التربو بتاع البرافو شكلو ياظ

[dakrore]

السلام عليكم
الحمد لله اشتريت البرافو 2011 من شهرين تاريبن و ماشاء الله العربيه محترمة في شد وثبات و امكانيات مع العلم ان كان معايا بروتون جين 2 بس من حوالي 3 اسابيع صوت التربو علي و السحب مباءش زي ما كان فا رحت لصابر اللي كان شغال في التوكيل اللي فاتح في الحي السادس الي التربو شرخ و عايز يتغير فكلمت الكيلاني الي موجود ب 11 الف قا حاولت اسئل في الحرفيين معرفتش فيارت مساعدة

[khaled_k21]

الاخ الكريم

قلبي معاك طبعا المبلغ ضخم في ظروف صعبه

نصيحتي لسيادتك هو انك تدخل علي الموضوع المثبت للي شغالين في صيانه و قطع الغيار
و تشحت تليفونك كده بقد 100 جنيه و تفضي نفسك يوم

و تلف لفه علي كل الارقام لعل الله يرشدك لافضل شئ

و ربنا معاك

[yoko]

التربو ب 3500 جنيه استيراد في الحرفين لسه مغيرينه لواحد في الورشه وانا كمان بتاعي كان شرخ زمان وغيرته بس كبرت التربو

[dakrore]

طب ممكن رقم بتاع قطع الغيار اللي في الحرفيين و اسمه ورقمك علي الخاص يا مستر yoko وسوأل هو الاستيراد بيبقي معمر ولا لا عشان مكعش فلوس وفي الاخر يبوظ

[abdulkhaleq]

طب ممكن رقم بتاع قطع الغيار اللي في الحرفيين و اسمه ورقمك علي الخاص يا مستر yoko وسوأل هو الاستيراد بيبقي معمر ولا لا عشان مكعش فلوس وفي الاخر يبوظ

لأ بص عذرا للتدخل بس الراجل ده اسمع كلامه وانت مغمض بعد التوكل على الله طبعا

وبالنسبه لأي قطعة غيار استيراد, لو كشفت عليها كويس ولقيتها كويسه ممكن تعيش وتعمر كمان ان شاء الله

[Migo123]

توكيل رينو فتح شركة جديدة خاصة بالتربو بيع وصيانة .... مقرها في توكيل رينو المقطم

[Medo.Malek]

توكيل رينو فتح شركة جديدة خاصة بالتربو بيع وصيانة .... مقرها في توكيل رينو المقطم

تفاصيل اكتر بعد اذنك :)

[agent2210]

السلام عليكم،

سؤال سريع، هو تربو البرافو ممكن يركب فى البنتو ايفو؟ و لو ينفع، الموتور هيخلص بدرى بدرى؟ انا مفهمش خالص فالتربو فاعذرونى لو سؤالى غريب :)

[yoko]

غيرنا الموتور كله والتربو الاستيراد هيرجع للراجل كلم موسكو لو عاوزه

التربو ميركبش على الإيفو

[agent2210]

شكرا