استفسارات عن سيينا

[zico_momo]

السلام عليكم

انا بقالى كام يوم بدور عن معلومات عن العربيه السيينا لانى عاوز اشتري واحده

بس للاسف لسه ماجمعتش كل المعلومات عنها فا ياريت لو حد يقدر يساعدني

انا عاوز اعرف هل فعلا 1400 مريحه اكتر من 1600 فى الصيانه وال1600 صيانتها صعبه جدا؟

هل هناك اى فروق داخليه فى العربيه بين ال 1400 وال 1600 ؟

يعنى ايه سيينا بلس وتفرق ايه عن السيينا العاديه ؟

ايه انظمه الحمايه الى بتكون فى العربيه وبتكون فى اى موديلات ومع اى مواتير ؟

اعرف ان العربيه نظام كمبيوتر .هل ده هايكون اسهل فى الكشف عنها فى التوكيل ولا مالوش علاقه ؟

هل العربيه فى منها كامله وفاضيه ولا مافيش الكلام ده ؟

هل المساحه الداخليه للصالون فى ال 1400 زى ال1600 ولا فى واحده اكبر من التانيه ؟

ايه افضل موديل لافضل فئه فيها سواء 1400 او 1600 ؟

هل ممكن الاقى عربيه منها دلوقتى ماتلعبش فى موتورها ؟

شكرا ليكم واسف على الاطاله

[emad9999]

السلام عليكم
انا معايا فيات سيينا موديل 2002 و 1400 ولسة شاريها انا اسمع ان ال 1400 احسن من 1600 لان ال 1600 مشاكلها كتير وال 1400 اللى معايا شايفها كويسة والعربية بور و سنتر و انزار و تكيف و اثنين زجاج كهربة
و بالنسبة للكومبيوتر دة مش عيب ودلوقتى فى ناس شغالة و عندها جهاز كشف اعطال كتير يعنى ما تقلقشى بسسى خللى بالك اسعار قطع غيلرها اسمع انها غالية شوية ودى على حد علمى عن السسنا وياريت حد يفدنا كمان اكتر

[zico_momo]

شكرا يا عماد انا كنت حابب فعلا اعرف ردود من ملاك العربيه لان ده هايكون اقرب الى الواقع
ومحتاج اعرف معلومات كتير عن الاسئله الى سألتها عشان اجمع كل المعلومات الى نقصاني
شكرا ليك مره تانيه

[mohamed_selim]

ال ١٦٠٠ تكنولوجيا اعلى فى الموتور و الانجكشن بس حوض ضيق عشان كده الصنايعيه مبيحبوهاش
من جوه زى بعض
ال ١٦٠٠ فيها ايموبيليزر
مفيش ايرباجز ولا abs فى الاتنين
قطع الغيار موجوده و رخيصه اللى هيتعبك هو الصنايعى اللى فاهم عشان ميعكش
بالنسبه لعربيه مش ملعوب فيها ... انا لسه بايع من كام شهر عربيتى ١٦٠٠ مو ٢٠٠١عامله ١٨٠ الف كيلو بموتورها الاصلى عامل ٧٠٪ فى الاختبار و دى نسبه ممتازه بالنسبه للكيلو و الموديل فممكن تلاقى حاجه كده

[zico_momo]

ال ١٦٠٠ تكنولوجيا اعلى فى الموتور و الانجكشن بس حوض ضيق عشان كده الصنايعيه مبيحبوهاش
من جوه زى بعض
ال ١٦٠٠ فيها ايموبيليزر
مفيش ايرباجز ولا abs فى الاتنين
قطع الغيار موجوده و رخيصه اللى هيتعبك هو الصنايعى اللى فاهم عشان ميعكش
بالنسبه لعربيه مش ملعوب فيها ... انا لسه بايع من كام شهر عربيتى ١٦٠٠ مو ٢٠٠١عامله ١٨٠ الف كيلو بموتورها الاصلى عامل ٧٠٪ فى الاختبار و دى نسبه ممتازه بالنسبه للكيلو و الموديل فممكن تلاقى حاجه كده

شكرا يا استاذ محمد
بس هل مع عدم وجود ABS او اى نظام فرامل قوي العربيه فراملها كويسه ولا نص نص
وهل بردوا البيترا مافيهاش ABS ولا Airbag

[mohamed_selim]

الفرامل لو مش ملعوب فيها زى الفل من غير حاجه
معرفش البترا نظامها ايه