معلومات عن فيات اونو 2006

[khaled_yassin]

كنت عايز اسال على سعر الفيات الاونو 2006 فابريكا بره وجوه تعمل كام
وهى باور ولا هاف , انجكشن ولا كاربراتير؟؟ وياريت شويه كمعلومات عنها وانا بفحصها

[kantofanto]

متابع

[nouranwar]

بص الاونو الفاير كانت معايا 2007 عربية ممتازة في السحب و الموتور هي 1300 cc
قطع غيارها انا كنت فاكرها زي الاونو العادية رخيصة طلعت نادرة جدا و غالية علي عربية اقتصادية
مفيش حاجة اسمها هاف باور
و لو فيه اي سؤال انا تحت امرك لو اعرف اجابته

[Abo_Mazen]

بص الاونو الفاير كانت معايا 2007 عربية ممتازة في السحب و الموتور هي 1300 cc
قطع غيارها انا كنت فاكرها زي الاونو العادية رخيصة طلعت نادرة جدا و غالية علي عربية اقتصادية
مفيش حاجة اسمها هاف باور
و لو فيه اي سؤال انا تحت امرك لو اعرف اجابته

يا باشا إستوفي ردك أكتر من كده شويه ..يعني قول إن هي كانت إنجيكشن ..والصالون من جوه إيه وضعه ..وأمثله على أسعار قطع الغيار ..يعني إحنا ما بنصدق نلاقي حد ركب عربية معينة عشان يقولنا خبرته وتجربته من غير ما يفتي ..تقوم حضرتك كده توجز في الرد ..عايزين تقرير صغنن كده يعرفنا العربية دي ..أنا عن نفسي مركبتهاش لكن كانت مع واحد صاحبي ..وأنا مش هقدر أتكلم عن العربية زي اللي ركبها

[nouranwar]

يا باشا إستوفي ردك أكتر من كده شويه ..يعني قول إن هي كانت إنجيكشن ..والصالون من جوه إيه وضعه ..وأمثله على أسعار قطع الغيار ..يعني إحنا ما بنصدق نلاقي حد ركب عربية معينة عشان يقولنا خبرته وتجربته من غير ما يفتي ..تقوم حضرتك كده توجز في الرد ..عايزين تقرير صغنن كده يعرفنا العربية دي ..أنا عن نفسي مركبتهاش لكن كانت مع واحد صاحبي ..وأنا مش هقدر أتكلم عن العربية زي اللي ركبها

من عنيا حضرتك تأمر
بالنسبة للموتور
هي طبعا انجكشن
موتور 1300 cc بس تحفة جدا
موفرة في البنزين
الدركسيون مش باور بس مش لادا يعني
ثباتها علي الطريق مقبول جدا بالنسبة لحجمها
اقصي سرعة جبتها بيها كانت 185
بالنسبة للصالون علي حجمها الصغير فهو مقبول جدا
بالنسبة للكماليات بتنزل 2 زجاج كهرباء امامي , تكييف ممتاز , سنتر
يعيبها اسعار قطع غيارها غالية جدا كعربية اقتصادية (هتلاقي بعض الاسعار ليها في رابطة الفيات الاونو هحاول اجبهالك )
و لو فيه اي اسئلة انا تحت امركم
و اتمني التقرير الصغنن يكون عجبكم :)

[nouranwar]

امبارح اخيرا و بعد معانااااااااااااااااااه جبت المقصات ب 300 و الكاوتشات بتاعتها و هروح اركبهم النهاردة ان شاء الله علشان خلاص الكاوتش عندي انتهي تماما لما بروح لبتاع العجل بيقولي غير المقصات الاول و بعد كده غير العجل و روح ضبط زوايا و اخيرا هعمل كده النهاردة ان شاء الله
سألت بقي عن المساعدين الامامي و الخلفي لقيت الامامي ب 1300 و الخلفي ب 500 فقولت اغير المقص و العجل الاول و لما لما يبقي يجي فلوس ابقي اغير المساعدين :)

و سلامي لصديقي العزيز nfs7 :)

هههههههههههههههه اعمل ايه بقي :( ملهااااااااااش قطع غيار و بيستغلوا النقطة ديه
المهم غيرت المقصات و طلعت محتاجة بيضات طرف (زي ما بيقولوا ) :) و جبتهم هما و دراع الاسكترا ب 300 بتوع الاونو الفاير و وديتهم لبتاع العفشة قالي مش هما علشان مش زي اللي راكبين دول ارفع من اللي راكبين قولتله ازاي دول بتوع الفاير و مأكد علي الراجل يقولي لأ
المهم رحت للراجل و معايا القدام قالي دول زي بتوع ال 127 بس اقصر و دول مش موجودين اساسا فيبقي الحل ايه علشان مش عارف اغير العجل و العجل خلاص راح في 60 داهية فقررت اني انقل العجل البايظ ورا و اجيب النضيف قدام لغاية ما تفيدني يا صديقي في الموضوع ده و تقولي اعمل ايه ؟ :)

و بالنسبة لفلتر الزيت انا بركب بتاع الانسر علشان ده اللي بيركب فيها :( الاونو العادي مبيركبش :( (ده كلام الراجل اللي بيغير الزيت)
و قلت اجيب بالمرة فلتر بنزين جبته ب 20 تركي و قلت اغيره بالمرة طالما هصرف علي العربية
اه بالمناسبة المراية اليمين اللي عندي واحد ربنا يكرمه كسرهالي و هي راكنة و بسأل عليها لقيتها ب 450 فقلت كده حلوة رأيك ايه في اللي بيحصلي ده :) اكيد

