بونتو 2000 ارجو الرد سريعا يا خبراء

[Mofareq]

السﻻم عليكم ورحمه الله وبركاته

يا جماعه انا شوفت النهارده عربيه بونتو 2000 عايز اعرف رائيكم معايا لان انا مليش خبره خالص فى العربيات رحت رفعتها فى بنزينه كالتكس فى مصطفى النحاس بس حسيت انهم اى كﻻم ﻻنى قبل كده كشفت فى بنزينه موبيل فى الهرم وبصراحه كان الكشف افضل بكتير واشمل

بصراحه العربيه عجبانى يمكن شكلا بس فى شويه خرابيش وفى تقشير كده فى السقف الراجل بتاع البنزينه قالى ده عادى من الشمس وكده مع العمر دى طبقه ورنيش بتقشر

الحاجه التانيه قالى فى زى ترييحه كده فى العربيه من قدام او خبطه خفيفه ﻻن فى حته صغيره فى الكبوت مردوده ع البارد حتى باينه من جوه ومش مرشوشه بس ورانى حته ورا الاكصدام قالى دى واخده بنطه لحام صغيره اوى ومش هتزعلك فى حاجه بس هتلعب فى للسعر شويه

قالى انها راشه رفرفين قدام وكبوت خارجى لكن فابريقه دواخل بالكامل

الماتور بالكمبيوتر 74 % وقالى ان ده مش وحش والتكييف تمام والعفشه كويسه و المساعدين تمام والتيل تمام بس الطنابير باين قالى تبقى تغيرها ومحتاجه طقم سيرفيس ودى انا مش فاهمها

المجمل ان العربيه كويسه واساسيات تمام على كﻻمه طبعا لكن ممكن اتكلم فى السعر هى كانت معروضه ب 39 وانا ظبطت مع صاحبها على 37 وصاحبها راجل محترم جدا بصراحه

ياريت رايكم فى اسرع وقت لان المفروض اخلص بكره او بعده بالكتيير

واشكركم مقدما

[windofchange]

وعليكم السلام ورحمه الله طقم سيرفيس اعتقد يعني تغيير بوجيهات وسيور العربية كلها اما بالنسبة للبونتو تزعل مني لو قلتلك لو فارق معاك الوسع الداخلي اشتري ايبيزا مو من 99 ل2002 ويفضل من 2000 ل2002 لو حالتها كويسة اكبر وتعتبر عربية اعتمادية

[Mofareq]

اشكرك جدااا على الرد

هو المشكله الاكبر فى رنج الفلوس انا اصﻻ كنت عامل اقصى رنج 35 والى وصلتله ابيزا 94 ودى عمرها كبير وغالبا متبهدله و شوفت 99 بنفس الطريقه لقيت بصراحه البونتو افخم و اوسع واحدث ع الاقل 2000 غير 94 برده

اما ابيزا من 2000 لفوق معديه 45000 واكتر كمان

والفيات بالبحث والسؤال الناس بتشكر فيها برده وتقريبا نفس اسعار قطع غيار الابيزا

بس هل الكلام الى انا قولته مناسب مع السعر وهل ياثر على العربيه و لا لا زى ما قال بتاع البنزينه ؟

[windofchange]

لو تصبر تجيب الايبيزا 2000 انت عايز هاتش باك صح ؟ مش مهم مساحة الشنطة او الكنبة لو مهم هات كوردوبا ولو يفرق معاك اوتو يبقي هات سوزوكي بالينو مو 94 ل2002 فيها موتور من 1300 ل1500 سي سي يعني انا بتناقش معاك استخرت ربنا اكيد وياريت حد من شباب قسم الفيات ينورنا برضه

[windofchange]

تصدق عندك حق البونتو اكبر منها كشنطة فعلا وصالون تقريبا...وده عرفته من اللينكين دول
Fiat Punto 1.2 - 5-doors, hatchback

Seat Ibiza 1.0i E - 5-doors, hatchback

[Mofareq]

هو طبعا الوسع مهم والاوتو كمان ﻻن انا اغلب مشاويرى هتبقى سفر
انا بس عايز اعرف العيوب دى عاديه وبسيطه وﻻ كبيره
اشكرك جداااااا على المتابعه

[M.A]

هو طبعا الوسع مهم والاوتو كمان ﻻن انا اغلب مشاويرى هتبقى سفر
انا بس عايز اعرف العيوب دى عاديه وبسيطه وﻻ كبيره
اشكرك جداااااا على المتابعه

لو تقصد البنزينة ال في تقاطع عباس والنحاس انا روحتها بردو من كم يوم وبردو مرتحتش لكشفهم
عموما البونتو 2000 حلوة أنا كمان بدور على واحدة اليومين دول ودورت هنا ف المنتدى كتير على مواصفاتها ورأي الناس فيها وكتير جدااااااا شكروا فيها وفي أدائها
وبالنسبة للتكييف أنا كنت باسمع انه متوسط ومش زي الكوري وحاجات من دي بس أنا ركبتها فعلا والتكييف شغال وفعلا تكييف تحفة رغم ان الجو كان حر جدااا
خد بالك إذا كانت العربية فيها باور وسيتي باور ولا لا لان معظم موديلات 2000 مفيهاش باور والعربية ال فيها باور مش هتفرق كتير ف السعر
وفي مكان تاني كشفت فيه على بونتو 2003 في البنزينة ال عند اخر شريط المترو في شيراتون في مكان هناك اسمه الميكانيكي كشفوا عليها كمبيوتر ومانيوال ب 110 إنما ف بنزينة النحاس أخدوا مني 150
عموما ربنا يوفقك وآسفة على الإطالة

[M.A]

يا ريت لو حد من مالكي البونتو يعرف حاجة عن البونتو 2000 أوتوماتيك يفيدني لاني لقيت واحدة ومش عارفة عن الاوتوماتيك البونتو أي معلومة

[Mofareq]

لو تقصد البنزينة ال في تقاطع عباس والنحاس انا روحتها بردو من كم يوم وبردو مرتحتش لكشفهم
عموما البونتو 2000 حلوة أنا كمان بدور على واحدة اليومين دول ودورت هنا ف المنتدى كتير على مواصفاتها ورأي الناس فيها وكتير جدااااااا شكروا فيها وفي أدائها
وبالنسبة للتكييف أنا كنت باسمع انه متوسط ومش زي الكوري وحاجات من دي بس أنا ركبتها فعلا والتكييف شغال وفعلا تكييف تحفة رغم ان الجو كان حر جدااا
خد بالك إذا كانت العربية فيها باور وسيتي باور ولا لا لان معظم موديلات 2000 مفيهاش باور والعربية ال فيها باور مش هتفرق كتير ف السعر
وفي مكان تاني كشفت فيه على بونتو 2003 في البنزينة ال عند اخر شريط المترو في شيراتون في مكان هناك اسمه الميكانيكي كشفوا عليها كمبيوتر ومانيوال ب 110 إنما ف بنزينة النحاس أخدوا مني 150
عموما ربنا يوفقك وآسفة على الإطالة

هو انا بصراحه اعتمدت برده على راى الناس فيها والى انا شوفتها ﻻ باور وﻻ سيتى باور هى هاف باور
انا بس عشان مش فاهم فى العربيات كنت عايز اعرف العيوب دى مؤثره وﻻ ﻻ
وعموما انا هتوكل على الله وربنا يكرمنا فيها باذن الله