالضمان أفضل ولا المايلي ؟
                  انا شايف ان المونرو اضمن و الكل مجربه . المايلى ماركه محترمه طبعا " لو اصلى " لكن هل الى بيتباع اصلى ده السوال , و هل الضمان ده حقيقى ولا وهمى ؟

                  انا شايف ان المونرو اضمن و ممتاز و سعره معقول . ديه وجهة نظرى


                  المشاركة الأصلية كتبت بواسطة dream_man1110 مشاهدة المشاركة
                  طيب ممكن تفيدنا و تقولنا جبت المونرو منين و بكام و ضمانه اد ايه و هل هوه زيت ام غاز . و شكرا ليك
                  .................

                  "" لسه جايب مساعدين مونرو من 4 ايام ب 410 جنيه من عند هشام لهيطه بضمان سنه ""

                  هشام لهيطه ده فى التوفيقيه , و فى ابو عصام فى شارع مجلس الامه . السيده زينب . , دول موزعين معتمدين لمونرو
                  و المساعدين الاماميه بتكون زيت , و الخلفيه غاز .(( بالنسبه للشاهين و الدوجان و ال131 ))




                  Comment


                  • #10
                    انا معايا ريتمو يا مهاب و راكب فيها ورا مساعدين غاز جننونى واحد خفيف و التانى قافش و النحيه اليمين نازله لتحت زى ما يكون عندها كوساح . و بفكر اروح الحرفيين اجيب جوز ورا استيراد من عند الخواجه بس مش عارف عنوانه و سعر الخلفى ايه و هل اغامر تانى و اجيب غاز مع انه ناشف و على فكره انا بعشق الجرى و الغرز . مدمن تهريج على الطريق و ربنا يسترها معايا و معاكم فمحتاج بردو نوع من الثبات و هيه بردو عائليه يعنى الفانوليا بتبقى معايا اغلب الوقت فمش عايز اجيبلهم انزلاق غضروفى فى القطنيه بسبب المساعدين الناشفين . و ميرسى لذوقك

                    Comment


                    • #11
                      المساعدين الغاز عموما معروفين انهم بيعيشو اكتر من الزيت بس برده على حسب استخدامك و ديه نقطه مهمه جدا
                      بس انا و اخويا و واحد صاحبى ( 131 , 131 . دوجان ) عندنا المساعدين الخلفيه مونرو غاز و بقالهم فتره و الحمد لله كويسين .
                      و فيهم نسبه و تناسب ما بين الراحه و الثبات , يعنى مش بيعومو العربيه و مش بيحجرو ويخلو العربيه ناشفه .

                      بالنسبالك فى الريتمو انا مش عارف اذا كان بيركبلها مساعدين مونرو خلفى غاز ولازيت ... بس الاكيد انهم اغلى بكتير من مساعدين ال131 بس مش عارف سعرهم بالظبط .

                      بالنسبه للمساعدين الاستيراد طبعا منصحكش بيهم فكره ان حد يجيب حاجه فى العفشه مستعمله غلط جدا و غير مجديه لانهم ممكن يقعدو معاك شهرين و يبوظو يبقى عملت ايه ؟

                      انا رأيى خليك فى المونرو على الاقل مضمون لمده سنه كامله و بيعيش انا مشوفتش حد قال كلمه وحشه فى المساعدين ديه .
                      و كتير بيفضلو المساعدين الغاز " اذا وجد لموديل السياره مساعدين غاز " لانهم بيعيشو اكتر .

                      Comment


                      • #12
                        كنت امبارح فى التوفيقيه و سالت عند هشام لهيطه عايز يحسبلى المساعدين الخلفى مفس سعر الامامى 440 جنيه و لقيت مساعد اليكو اسبانى غاز على زيت طبعا قلت للولد ايللى عند هشام انتوا حراميه ايى ورا ارخص D: قالى مين ايى قالك كده قلتله سبعاوى ههههههههههههههههههههههه بس لسه مش استقريت مابين المونرو الزيت او الاليكو الغاز !! و على فكره الاليكو عامل 380 و مش معاه ضمان .

                        Comment


                        • #13
                          المشاركة الأصلية كتبت بواسطة dream_man1110 مشاهدة المشاركة
                          كنت امبارح فى التوفيقيه و سالت عند هشام لهيطه عايز يحسبلى المساعدين الخلفى مفس سعر الامامى 440 جنيه و لقيت مساعد اليكو اسبانى غاز على زيت طبعا قلت للولد ايللى عند هشام انتوا حراميه ايى ورا ارخص D: قالى مين ايى قالك كده قلتله سبعاوى ههههههههههههههههههههههه بس لسه مش استقريت مابين المونرو الزيت او الاليكو الغاز !! و على فكره الاليكو عامل 380 و مش معاه ضمان .
                          حرامية طبعا
                          روح مونرو اللى فى الحرفيين
                          الشاهين المساعدين الامامى ب 460 و الخلفى ب 260 على مااعتقد

                          Comment


                          • #14
                            ابو الحسن بتاع بين السرايات اكد بردو ان سعرهم 440 طيب ممكن رقم تليفون الناس بتوع الحرفيين

                            Comment


                            • #15
                              المشاركة الأصلية كتبت بواسطة dream_man1110 مشاهدة المشاركة
                              كنت امبارح فى التوفيقيه و سالت عند هشام لهيطه عايز يحسبلى المساعدين الخلفى مفس سعر الامامى 440 جنيه و لقيت مساعد اليكو اسبانى غاز على زيت طبعا قلت للولد ايللى عند هشام انتوا حراميه ايى ورا ارخص D: قالى مين ايى قالك كده قلتله سبعاوى ههههههههههههههههههههههه بس لسه مش استقريت مابين المونرو الزيت او الاليكو الغاز !! و على فكره الاليكو عامل 380 و مش معاه ضمان .
                              هى عربيتك نوعها ايه؟

                              المساعدين الخلفى ارخص لل131 والشاهين فقط لأنهم اصغر بكتير من الاماميين

                              لكن ال 128 والريتمو والريجاتا وال127 الخلفى بنفس سعر الأمامى

                              ال132 الأمامى والخلفى رخاص بسعر الخلفى بتاع الشاهين لأنهم صغيرين
                              [SIZE=5][COLOR=navy]سبعاوى[/COLOR][/SIZE]
                              _______________________________________________

                              Comment

                              Working...
                              X