تجربة تغيير سوست خلفى لبونتو 95

[m.tito]

تم بحمد الله تغيير سوست خلفية لبونتو 95 ، وصيت محل الشيخ على اللى فى شارع دمشق - مصر الجديدة وجبلى سوست خلفى استيراد كويسيين بتوع الفبريكة بـ 180 جنية واشتريت كوتشى السوست الاطباق اللى بتكون محطوطة من فوق ومن تحت السوستة بـ 60 جنية للجوز مقاسين هم واحدة كبيرة اللى فوق والصغيرة اللى تحت ، والعربية الحمد لله عليت وثبت وبقت احسن من الاول وشيلت السوست القديمة اللى كانت واطية جامد من كتر الاستخدام والعلايات الكوتش اللى كانت محطوطه ، وشكرا إلى كل اعضاء المنتدى اللى ساعدونى خصوصآ ا/ محمد عبد الجليل

[Gelgel2004]

الف مبروك و تحت امرك
فين الصور يا باشا؟؟؟
مبروك مره تانية

[m.tito]

الله يبارك فيك ، المرة دى كنت مشغول مع الميكانيكى معرفتش اصور ، معلش ، ان شاء الله من المرة الجاية اى حاجة هاعملها ، هاصور العملية كلها ، عشان الناس كلها تستفاد ، زى ما حضرتك بتعلم بالضبط ، ان شاء الله

[Gelgel2004]

مبروك ما عملت
و ان شاء الله نتقابل على خير
تحياتى

[S O P H O S]

مبرووك

[تامر عصام]

أنا عندى نفس المشكلة فى البونتو95 بالإضافة لصوت خبط ورزع جامد جدا و عايز أجيب سوست جديده لأن حظى وحش فى الإستيراد دائما بس مش عارف أجيب جديد منين

[m.tito]

بالنسبة للجديد عندك سوست اصلى ماركة فيات لانشيا بـ 650 جنية ، وفى سوست سويدى عند الكيلانى بـ 350 جنية ، وفى سوست ايطالى موجودة عند محى ياسين فى المعادى ، ومحل الفتح بـ 300 جنية ، وبالنسبة للخبط والرزع ، لازم الميكانيكى يكشف بس يكون فاهم فى العربية وحافظ تكوين العفشة بتاعتها صح ، وانا تحت أمرك فى اى حاجة

[M_OSMAN88]

مبروك

[aser ismail]

انا عايز ميكانيكى او عفشجى يفهم فى البونتو 95 عشان غيرت السوست الخلفى بس حاسس ان العربية عالية من ورا جامد

[m.tito]

فى راجل عشرة على العشرة شاطر اوووى فى الفيات الحديث كله ، واشتغل ليا فى البونتو 95 بتاعتى وغيرت عنده السوست ، هو جنب محل الشيخ على علطول فى شارع دمشق - مصر الجديدة بيروح يوم الجمعة والاتنين فقط من الصبح لغاية بليل ، بس راجل شاطر اووى ، بيكشف ويقولك على العطل علطول ، ويعملوا وتريح نفسك بعد كدة ، ممكن يكون فى عندك علايات متركبه او حاجة هى سبب علو الرعبية من ورا ودى هياثر معاك فى الجرى والملفات وثبات العربية هيبقا وحش اووى على الطريق ؟؟؟!!!

[aser ismail]

متشكر يلباشا على زوقك

[aser ismail]

متشكر يا باشا لزوقك
ومتشكر لردك