تقرير عن اول تجربة للصيانة مع شركة النيل الهندسية

[rofa007]

أولا : هذه اول مشاركة لي في المنتدي عايز احكيلكم فيها تفاصيل عمل صيانة لعربيتي في توكيل فيات الجديد (شركة النيل الهندسية)
انا عربيتي فيات لينيا 2013 (هاي لاين)
عرفت من المنتدي ان النيل الهندسية خدت توكيل فيان و انا كنت خلاص عديت ال20000 ولازم اعمل الصيانه ضروري، فرحت مكلمهم عالخط الساخن بتاعهم (19984) ، ردوا بسرعة و خدوا بياناتي وقالولي 48 ساعة و حد هيكلمك،، المهم عدت ال48 ساعة وكمان 48 ساعه وماحدش اتصل ،، المهم اتصلت تاني لقيتهم عملو حاجه جديدة في الانسر ماشين و بقي في اختيار من الأول لفيات و الفا روميو،،، المهم غلست عليهم شوية لحد لما قولتلهم عايز اكلم مدير الصيانة فحولوني علي واحده لقيتها بتقولي اسمها مهندسة / هاميس عرفتها ان هي اللي كانت في اوماترا فراحت اعتذرت وحجزتلي الصيانة على يوم السبت اللي فات و قالتلي حد هياكد عليك الحجز ،، المهم بعديها بيومين لقيتهم بيكلموني و بياكدو الميعاد
رحت السبت اللي فات الساعة 9 الصبح ،، المكان في أول العبور عند مدخل المنطقة الصناعية جنب تويوتا،، المبني جديد كانو لسه بيعلقو اليافطه،، دخلت الاستقبال و اكدت الحجز و انتظرت نص ساعة جاتلي م/هاميس استلمت مني العربية ،، المكان نضيف و شيك و محترم و فيه واي فاي سريع ،،، فضلت منتظر للساعة 1:30 ظهرا لحد لما العربية خلصت ،، بس للاسف السيستم كان واقع فعملولي فاتورة يدوي و دفعت واستلمت العربية

الايجابيات:
فيه التزام بالمواعيد والنظام ، المكان جديد لانج ، فيه دفع بالفيزا ، العربية لما استلمتها كانت مغسولة من جوه وبره (الله يرحم ايام اوماترا والزيت والشحم) ، واي فاي سريع
السلبيات:
نقص قطع الغيار حيث ان فلتر البنزين و التكييف بتوعي مش موجودين وتم تنظيفهم فقط لحين توافرهم ،،
غلو الأسعار حيث دفعت 1100 جنيه في صيانة العشرين الف بدون تغيير فلتر التكييف و البنزين،،

معلومات هامه و مفرحه:
قابلت هناك الأستاذ/ محمد جمال الدين مدير التسويق في شركة النيل الهندسية و استفضنا في الحديث خلاصته الآتي :
1- سياسة شركة النيل هي تامين العملاء الحالين و العمل على راحتهم
2- في النص التاني من اغسطس سوف تصل شحنة السيارات الجديدة ليتم عرضها في الصالات و الموزعين
3- السيارات المتوقع وصولها هي البونتو بجميع فئاتها عدا الكلاسيك ، النيو لينيا ، الفا رمويو موديلان جداد
4- قريبا سوف يتم الاعلان عن فيان فانز كلوب
5- جاري العمل علي صفحة الفيس بوك لفيات
6- جاري البحث واختيار موزعين فيات الجدد و صالات العرض والتي ستكون واحدة منهم في نفس هذا المكان في العبور

انا فرحت جدا بالمعلومات ده لأن كنت ابتديت اتضليق من عربييتي بسبب التوكيل و عدم الانتشار،، فيا رب يصدقو في كلامهم و يرجع اسم فيات احسن مما كان

اسف للاطالة وشكرا

[tareksakr]

يارب يكونوا احسن من اوماترا وشكرا علي نقل التجربة

[Ahmad Shawky]

توكيل اكثر من رديء وحراميه ولا توجد خبرات فنيا لتشخيص العيوب اخرهوم صيانات

[khaled_k21]

الاخ الكريم
مشكور علي التقرير الجميل

و لكن لي تعقيب وحيد فقط ليس علي الهندسيه بل علي كل مراكز الخدمه في مصر

لا تليق بهم كلمه واحده سوي انها مراكز ليست احترافيه و غاليه جدا

عشان حضرتك تعمل صيانه بمبلغ 1100 جنيه في مقابل ايه بالظبط ؟؟؟

للاسف لا يوجد شئ محترم يستحق الاحترام فعلا في مصر

مش بس صيانه السيارات لا علي كل المستويات خدمه العملاء اقل ما يوصف بالادب ( صفر )

ربنا يرحمنا

كل عام و انتم بخير - رمضان كريم

[haany_ghazy]

الاخ خالد قال المفيد

[M_OSMAN88]

