فيات جراند بونتو 2010 .. انتوا ألي هتجيبولي من الأخر

[emohamedadel]

شباب ازيكم

بصوا بقى انا لفيت لف السنين علشان احدد هجيب انهي عربية لحد ما جبت جاز وبدون رغي العربية دي دخله دماغي لأنها شبابي وشكلها جامد بالنسبه لفئتها وامكانيتها جميله

السؤال هو ان في ناس كتير بتخوفني من الصيانه وقطع الغيار بتاعتها ده غير موضوع انها صاعبه في البيع وبينزل من تمنها فانتم ايه رأيكم في الحوار ده ؟

في ناس كمان رشحولي جولف 4 بقوة عن الجراند بونتو فايه الكلام ؟

شكراً ليكم جـــــــداً

[Mamoud salah H]

موتور ١٤٠٠
٧٥ حصان فقط يعني هتبقي ميتة مع التكييف
وقلة انتشارها هيخلوها تقيلة في البيع وصعبة في قطع الغيار الاستيراد

[marko polo]

قوة موتور العربية مناسب لانها عربية لجوة البلد ومش بتموت مع التكيف ادائها طبيعى لموتور قوتة 77 حصان ولو هتسافر بيها مش هتقول لا وثباتها على الطريق ممتاز لكن انت لو بتاع جرى وشد مش هتحب العربية لكن لو سواقتك هادية هتبقى العربية تمام
بالنسبة للجولف 4 هتجيب منها موديل قديم وماشى كيلوات كتير لان محدش بيبيع العربية دى الا لما يكون فحتها علشان يحلل كل قرش ادفع فيها لانها غالية.و تقريبا احدث موديل من الجولف 4 هتبقى موديل 2003 اما الجراند من اول 2007 لحد 2010

[S O P H O S]

قوة موتور العربية مناسب لانها عربية لجوة البلد ومش بتموت مع التكيف ادائها طبيعى لموتور قوتة 77 حصان ولو هتسافر بيها مش هتقول لا وثباتها على الطريق ممتاز لكن انت لو بتاع جرى وشد مش هتحب العربية لكن لو سواقتك هادية هتبقى العربية تمام
بالنسبة للجولف 4 هتجيب منها موديل قديم وماشى كيلوات كتير لان محدش بيبيع العربية دى الا لما يكون فحتها علشان يحلل كل قرش ادفع فيها لانها غالية.و تقريبا احدث موديل من الجولف 4 هتبقى موديل 2003 اما الجراند من اول 2007 لحد 2010

راي صائب جدا