التسارع بونتو 95

[Sameh nabil]

لاحظت المشكله دي

التسارع من 0 الي 100 مفيش فيه مشاكل خالص

انا بدي الغيار الخامس بعد ال ٨٠ او ٩٠ عموما و لكني مش بمشي علي اكتر من ٨٠ خالص الا المره دي للتجربه فقط

بعد ما اديت الخامس السرعه وصلت ل ١٠٠ عادي كالمعتاد و لكن من ١٠٠ الي ١٢٠ تاخد وقت طويل حوالي ١٠ دقايق و اكتر حاجه وصلت ليها ١٣٨ بالعافيه و في ظل وجود حاجه تساعد زي منزل في الطريق و كده


كده دي مشكله ايه بالظبط. انا مش محتاج سرعات عاليه و لكن بسال لحسن يكون فيه حاجه مش مظبوطه و تجاهلي ليها ياثر علي اي حاجه تانيه

[abou-yahia]

اسباب كتير

زيت لزوجته غير مناسبه

بوجيهات او احتراق غير كامل

علبه بيئه مسدوده

موتور حالته مش قد كده

Sent from my SM-N900 using Forum Runner

[Sameh nabil]

كل ده ليه حلول ، بس لو الموتور مش قد كده الحل ايه ؟

انا كمان بلاحظ ان لما بركب مذا حد معايا العزم بيقل بدرجه ملحوظه

[Refaat33]

إحتمال كبير تكون إسطوانة الدبرياج محتاجه تتغير .

[Sameh nabil]

هل ممكن سكون من ضمن الاسباب اني بدي الغيار بدري ؟!!!

يعني انا بغير لما ال ار بي ام يوصل ل ٣ ،، شوفت فيديو ان الغيار بيتاخد بعد ٥ هل ده ممكن يكون سبب ؟!!

[Abo_Mazen]

باشا ..باشا ..باشا ..ديسك وإسطوانه ياريس ..كانت بتحصل مع واحد صاحبي معاه فيات 127 ...العربية كانت بعد سرعة ال 80 بتبقى بطه بلدي برجل واحده ماشيه على الأرض..وكان كل ما يدوس بنزين بعد سرعة ال 80 المكنة صوتها يعلى ...ولا حياة لمن تنادي ..وفين بعد الحزق والمحايله توصل معاه لسرعة 90 ..كل اللي عمله راح غير ديسك وإسطوانه وطقم كهرباء ..ومن ساعتها محدش عارف يحصله من كتر الجري اللي بيجريه

[alfnnan181]

باشا ..باشا ..باشا ..ديسك وإسطوانه ياريس ..كانت بتحصل مع واحد صاحبي معاه فيات 127 ...العربية كانت بعد سرعة ال 80 بتبقى بطه بلدي برجل واحده ماشيه على الأرض..وكان كل ما يدوس بنزين بعد سرعة ال 80 المكنة صوتها يعلى ...ولا حياة لمن تنادي ..وفين بعد الحزق والمحايله توصل معاه لسرعة 90 ..كل اللي عمله راح غير ديسك وإسطوانه وطقم كهرباء ..ومن ساعتها محدش عارف يحصله من كتر الجري اللي بيجريه

والله انت راجل عسل

[J A G U A R]

من 100 ل 130 العربيه صوتها بيبقى عالى معاك ولا عادى ..

[Sameh nabil]

لا عادي مش عالي

[graffittiii]

حضرتك بتدي الغيار الخامس بدري جدا ...
أنت دلوقتي عايز تجيب Top speed مش بتسوق بشكل أعتيادي أو عايز تريح الموتور ...

ومع ذلك في حقائق لازم تتحط في الإعتبار عشان نكون واقعيين :

1- مبدئيا الــ Top speed لعربية حضرتك حوالي 155 km/h
فــ 138 km /h مش وحش بعد 19 سنة .

2- البونتو ( Selecta - Nova - Classic ) بصفة عامة صوتهم بيعلي بعد 120 km/h

3- تسارعهم بعد الـ 120 بطئ وهتاخد وقت وطريق مفتوح عشان سرعتك تزيد .
(أنا كنت بحس أن البيكانتو الـ 1100 الشكل القديم كانت بتوصل بسهولة أكبر لـ 140 عن البونتو ) .

4- الغيار الخامس أصلا في العربية دي مش بيزود التسارع حاجة تذكر يعني ... الرابع هو اللي المفروض يوصلك لـ 140 مثلا والخامس بعد ربع ساعة كده ممكن يوصلك لـ 145

أنا بقولك الكلام ده علشان قبل ماتغير حاجات وتلاقي مافيش فرق كبير ويجيلك إحباط ..
بس الصيانة طبعا حلوة مافيش كلام _ هتخلي العربية فايقة أكتر شوية .

[Sameh nabil]

حضرتك بتدي الغيار الخامس بدري جدا ...
أنت دلوقتي عايز تجيب top speed مش بتسوق بشكل أعتيادي أو عايز تريح الموتور ...

ومع ذلك في حقائق لازم تتحط في الإعتبار عشان نكون واقعيين :

1- مبدئيا الــ top speed لعربية حضرتك حوالي 155 km/h
فــ 138 km /h مش وحش بعد 19 سنة .

2- البونتو ( selecta - nova - classic ) بصفة عامة صوتهم بيعلي بعد 120 km/h

3- تسارعهم بعد الـ 120 بطئ وهتاخد وقت وطريق مفتوح عشان سرعتك تزيد .
(أنا كنت بحس أن البيكانتو الـ 1100 الشكل القديم كانت بتوصل بسهولة أكبر لـ 140 عن البونتو ) .

4- الغيار الخامس أصلا في العربية دي مش بيزود التسارع حاجة تذكر يعني ... الرابع هو اللي المفروض يوصلك لـ 140 مثلا والخامس بعد ربع ساعة كده ممكن يوصلك لـ 145

أنا بقولك الكلام ده علشان قبل ماتغير حاجات وتلاقي مافيش فرق كبير ويجيلك إحباط ..
بس الصيانة طبعا حلوة مافيش كلام _ هتخلي العربية فايقة أكتر شوية .

انا بدي الغيار الخامس بدري لان لما بوصل ل ١٠٠ علي الرابع بلاقي ال ار بي ام عدي ال ٣

و انا عموما واحد قاللي متخليش الار بي ام يعلي عن ٢.٥ او ٣

هو لو الار بي ام وصل ٥ مثلا يعمل مشكله ؟

[graffittiii]

علشان أقدر أفيد حضرتك بخصوص أقصي عزم بيطلع عند كام Rpm

ياريت حضرتك تقولي عربيتك بونتو S 60 ولا SX 60 .
.

[Sameh nabil]

اعرف ازاي ؟ هيا فيها باور و اربع رشاشات