ههههههههههههههههههههههههههههه صديقي حبيبي :)
بأمانة مش بحبها هي العربية مفيهاش غير ماتور بصراحة هو ده اللي عاجبني فيها :) انا اللي نفسيتي تعبت منها بصراحة او شكلنا احنا الاتنين تعبنا من بعض :(
المراية كاملة اللي اتكسرت و هسأل علي الشاهين لو شبه بتوعي يبقي قشطة اكيييييييد هيبقي الاتنين ارخص من ال 450 بتوع الواحدة عندي
ههههههههههه :)

سامعك يا كبيــــــر بس انا البطارية بتاعتي جافة و مش عارف بصراحة كام امبير هي علي العموم قربت خلاص بس لسه شوية يعني
عيب عليك يا كبير احنا بنستخبي برضه :)
بقول لحضرتك ايه انا مش عارف اعمل ايه في موضوع الاطراف ده و دراع الاسكاترا اللي هما اصلا مش موجودين و انت بتقولي في التوكيل بس زي ما حضرتك عارف ان التوكيل هيبقي عالي و انا مش هستحمل اصلح في الفاير و في البايك مرة واحدة فمش عارف بقي ممكن تسلفني :)

امبارح قولت اعمل بنصيحة حضرتك و اتصل بأوماترا و اسأل علي قطع الغيار و اسعارها كالاتي :
المساعدين الامامي الواحد ب 550 جنيه *2 = 1100 جنيه كان برة التوكيل ب 1300 جنيه
المساعدين الخلفي الواحد ب 500 جنيه *2 = 1000 جنيه كان برة التوكيل ب 500-600 الاثنين
بيضات الطرف الواحدة ب 220 جنيه *2 = 440 جنيه برة التوكيل كنت واخد بيضات الطرف و دراع الاسكاترا الاثنين ب 300 جنيه لما بسألهم علي سعر دراع الاسكاترا بيقولولي الاونو الفاير ملهاش دراع اسكاترا قولتلهم ازاي ده انا جايبه قبل كده قالولي لأ ملهاش دراع اسكاترا فمش عارف الصراحة الراجل اللي انا بروحله هو اللي غلطان ولا اوماترا هي اللي غلطانة !!!
طبعا من الاسعار من الواضح انهم ارخص في المساعد الامامي انما الباقي اغلي بكتير كمان
اللي انا عايز استشير حضرتك فيه بقي اخي و صديقي nfs7 قريت النهاردة في قسم فيات عن مساعدين مونرو للشاهين و الاعضاء بيشكروا فيها هل متوفر منهم للاونو ولا ملهاش و بيعملوا كام لو موجودين ؟!

موافق طبعا كده انت اعلي سعر و مش هضيعك من ايدي ابدا :)
عملت اعلان و اتصل بيا 3 و قولتلهم علي اللي فيها بمنتهي الامانة و ده خلاهم يتمسكوا بالعربية اكتر و يقولولي مفيش حد امين كده دلوقتي و كده بس قلتلهم انا اجلت البيع اسبوع و مسحت الاعلان من علي كونتاكت
تعرف بقي اللي اكتشفته ان فيه تاجر جه يتفرج علييها قالي انها واخدة خبطة من قدام و من تحت الموتور كده في حتة ملحومة
عايز اقولك حاجة مش انا اللي عامل اي مشكلة في العربية ديه والله انا شاريها كده من معرض جيت موتورز حسبي الله و نعم الوكيل فيه بجد كل ما اكتشف عيب فيها بقول ربنا ينتقم منه علشان انا اشتريتها من غير اي حد ما يكشف عليها ععلشان قولتله بالامانه فيها ايه
عايز اطمنك لحاجة انا معملتش اعلان عنها هنا في المنتدي ولا هي ولا الكروز علشان حالتهم و علشان مش عايز حد من هنا يقول منه لله العضو نور انور و الكلام ده لكن هتلاقي اللي عملت اعلانات عنهم هنا في المنتدي الماتريكس و البايك دلوقتي و البازوكا :) الحاجة اللي تبقي في وشي يعني :)
معلش صدعتكم بس كنت عايز اتكلم

7Nfs
بعت عربيتي الحمدلله النهاردة
و بكده هسيبكم في فيات و الاونو بالذات :) :)

(ديه بعض مشاركاتي في رابطة الاونو و زي ما حضرتك شايف كنت بعاني جدا من قطع الغيار)

[Abo_Mazen]

(ديه بعض مشاركاتي في رابطة الاونو و زي ما حضرتك شايف كنت بعاني جدا من قطع الغيار)

عارف لو كل الأعضاء زيك كده في أمانة العرض والحرص على إستفادة الغير ..مكانش حد إحتاس ولا سأل الناس ..روح يا شيخ ..إله ربنا يفتح لك طريق الخير ويسهلك كل أمر عسير

[nouranwar]

عارف لو كل الأعضاء زيك كده في أمانة العرض والحرص على إستفادة الغير ..مكانش حد إحتاس ولا سأل الناس ..روح يا شيخ ..إله ربنا يفتح لك طريق الخير ويسهلك كل أمر عسير

بجد حضرتك احرجتني من ذوق حضرتك العالي جدا
انا معملتش حاجة للشكر ده كله و ده اللي اتعلمته من اعضاء نايل موتورز اللي يقدر يفيد حد بحاجة مبيتأخرش
اللهم امين يارب و شكرا جدا لذوق حضرتك و اتمني اكون افدت حضرتك و لو فيه اي سؤال تاني انا تحت امرك