ايه الاحسن؟!

[Saeed_Niazy]

دلوقتى يا جماعة انا عاوز عربية تقعد معايا فترة وانا رينج فلوسى لحد من 30 لحد 35 وبرضو عاوز عربية متفلسنيش قطع غيار وفى نفس الوقت متعطلش كل شوية عشان الواحد ميتعقدش وانا لحد دلوقتى وصلت لعربيتين انا حاببهم هما الاونو و الكورسا 95 بس المشكلة ان الاونو بشوف صحابها بيكتبوا اعطال كتيرة فيها و الاوبل قطع غيارها غالية و خايف اجيبها معرفش الاحق عليها وييجى يوم اركنها عشان ممعييش اصلحها .... ايه رأيكو؟؟

[Ahmed.MT911]

دلوقتى يا جماعة انا عاوز عربية تقعد معايا فترة وانا رينج فلوسى لحد من 30 لحد 35 وبرضو عاوز عربية متفلسنيش قطع غيار وفى نفس الوقت متعطلش كل شوية عشان الواحد ميتعقدش وانا لحد دلوقتى وصلت لعربيتين انا حاببهم هما الاونو و الكورسا 95 بس المشكلة ان الاونو بشوف صحابها بيكتبوا اعطال كتيرة فيها و الاوبل قطع غيارها غالية و خايف اجيبها معرفش الاحق عليها وييجى يوم اركنها عشان ممعييش اصلحها .... ايه رأيكو؟؟

بص ياباشا عن تجربة شخصية بقولك شوف الكيا برايد هتشابك ... والله عربية ممتاز في كل حاجة قطع الغيار واستهلاك البنزين والسفر والمشي جوه القاهرة ... وكفاية انها واسعة جدا من جوه وعالية جدا عن الارض ... احنا كنا بنركب فيها خمسة ولا بتحك في اي مطب .... وانا عن نفسي سافرت بيها مرسي مطروح ورجعت والعربية زي الفل والله ... وممكن بال35 الف اللي معاك تشتري واحدة تكون حالتها ممتازة ومكيفة كمان ... يمكن العيب الوحيد فيها انها مفيش فيها باور ... انما بعد كده كل حاجة فيها ممتازة انا كانت معايا العربية قعدت سنة ونص والله زي الفل .... توكل علي الله وشوف تكون سليمة بره وجوه وفعلا مش هتندم

[Saeed_Niazy]

الكيا برايد حلوة و بصراحة ناس ياما بيشكروا فيها بس هل هى فى امكانيات الاونو و الكورسا
وكمان فى شيرى qq 2007 ماشية 30 الف كيلو ايه رايك فيها دى وحالتها حلوة ده اللى باين فى الصور

[Ahmed.MT911]

الكيا برايد حلوة و بصراحة ناس ياما بيشكروا فيها بس هل هى فى امكانيات الاونو و الكورسا
وكمان فى شيرى qq 2007 ماشية 30 الف كيلو ايه رايك فيها دى وحالتها حلوة ده اللى باين فى الصور

معلش هي ايه امكانيات الاونو او الاوبل زيادة عن التكييف والباور .... بس المشاكل اللي في العربيات دي كتير فعلا وشغلها يزهق اي حد .... انما الكيا برايد بالنسبة ليا انا افضل من الاونو والاوبل ... وطبعا افضل من الصيني خصوصا لو انتا بتشقي بالعربية وبتتحرك كتير زي حالاتي كده .... الفرق هيكون بين البرايد والاوبل في الباور فققط ... انما باقي العناصر ... الكيا برايد وعن تجربة شخصية تتفوق فيها ... عموما هي تفضيلات شخصية في الاول والاخر وربنا يوفقك وتشوف حاجة مناسبة ليك

[afandina4ever]

السلام عليكم انا معاه في موضوع الكيا بريد عن تجربه و ناعمه جدا و في حدود المبلغ اللي معاك و كمان قطع الغيار متوفره ... علي فكره فس مدرسه زميله ليا عندها كيا بريد للبيع مش فاكر موديل كام الصراحه انا سوقتها العربيه فبريكه بره و جوه و ناعمه جدا و لسه جايبلها علي حد علمي كوتش جديد و بطارية لو بتفكر ممكن اكلمهالك و علي فكره اما مش سمسار و لا حاجه انا مدرس و الموضوع لفت نظري و ربنا يوفقك

[Saeed_Niazy]

السلام عليكم انا معاه في موضوع الكيا بريد عن تجربه و ناعمه جدا و في حدود المبلغ اللي معاك و كمان قطع الغيار متوفره ... علي فكره فس مدرسه زميله ليا عندها كيا بريد للبيع مش فاكر موديل كام الصراحه انا سوقتها العربيه فبريكه بره و جوه و ناعمه جدا و لسه جايبلها علي حد علمي كوتش جديد و بطارية لو بتفكر ممكن اكلمهالك و علي فكره اما مش سمسار و لا حاجه انا مدرس و الموضوع لفت نظري و ربنا يوفقك

انا متشكر اوى لحضرتك على الرد والمساعدة بس انا من اسكندرية

[Saeed_Niazy]

كمان بيقولو الكيا بتعوم بسرعة على 130 غير الاونو او الشيرى اللى شفت ليهم فيديوهات بيجيبو بيها 150 و 140 ومش بيعومو وكمان بيقولو ان قطع غيارها مش معمرة خالص والله اعلم برضو

[amr011111]

كمان بيقولو الكيا بتعوم بسرعة على 130 غير الاونو او الشيرى اللى شفت ليهم فيديوهات بيجيبو بيها 150 و 140 ومش بيعومو وكمان بيقولو ان قطع غيارها مش معمرة خالص والله اعلم برضو

يا راجل قول كلام غير ده
ديه عربيات مينفعش تمشى زياده عن ال 100 علشان الامان
ومش العربيات ديه تحديدا
ديه عربيات زيرو كمان لما بتزود عن ال 100 بتلاقى العربيه بتبقى خفيفه جداً وتقلق منها

[Saeed_Niazy]

يعنى الاونو والبرايد والشيرى كيوكيو مبيجيبوش ال 100؟؟

[amr011111]

يعنى الاونو والبرايد والشيرى كيوكيو مبيجيبوش ال 100؟؟

مش القصد
اى عربيه هتجيب الـ 100 بس خطر تمشى عليها هتلاقى نفسك وانت سايق حاسس ان العربيه خفيفه جداً فهتقلق تزود عن ال 100 خاصة لو فيه شويه هوا

وفيه ناس كتير هتقولك بتقفل العداد والكلام ده بس الدنيا بتبقى مراجيح مولد النبى

[Saeed_Niazy]

مش القصد
اى عربيه هتجيب الـ 100 بس خطر تمشى عليها هتلاقى نفسك وانت سايق حاسس ان العربيه خفيفه جداً فهتقلق تزود عن ال 100 خاصة لو فيه شويه هوا

وفيه ناس كتير هتقولك بتقفل العداد والكلام ده بس الدنيا بتبقى مراجيح مولد النبى

يعنى لو اونو وعرضنالها الكوتش شوية تجرى وتبقى ثابتة شوية ولا ايه يا حاج

[amr011111]

يعنى لو اونو وعرضنالها الكوتش شوية تجرى وتبقى ثابتة شوية ولا ايه يا حاج

لسه محجتش علشان اجاوبك