الايزيترونيك فى العربية الايفو

[mada0202]

مساء الخير يا شباب

كنت عايز اسال على الايزوترونيك فى العربيات الايفو - اتفادى عيوبه ازاى ؟؟ و هل على طول بيعطل و هل بيتغير الديسك و الاسطوانة كل عشرة الاف كيلو ...’’؟؟؟ و هل لما بيعطل العربية بتقف فجاة ولا بيبقى فيه انذار قبلها بمدة كافية بحيث الواحد يلحق يعمل صيانتها
و ايه تكلفة تغيير الديسك و الاسطوانة ظظظ
لانى بفكر اشترى العربية بس خايف من موضوع الفيس و موضوع اسعار قطع الغيار و عدم توافرها

[msaid93]

البونتو الجديدة مش الايفو ماشي بيها 50 الف من غيراي مشاكل

[mohamedmmm2]

طقم الدبرياج سعرة 850 جنيه عند الكيلانى الاصلى.. والزيت بيتغير على كلام التوكيل كل 10000 كيلو.. والفتيس بصفه عامه مشاكله مش كتير لانه مش معقد اطلاقا لانه فى الاساس مانيوال وفيه دراع هيدروليك بيقوم بدور الدبرياج
بس هو ساعات بيحتاج سوفت وير او ابديت.. والمهم لو مش هاتركنها فى جراج او حته ظل ابقى غطيها او حط شماسه لان التابلوة فيه حتت بتتعب من الشمس.. غير كدة العربيه ممتازة توكل على الله

[Dr.A.Nabil]

عشان تتفادى عيوبه وانت واقف في اشاره ...هات الفيتيس على n وماتسيهوش على a
-لما يبتدي يبوظ طقم الدسيك والاسطوانه هاتلاقي العربيه بتترج وبتتعز وانت طالع على الاول...دي اعراض بدايه التلف...بعد كده الفيتيس هايهييس مهاك وهاتلاقيه نفسك ماشي على a وتلاققيه جاب n لوحده ...كده تغيره على طول لأن لو باظ خالص العربيه هاتقف ومش هاتدور
تكلفه تغيير الديسك والاسطوانه في التوكيل حوالي 3500 ج

[Ghamrawy]

3500 شامل الفورك و لا من غير ؟

[yassinhaitham]

أنا لسة جايب الطقم دة من الكيلانى و بالنسبة للدسك و الاسطوانة فعنده نوع ب900 جنيه و الريكامبي الاصلي ب 2600 جنيه ( و انا جبت الاصلي عشان اريح دماغي بصراحة رغم اني شايف الاسعار دي عالية شوية) و البلية ال valeo لوحدها ب 1000 جنيه

[mada0202]

تسلموا على الرد ده - المهم لما الدنيا سهلة كده اومال الناس ليه مفهمانى كلام تانى
انا ليا واحد اعرفه كان معاه العربية بيقولى انه كان مصاحب سواق عربية ونش علشان كل شوية العربية يبوظ فيها الفتيس.

[abo_salah]

السلام عليكم
اولا انا مش مصدق نفسي ان الموضوع ده موجود !!!
لان 99% من الاعراض اللي بتتكلموا عليها موجوده في العربيه عندي من فتره ومش قادر افسرها !!!
موضوع ان العربيه بتترج في المطالع واول ماتحرك بيها ده بيحصل من فتره كبيره ومش فاهم ليه ؟!!؟ ؟
من حوالي شهر كده برضه ظهر صوت اول مابادور العربيه - الطبيعي بيكون في صوت للفتيس - بس المره دي الصوت عالي شويه , روحت التوكيل اول مادوروها قالوا لي بليه دبرياج ... كده لازم الطقم يتغير
اشتريته ب 850 اصلي من محل قطع غيار في شارع الطيران لانه ب 3650 بالظبط في التوكيل من غير مصنعيه ولا اي حاجه تانيه ..
ممكن اعرف بقي ايه اللي هايحصل بعد كده ؟ يعني في مشاكل تاني ممكن تظهر في الفتيس ؟؟
وهل اما اغير طقم الدبرياج الرجه هاتروح ؟
عشان انا بدات اكره نفسي من العربيه دي :(