فيات 127

[127]

ازيكم يا شباب اجمد منتدي
انا اشتريت فيات 127 من شهر وللاسف اتخمين فيها بمعني الكلمه (يلا الحمد لله)
الموتور خفيف جدااا والفرش بايظ العفشه بعافيه احلي ما فيها شكلهها الخارجي بس :d
المهم انا قولت ابدا اصلح في الموتور فايه رايكم هل اشتري موتور جديد ولا اعمل عمره للموتور ده وامري لله؟؟؟؟؟؟؟؟؟؟؟؟؟ والاتنين يكلفو كام؟؟؟

[new_man]

لا اعمل عمره للموتور بس ميكانيكى شاطر وامين اهم حاجه..وظبط كل حاجه براحة وبراحتك ومتستعجلش

[aw2100]

العفشة والموتور والفرش مش مشكلة فى ال127 اهم حاجة البودى والشاسية بعد كده كل حاجة تتظبط
بالنسبة للموتور لو تعرف واحد بتاع استعمال 10/10 اشترى موتور كامل متقفل على التجربة افضل وخلى الموتور القديم قطع غيار بس ركب الموتور الأستعمال على حالته ماتفكهوش ومبروك على العربية الجديدة !!!

[127]

ماشي اشتري المستعمل منين ؟ انا ساكن في عزبه شلبي فهل انزل اسال الناس علي المواتير ولا ايه؟
وازاي اضمن ان الموتور اللي هشتريه كويس ولا لا؟؟
والتكلفه كام اهم شئ

[help4me]

ربنا يلهمك الصواب

[ahmedfor3]

خذ معاك مكانيكى شاطر يجبلك الماتور علشان يجربهولك هناك

[127]

انا حطيت اول الاسبوع ده بنزين 92 والحمد لله العربيه مشيت زي الفل والموتور مبقاش بيدخن زي الاول بقي علي خفيف
هل كدا ااجل العمره ولا ايه؟

[S O P H O S]

مش مسألة تأجل
لازم تتابع مع مكانيكي فاهم
يقولك الماتور ده محتاج ايه وحاول تبعد عن المسكنات فالصيانة

[ابو لؤى]

لو انت راجل غنى ومعاك فلوس اعملها لو زى حلاتى بيع وريح نفسك من وجع القلب وحوش قرشين وهاتلك عربيه نظيفه وابعد عن الفيات

[khallaf77]

اذا كان الدخان قل بعد البزين 92 يمكن يكون هناك حاجة فى الكربرتير تودى الى الدخان ما هو لون الدخان من الشكمان
الفرش مش غلى فى حدود 100 جنية الكرسى والكنبة
واى سوال يمكن اجواب عليه ان شاء الله

[127]

[quote=ابو لؤى;3875643324]لو انت راجل غنى ومعاك فلوس اعملها لو زى حلاتى بيع وريح نفسك من وجع القلب وحوش قرشين وهاتلك عربيه نظيفه وابعد عن الفيات[/
يا باشا ولا غني ولا حاجه
انا لو غني مكنتش جبتها من الاول
حتي لو بعتها وحوشت همشي بايه لحد ما اجيب عربيه تانيه؟؟؟

[127]

اذا كان الدخان قل بعد البزين 92 يمكن يكون هناك حاجة فى الكربرتير تودى الى الدخان ما هو لون الدخان من الشكمان
الفرش مش غلى فى حدود 100 جنية الكرسى والكنبة
واى سوال يمكن اجواب عليه ان شاء الله

بص انا روحت للميكانيكي وظبط الكربراتير ونضفه وظبط التاكيهات وظبط البوجيهات وبقت تمام
لكن الموتور اخره 70 تقريبا واضح انه عايز طقم شنبر
بس لسه فيه دخنه بيضا
طيب طالما الفرش رخيص ممكن تقولي اسم محل

[127]

تابلوه الفيات 127 بكام يا جماعه ؟