الميكانيكى احمد لانشا فى الاسكندرية

[shady.punto]

رجالة الفيات بالاسكندرية
انا سمعت عن ميكانيكى فى اسكندرية اسمة احمد لانشا متسيط اوى وبيقولك بتاع فيات بس
المهم اصل انا عندى حاجة كدة فى عربيتى وقولت ارحلو مش هخسر حاجة رحتلوا عند نادى الصيد
فجأة ببص حوليا يمين وشمال حسيت انى دخلت منطقة من مناطق ايطاليا او مصنع فيات بايطاليا
عربيات بونتو و سينا و الفاروميو ولينيا وموديلات تانية كتير المكان ماشاء الله كبير جدا متعرفش تعد العربيات اللى موجودة
اتكلمت مع واحد اسمة محمد شخص اسمرانى ولابس نظارة نظر اتا عربيتى بونتو 2001 قولتلة مشكلتى
لقيتة وسعلى الدنيا اوى انا مش هستلم منك العربية دلوقتى انت تجيلى الاثنين اللى جاى الساعه 9.00 الصبح عشان استلم منك العربية وهنعمل فيها شغل كتير اوى وهنوصلها بالجهاز وبيكلم بعوجان اوى حسيت انى فى مركز صيانة او توكيل
انا عارف انة هيحل المشكلة عشان سمعت انة كان شغال فى ايطاليا بس حاسس انة هيقلبنى وهياخد من مبلغ محترم
انا عاوز اللى اتعامل مع المكان دة قبل كدة عشان مدبس يدلنى الناس دى بتاحد منك حقها بما يرضى الله ولا حرامية وهياخد مبلغ كبير وفعلا صنيعية وبيفهمو ولا لا
فى انتظار ردكم على الموضوع

[Ghamrawy]

ابعد عنوا

بيوسع الشغل و بيغير حاجات بعيدة عن السبب الاساسى للعطل علشان يلم تمن قطع غيار و مصنعيات و شغل رخيص و قذر

[odod]

ابعد عنوا

بيوسع الشغل و بيغير حاجات بعيدة عن السبب الاساسى للعطل علشان يلم تمن قطع غيار و مصنعيات و شغل رخيص و قذر

طيب حضرتك فى مين تانى بديل ليه
واخبار قطع الغيار ايه

[Ghamrawy]

قطع الغيار من السوق

الميكانيكى بتاعى موجود

[dodo2000]

انت اساسا عربيتك فيها ايه

[odod]

قطع الغيار من السوق

الميكانيكى بتاعى موجود

طيب هوه مكانه فين وايه تقيمك ليه
وياريت حضرتك لو تكرمت تقولنا على اخر اسعار قطع الغيار اللى جبتها ... معلش انا اصلى لسه شارى الحراند بونتو دى من يومين وعايز اعرف عنها ....
شكرا لحضرتك

[haany_ghazy]

انا كمان عايز ميكانيكى شاطر علشان عندى مشكلة فى البور ستيرينج وبدور على قطمة دركسيون بونتو كلاسيك

[Ghamrawy]

الميكانيكى ممتاز و مخه نضيف الحمد لله
هو مكانه فى سموحة فى مساكن اسيد و اسمه محمد منير

بالنسبة لقطع الغيار فهى من متوسطة لغالية على حسب القطعة يعنى مثلا اخر حاجة كانت سير تقسيمة ب 150 و بلية الكاتينة ب 350 و طرمبة مياه ب 250


بالنسبة للموتور الكهربا بتاع البونتو كلاسيك ممكن تجيبه استعمال و هو يركبهولك عادى

[odod]

[QUOTE=Ghamrawy;3875715645]الميكانيكى ممتاز و مخه نضيف الحمد لله
هو مكانه فى سموحة فى مساكن اسيد و اسمه محمد منير

بالنسبة لقطع الغيار فهى من متوسطة لغالية على حسب القطعة يعنى مثلا اخر حاجة كانت سير تقسيمة ب 150 و بلية الكاتينة ب 350 و طرمبة مياه ب 250
تمام ياريس .. انا شغلى فى مدينة اسيد
بس انته ايه تقييمك الشخصى ليه وهل مثلا عنده جهاز كشف اعطال ولو عندك معلومات الاتصال بيه ومعلش يعنى هطول عليكى لو معاك اماكن وتليفونات بتوع قطع الغيار

[Abo_Mazen]

ابعد عنوا

بيوسع الشغل و بيغير حاجات بعيدة عن السبب الاساسى للعطل علشان يلم تمن قطع غيار و مصنعيات و شغل رخيص و قذر

أنا أول مره أسمع عن أحمد لانشيا ده إنه بيوسع في الشغل وبيعمل شغل على الهوا عشان يلم فلوس ..أنا مرحتلوش بنفسي بصراحه قبل كده ..بس أعرف ناس راحتله بسيينا وبونتو كلاسيك ..السيينا كان فيها مشكلة دخنه مش عايزه تروح ..وفي الآخر غير حساس شكمان مع شوية حاجات كده وإتحلت المشكله ..البونتو كان فيها مشكلة دواره غير معلومة السبب ..وبرضه حل المشكلة ..بص ..أنا مجربتوش ..لكن في واحد قالي عليه ..إنك بتدفع مره واحده بس ..وبعد كده مش هتشوف وشه تاني ..مش عشان العربية هتكون راحت في داهيه لا قدر الله ..لأ .هو يقصد إن زيارته فيها الشفا ..أنا بكرر ..أنا مرحتلوش بنفسي ..دي تجارب ناس أنا أعرفها..لكن لو حضرتك جربت بنفسك يبقى حضرتك أصدق

[abou-yahia]

هيه ايه المشكله اللي في العربيه

نقاش غير مثمر

ياريت يكون في المضمون

[shady.punto]

المشكلة عندى لما ادور العربية الصبح وهى باردة يعنى تدور من اول مرة عادى جدا
ولكن العربية لم تسخن السخونة الطبيعية لو بطلت العربية تقرفنى فى الدوارة تدور بعد معاناة
وكل واحد اسألة يقولى عيب شكل واحد يقولى حساس كرنك وواحد يقولى مشكلة كهرباء بعنى عاوز كهربائى
وانا بصراحة احترت ونفسى احل الموضوع دة
العربية بونتو 2001
شـــــــــــــــــــكرا
مستنى ردكم

[abou-yahia]

المشكلة عندى لما ادور العربية الصبح وهى باردة يعنى تدور من اول مرة عادى جدا
ولكن العربية لم تسخن السخونة الطبيعية لو بطلت العربية تقرفنى فى الدوارة تدور بعد معاناة
وكل واحد اسألة يقولى عيب شكل واحد يقولى حساس كرنك وواحد يقولى مشكلة كهرباء بعنى عاوز كهربائى
وانا بصراحة احترت ونفسى احل الموضوع دة
العربية بونتو 2001
شـــــــــــــــــــكرا
مستنى ردكم

الاغلب بوبينه هما اتنين

فعلا حساس الكرنك ممكن يلخبط كهرباء العربيه بس مش ذي ما انت بتقول

ونصيحه غير الحساس لو محتاج يتغير يعني فكه واكشف عليه ممكن ميكونش مدي خطاء لاكن هوه ليه عمر

Sent from my SM-N900 using Forum Runner