تقييم العربية لانشيا ديدرا

[t78eg]

السلام عليكم ورحمه الله وبركاته

ارجو النصيحة فى شراء عربية لانشيا ديدرا موديل 96 وحالتها حلوة سعرها يعمل كام وهل فى مشكلة فى قطع غيارها ولا هى هى قطع غيار التمبرا وبرضوا اعادة البيع ايه اخبارها وهل هى فيات ايطالى فعلا ولا ايه!!
ارجو تقييم شامل ليها واخبار المقارنة مع عربيات اخرى فى نفس السعر اللى هو 35000 وشكرا
وجزاكم الله خيرا

[M_a_h_M]

عربية كويسة جدا .. قطع غيارها متوفرة بشكل كويس جدا .. .. انما لو عايز رأي زود حاجة بسيطة و هات برافا او الفا 146 .. و فرق السعر اقل بكتير من الفرق في الاداء

[t78eg]

شكرا اخى M_a_h_M جزاك الله خيرا
انا شوفت عربية عامله 55 الف كيلو فابريكة من جوه وبره رشه جانبيين نظافة والعربية شكلها بصراحة وهم اللى ميعرفهاش يقول بى ام او باسات حاجة كده جامده اقوى بس للاسف عايز فيها 40 الف مقفولين
عايز التكييف يتشحن ويتغيرلها تيل فرامل
انا شايف ان 40 الف كتير عليا بس العربية تستاهل!!!
انا محتار اخر حاجة

[M_a_h_M]

بص انت لو معاك ال 40 حاول تكسر معاه و تاخدها انشالله حتي 39 لو قدرت تنزلها كمان و قولوا لسة هشحن التكيف و ممكن لا قدر الله يكون في تسريب و حاول تنزل معاه حتي لو حاجة بسيطة و سدأني ان شاء الله هتكسبها .. سيبك من انك مستكتر عليها الفلوس .. دة راجع لان هنا سوق العربيات في مصر سوق غبي .. بيعتمد اسس مش سليمة في عملية البيع و الشرا .. و العربيات المحترمة تستاهل تمنها .. لو جبت العربية دي ب ال40 و حالتها فعلا حلوة .. و الله العظيم عمرك ما في يوم هتندم .. و علي فكرة ملاك اللانشيا و الالفا 146 و البرافا اللي بيبقي معاهم حالة مبيبعوش بالسعر اللي انت بتشوفة في السوق .. لأنهم بيقولوا اخليها احسن .. لأنهم عارفين العربيات دي لما تكون مظبوطة بتكون عاملة ازاي .. استخير ربنا و توكل عليها ان شاء الله بس حاول علي قد ما تقدر تنزل اللي تقدر عليه

[t78eg]

الف شكر يا باشا وجزاك الله خيرا
انا عارف ان كلامك صح طبعا بس ادعيلى ربنا يوفقنى ان شاء الله