خبراء فيات وبالتحديد بونتو كلاسيك مشكلة في الفتيس ( عضة المارشدير )

[osos_lion]

السلام عليكم ازيكم كلكم وكل سنه وانتم طيبين عربيت اخويا بونتو كلاسيك 2011 46 الف كيلو متر فيها مشكلة اتمنا اني الاقي حلها العربيه لما باجي اديها مارشدير بترز او بعض الصوت الي هوا ( كخخخخخخخك ) بيحصل امتا بقا في حاله واحده بس لو دوست دبرياش واديت وراه مارشدير علطول تقوم عاضه
انما لو دوست دبرياش واديت اي نقله اي نقله وبعديها اديت مرشدير متعملش الصوت ده
لو دوست دبرياش واديت مرشدير وقامت رازعه وفضلت دايس دبرياش ومورت وقمت معشق مرشدير تاني برضو مبتعملش الصوت
باختصار الحركه بتحصل لما ادوس دبرياش وادي مرشدير وراه حتي لو استنيت ثانيتين تلاته او كاركت لازم تحصل لازم عشان متحصلش ادوس دبرياش بعدين ادي نقله تانيه قبل المرشدير بعدين ادي مرشدير عشان مترزعش
مستني ردودكم ربنا يكرمكم

[Medo.Malek]

نفس المشكلة فى اللينيا بقالها 3 سنين و ملقتلهاش حل لحد دلوقتى
و بصراحة بعتبرها عامل امان عشان مغلطش و اجيب مرشدير و انا ماشى على سرعة لانى ساعات بسرح :)

[Abo_Mazen]

المشكلة دي مش مشكلة بونتو كلاسيك ..دي مشكلة في مجموعة الدبرياج عموما ..أنا آسف إن ردي ما أضفش جديد لحضرتك ..بس أنا كنت عاوز أفصل من عند حضرتك إن دي مشكلة بونتو

[yoko]

لازم تصبر ثانيتين ومتفصلش الدبرياج غير لما العربيه تهدى خالص لو فضلت كده لازم تغير طقم دبرياج

[osos_lion]

يعني الموضوع ليه علاقه بالدبرياش مش غوايش فتيس اصل الميكانيكي بيقولي غير فتيس وكلام غريب كده والعربيه اصلا ماشه 47

[yoko]

ده العادي في فتيسات الفيات كلها من اول الكلاسيك لحد الالفا ولانشيا حتى الفيراري