يعنى لما تبقى صيانة ال20 الف اللى هى تعتبر بيشيك على حاجات معينة ب 1100 من غير تغير حاجة يبقى غالى على الفاضى حتى لو غير زيت وفلتر هنقول 300 جنية بردو غالى

[rofa007]

يا جماعة 1100 جنيه دول شاملة مصنعيات و قطع الغيار و الضريبة
القطع اللي اتغيرت هي : فلتر زيت و زيت و بوجيهات و فلتر هوا
و المصنعية شاملة غسل الموتور بالفوم

[khaled_k21]

يا جماعة 1100 جنيه دول شاملة مصنعيات و قطع الغيار و الضريبة
القطع اللي اتغيرت هي : فلتر زيت و زيت و بوجيهات و فلتر هوا
و المصنعية شاملة غسل الموتور بالفوم

هل تعتقد حضرتك ان الاجزاء دي تساوي المبلغ دا ؟
علي كدا لو فككنا العربيه حته حته هاتجيبلها 3 او 4 مليون مستريح

الاستاذ / محمد عثمان عندة حق ( مبلغ مبالغ فيه بدرجه بشعه )


و رمضااااااااااااااااان كريم

[ayman2]

يا جماعة 1100 جنيه دول شاملة مصنعيات و قطع الغيار و الضريبة
القطع اللي اتغيرت هي : فلتر زيت و زيت و بوجيهات و فلتر هوا
و المصنعية شاملة غسل الموتور بالفوم

كده الكلام نوعا ما مقبول واعتقد انه مبلغ مناسب

[ayman2]

هل تعتقد حضرتك ان الاجزاء دي تساوي المبلغ دا ؟
علي كدا لو فككنا العربيه حته حته هاتجيبلها 3 او 4 مليون مستريح

الاستاذ / محمد عثمان عندة حق ( مبلغ مبالغ فيه بدرجه بشعه )


و رمضااااااااااااااااان كريم

اسال على أسعار قطع الغيار الأول وثمن الزيت والمصنعيه وضريبه المبيعات ثم احكم بعد ذلك

[khaled_k21]

اسال على أسعار قطع الغيار الأول وثمن الزيت والمصنعيه وضريبه المبيعات ثم احكم بعد ذلك :n_no[1]:

استاذي الكريم

انا اعلم ان قطع الغيار غاليه جدا في بعض الاجزاء و العيب ليس في التوكيل فقط لان الربح الحقيقي للشركة المصنعه هو في بيع قطع غيارها لكن غالبا بيبقي مبالغ فيه في التوكيل
هل تعتقد ان الشركة لما بتصنع قطع الغيار بتحط لها اسعار قياسية في كل دولة و بتجبر التوكيل انه يبعها بالسعر الرسمي للشركة ( اعتقد لا - لا يوجد هذا النظام )
و انا متاكد ان الاحتكار يولد اكثر من كده لكن لو تخيل ان فيه اكتر من مركز صيانه معتمد ايه اللي هايحصل ( اكيد تنافس في الخدميه و الاسعار و الكسبان هو العميل )

و بعدين فلتر هواء + فلتر زيت + تغيير زيت يساوي 1100 جنيه
هل تعتقد سيادتك انك لو غيرتهم بره التوكيل هايتكلفوا نفس المبلغ ؟

مع احترامي الكامل لراي سيادتكم

اي مركز خدمي في مصر بينهش الزبون مش بيكسب بالعقل و بيحط هامش ربح بسيط و يدي العميل خدمه محترمه عشان يبني اسم زي زمان

و تقبل تحياتي
رمضان كريم

[ayman2]

استاذي الكريم

انا اعلم ان قطع الغيار غاليه جدا في بعض الاجزاء و العيب ليس في التوكيل فقط لان الربح الحقيقي للشركة المصنعه هو في بيع قطع غيارها لكن غالبا بيبقي مبالغ فيه في التوكيل
هل تعتقد ان الشركة لما بتصنع قطع الغيار بتحط لها اسعار قياسية في كل دولة و بتجبر التوكيل انه يبعها بالسعر الرسمي للشركة ( اعتقد لا - لا يوجد هذا النظام )
و انا متاكد ان الاحتكار يولد اكثر من كده لكن لو تخيل ان فيه اكتر من مركز صيانه معتمد ايه اللي هايحصل ( اكيد تنافس في الخدميه و الاسعار و الكسبان هو العميل )

و بعدين فلتر هواء + فلتر زيت + تغيير زيت يساوي 1100 جنيه
هل تعتقد سيادتك انك لو غيرتهم بره التوكيل هايتكلفوا نفس المبلغ ؟

مع احترامي الكامل لراي سيادتكم

اي مركز خدمي في مصر بينهش الزبون مش بيكسب بالعقل و بيحط هامش ربح بسيط و يدي العميل خدمه محترمه عشان يبني اسم زي زمان

