الى ملاك التيمبرا

[Seaf cezar]

السلام عليكم
يا جماعة انا معروض عليا 2 تيمبرا و محتار بينهم

الاولى:

زيتى ايطالى كاملة زجاج كهرباء و مراية كهرباء طقم جنط فتحة سقف موتور 1600 لسة جديدة
عيوبها محتاجة كباس فقط و وشين فانوس و غسلة حلوة فقط

الثانية:

رصاصى كاملة بدون فتحة و مرايات عادية و الجنط الاسود الحديد موتور 1400 و مش محتاجة اى حاجة و التكييف شغال ثلاجة

الاتنين استعمال رجال كبار من الشغل للبيت

الولى على 32000
و اثانية على 30000

انا قلت استشير رجالة التيمبرا هما هيفيدونى فى الاختيار و شكرا

[le voleur]

قبل كل شىء صلى استخاره و بعدين التمبرا 1600 اكيد احسن انما لسه حتعمل فيها شغل و كومبرسور ممكن تفتح معاك و المشكله الاخرى انا معرفش ان فى 1400 بتنزل بتكييف اللى اعرفو ان ال 1400 مبتنزلش بتكييف بس الله اعلم

[Seaf cezar]

متشكر قوى يا معلم بس انا سالت الراجل قالى عايزة كباس فقط و هتلاقيه استيراد بسعر رخيص مش عارف بقى كلامه صح ولا ايه

و فى انتظار باقى وحوش التيمبرا فى الافادة

[hugan]

خد الاولي واخصم شغل التكييف

[Seaf cezar]

تسلم يا hugan بس دلوقتى هو لو جبت كباس استيراد التكييف هيظبط ولا دى شغلانة

[hugan]

تسلم يا hugan بس دلوقتى هو لو جبت كباس استيراد التكييف هيظبط ولا دى شغلانة

ياباشا لو العربيه مافيهاش تكييف اصلا
ممكن يتركب ليها تكييف بتكلفه حوالي 3 الاف جنيه
الكمبروسور امره سهل
اشتريه جديد وريح دماغك يعمل له حوالي 1000 جنيه
يعني قول العربيه لو تكييفها ضايع
ممكن تتكلف كلها 2000 جنيه

[Seaf cezar]

حبيبى يا hugan انا مرتاح للاولى عشان الموتور و الكماليات بس اللى مضايقنى منها التكييف و المنظر الخارجى و اللون بصراحة مش عارف اللون دة هيليق عليه تظبيط ازاى؟؟

[hugan]

حبيبى يا hugan انا مرتاح للاولى عشان الموتور و الكماليات بس اللى مضايقنى منها التكييف و المنظر الخارجى و اللون بصراحة مش عارف اللون دة هيليق عليه تظبيط ازاى؟؟

اللون تودي العربيه لبوهيجي بعد ماتغسلها غسله محترمه
يلمعها بكمباوند وبوليش
التكييف زي ماقولت لك تظبيطه امره سهل
بس الاهم حاله العربيه
عربيه سليمه ولا ملعوب فيها

[Seaf cezar]

بكرة انشاء الله هفحص الاتنين و انزل تقرير عنهم

[Seaf cezar]

هو الوشوش الفوانيس بتتباع لوحدها ولا لازم فانوس كامل
؟؟؟؟؟؟؟؟؟؟

[ahmed_gamal777]

هو الوشوش الفوانيس بتتباع لوحدها ولا لازم فانوس كامل
؟؟؟؟؟؟؟؟؟؟

موجود الوشوش لوحدة ب 30ج الوش جديد

[Seaf cezar]

شكرا قوى يا معلم