█ فيات بونتو 1 ايه رأيكم فيها ؟؟؟؟؟؟؟؟؟؟؟؟؟؟؟؟؟█

[dd8387]

ارجو المساعده من خبراء المنتدي ومالكي السياره فيات بونتو

انا بافكر اشتري عربيه بونتو 1 (موديل 94-95) ياريت تقولولي ايه رأيكم فيها لان المبلغ المتاح لي حوالي 30000 الي 35000 جنيه
ياريت رأيكم من حيث
1-الاداء العام للسياره
2- استهلاك البنزين
3-التكييف
4-ثبات العربيه
5- الصاج
و شكرا على اتاحة الفرصه لي للمشاركة في هذا المنتدي الجميل:k9:

[zeyad1810]

1-الاداء العام للسياره ممتاز وناعمة
2- استهلاك البنزينموفرة فى البنزين
3-التكييف جيد بالنهار فى الحر الشديد وبالليل بيكون تلاجة
4-ثبات العربيهلحد 120 ثابتة كويس معايا بس انا بطبعى مابجريش بالعربية عن 100 فمجربتش سرعات اعلى من كدة
5- الصاج جيد

بالنسبة لقطع الغيار هى اسعارها معقولة وموجودة فى اماكن كتير وكمان معمرة وبتعيش كتير

طبعا لازم تكشف كويس جدا على اى عربية مستعملة هتشتريها وربنا يوفقك

[dd8387]

zeyad1810
شكرا لردك واهتمامك

هل في العربيه دي عيب معين (سخونه مثلا او اي اعطال متكرره...)

ياريت تفيدني
معلش تقلت عليك شويه

ياريت اي حد عنده معلومه او ملاحظه عليها يشارك في الموضوع
شكرا

[zeyad1810]

من ناحية الاعطال والسخونة مفيهاش حاجة والعربية دى بتعتبر نادرة الاعطال
ولو عاوز اى حاجة انا تحت امرك

[kaboo4]

او لا العربيه جميله و شكلها حلو و حلوة بس قطع غيرها مش رخيصة اوى بس طبعا ارخص من اليبانى و الالمانى بس بردوا مش بتعمر زيهم نصيحة علشان انا كنت محتار نفس حرتك دور على كورسا 95 حلتها نضيفة و حلتها نضيفة دى تحتيها ميت خط و الميزة انك ممكن تلاقى علشان اغلب الى ركب العربيه دى ايام ما نزلت حريم المهم الاوبل المتور اقوى معنة اقل فى السعة 1200 بس ايه طيارة و دور على ال1200 و اوعك تجيب 1000 مليان حساسات و مشاكل بس من الاخر عربيه الصاج ميتقرنش بالفيات خالص عفشة تمام و تتغير كلها ب600 جنيه اسعار قطع غيرها رخيصة بالمقارنة بالاوبل و الالمانى عمتا و اصلا اغلبها نازل بفتحة سقف و جنوط اصلى انا طولت عليك بس انا كمان كنت بدور على بونتو و فى الاخر اشتريت كورسا و مش ندمان و ان كان الشكل الخارجى للبونتو احلى مفيش شك بس لو خدت بالشكل العام الكورسا تكسب

[creative]

هل يوجد بيان باسعار قطع الغيار للبونتو حتى 2005 قبل الشكل الجديد
صحيح هو عداد السرعة اخره كام واكتر حاجة ممكن تجيبها كام ؟؟

[melsatar]

ارجو المساعده من خبراء المنتدي ومالكي السياره فيات بونتو

انا بافكر اشتري عربيه بونتو 1 (موديل 94-95) ياريت تقولولي ايه رأيكم فيها لان المبلغ المتاح لي حوالي 30000 الي 35000 جنيه
ياريت رأيكم من حيث
1-الاداء العام للسياره
2- استهلاك البنزين
3-التكييف
4-ثبات العربيه
5- الصاج
و شكرا على اتاحة الفرصه لي للمشاركة في هذا المنتدي الجميل:k9:

السلام عليك يا زميلى السياره البونتو جميله جدا بس خلى بالك عشان فى اختلاف شاسع بين 94&95 وفى كذا موديل فى ال 95 يعنى فى انجيكشن و عادى على العموم فى واحد صاحبى معاه بونتو 1995, 1300 سى سى
اضاءه زينون عافشه جديده كاوتش جديد .جنط رياضى فابريكه ابقى كلمه
اسمه م.محمد 0172455455

[masgoold]

اية الفرق بين العادى والانجكشن فى المتور بتاع العربيات

[freewill]

طيب تقصد ايه بالفرق بين ال 94 وال 95؟