و تقبل تحياتي
رمضان كريم

الأخ الكريم كل عام وحضرتك بخير ورمضان كريم
فقط اسال عن اسعار فلتر الهواء والبوجيهات وفلتر الزيت عند الكيلانى لهذا الموديل بالأضافه لثمن الزيت (أكثر من 300 جنيه ) + المصنعيه + ضريبه المبيعات على كل ماسبق وطبعا الميكانيكى اللى فى الشارع معندوش أجهزه حديثه ومعندوش ضرائب ولايوجد فواتير بالأضافه انك سوف تكون مطمئن بنسبه كبيره ان سيارتك مع ناس فاهمه مش بتعك على الأقل وتعمل وفقا للكتالوج والجداول المقرره بدون فهلوه التى ندفع ثمنها يوميا فى حياتنا وهى سبب تأخرنا وايضا حضرتك منتظر فى مكان محترم ---- كل هذا له ثمن ممكن يكون مبالغ فيه فى بعض التوكيلات وانا متفق معك بدون شك لكن فى هذه الحاله موضع النقاش اعتقد انه لايوجد مبالغه ورمضان كريم

[Ahmad Shawky]

1100 لا حول ولا قوه الى بالله

انا كمان نزلت الورشه تحت ناس بجد لا تفقه شىء فنيا ..... وفى عربيات كتير مش بتعدلى على صيانه كويس وانته مش شايف حاجه ..طالما شغاله خلاص

[khaled_k21]

الأخ الكريم كل عام وحضرتك بخير ورمضان كريم
فقط اسال عن اسعار فلتر الهواء والبوجيهات وفلتر الزيت عند الكيلانى لهذا الموديل بالأضافه لثمن الزيت (أكثر من 300 جنيه ) + المصنعيه + ضريبه المبيعات على كل ماسبق وطبعا الميكانيكى اللى فى الشارع معندوش أجهزه حديثه ومعندوش ضرائب ولايوجد فواتير بالأضافه انك سوف تكون مطمئن بنسبه كبيره ان سيارتك مع ناس فاهمه مش بتعك على الأقل وتعمل وفقا للكتالوج والجداول المقرره بدون فهلوه التى ندفع ثمنها يوميا فى حياتنا وهى سبب تأخرنا وايضا حضرتك منتظر فى مكان محترم ---- كل هذا له ثمن ممكن يكون مبالغ فيه فى بعض التوكيلات وانا متفق معك بدون شك لكن فى هذه الحاله موضع النقاش اعتقد انه لايوجد مبالغه ورمضان كريم

استاذي العزيز أ / ايمن
انا متفق مع سيادتك في كل كلامك لكن تعالي نتناقش في نقطه تانيه خالص و هي الفرق بين الكوري و الماليزي و بين السيارات الاوروبيه - ليه كل قطع غيار الكوري ارخص بكتير من الاوروبي ؟

لسبب بسيط جدا هو ان الشركات الكوريه او بمعني اصح الشرق اسيويه يهمها الانتشار ليس بقد المكسب و دا اسلوب اذكي بكتير من المكسب الكتير في مبيعات اقل كما يحدث للاوروبي

و بيساعد في كده التوكيل او بمعني اصح المحتكر الاوحد للمنتج

تعالي نتخيل حاجه تانيه خالص ان المستوردين مش بس محمد يوسف و الكيلاني لا دا فيه الاستاذ ايمن و شركاه و خالد و اخواته و 15 محل مستورد كمان - هكذا هل تعتقد ان اسعار القطع هاتكون بنفس السعر الحالي ؟

بالاضافه الي ان القطع الاصليه بتييجي باليورو و في فرق في السرعات ااقصد في العملات
لكن تعالي نستورد من الصين الوضع هايختلف مع كامل الاحترام في الفرق بين الجودة طبعا

خلاصة القول انت علي حق و انا علي حق و هي مجرد وجهات نظر
و كله بيرزق في الاول و الاخر

و رمضاااااااااان كريم
لك مني كل الاحترام

[Relsebahy]

شركة مش بروفيشنال خالص، تجربتي معاهم زفت لما جيت اتصل عليهم علشان احجز ميعاد، وواحدة ردت عليا بمنتهي قلة الذوق وقلة الادب وبسألها عايزة اعرف صيانة ال٦٠٠٠٠ عبارة عن ايه، فبتقولي انا معرفش واتصلي الساعة ٣ اسالي علشان التكنيكال معاها عميل، قلتلها وانتوا بتقفلوا الساعة كام، بتقولي ٣، فبقولها وهي هتفضل مع العميل لحد الساعة ٣، المهم وخلاصة الكلام انها قالتلي انها هتخليها تكلمني الساعة ٢ وطلعت كدابة، ومن الاخر طريقتها مستفزة ومش عارفة اخد ميعاد والمشكلة ان انا عندي الفرامل لازم تتغير وسيادتها بتقولي العربية بتبات، ومكنتش بعمل كدا في اوماترا، بجد ياخسارة