برافا 2001

[Delta Force]

ادامى برافا 2001 صاحبها بيقول انها مش محتاجة حاجة خالص سعرها 27
يعنى ممكن تخلص على 25
أية رأيكم ؟
قطع الغيار ايه نظامها و سعرها ايه ؟
و أكشف عليها فين فى اسكندريه ؟ و سعر الكشف هيتكلم كام ؟

[Delta Force]

???????????

[J A G U A R]

قطع غيارها مش منتشره وهاتبقى غاليه
بس عربيه كويسه

[Delta Force]

هيا ولا السيينا

[pioneerahmed]

لا طبعا هي افضل من السيينا بس هتدوخ على حاجتها شوية

[J A G U A R]

لا طبعا هي افضل من السيينا بس هتدوخ على حاجتها شوية

+111

[Delta Force]

سؤالين كدة و نسكت خالص بعده بس عايز رد مقنع
أكشف فى التوكيل و لا اجيب ميكانيكى
و لو كشفت فى التوكيل فى حدود كام ؟
و لو قالى حلوة أجيبها ولا لأ ؟
رد أخير أجيب ولا لأ ؟
أجيب للمرة التالتة ولا اصبر على السيينا ؟
ردوا عليا عشان انا زهقت وزهقت كل اعضاء المنتدى هنا
عشان لو جيبتها ازهقكم فى طريقة تظبيطها

[pioneerahmed]

يا عم هنا محدش بيزهق من حد بص هقولك على حاجة
العربية جميلة و فعلا تسوي اكتر من سعرها بكتير و واسعة مش جوة
بس فيها شوية عيوب
فراملها ضعيفة شوية
فيها عيب شهير لبوابة الهوا و حساس الايدل انهم بيبوظو بسرعة
و قطع غيارها مش هتلاقيها الا عند 3 اماكن
الحرفيين و الوكالة و ش شامبليون دة في القاهرة
و ممكن متلاقيش عندهم كل حاجة بس ممكن يجيبولك الى انت عايزة
اما بالنسبة للميكانيكا لازم حد يكون بتاع فيات جديد يعنى بونتو و بيترا و سيينا
ميكانيكية ال 128 دول هيخربوها
بالنسبة لقطع غيارها اسعارها مش عالية اوي
الموتور كامل ب 3500 او 4000
تيل الفرامل ب 120 جم
بوجيهات 2 شمعة ب 80 جم
طقم طنابير ب 400 او 500 جم
فلتر بنزين بتاع اللانوس ب 30 جم
فلتر زيت ب 50 جم
بس دة الى فاكرة

[Delta Force]

يا عم هنا محدش بيزهق من حد بص هقولك على حاجة
العربية جميلة و فعلا تسوي اكتر من سعرها بكتير و واسعة مش جوة
بس فيها شوية عيوب
فراملها ضعيفة شوية
فيها عيب شهير لبوابة الهوا و حساس الايدل انهم بيبوظو بسرعة
و قطع غيارها مش هتلاقيها الا عند 3 اماكن
الحرفيين و الوكالة و ش شامبليون دة في القاهرة
و ممكن متلاقيش عندهم كل حاجة بس ممكن يجيبولك الى انت عايزة
اما بالنسبة للميكانيكا لازم حد يكون بتاع فيات جديد يعنى بونتو و بيترا و سيينا
ميكانيكية ال 128 دول هيخربوها
بالنسبة لقطع غيارها اسعارها مش عالية اوي
الموتور كامل ب 3500 او 4000
تيل الفرامل ب 120 جم
بوجيهات 2 شمعة ب 80 جم
طقم طنابير ب 400 او 500 جم
فلتر بنزين بتاع اللانوس ب 30 جم
فلتر زيت ب 50 جم
بس دة الى فاكرة

الله يخليك يا بايونير باشا ده من سعة صدركم بس
سؤال برضه لفت أنتباهى
أبعاد العربيه
فى الطول و العرض و الأرتفاع مكتوبين فى ويكيبيديا أكتر من الفيات سيينا
الكلام دة صح ولا أية ؟

و معلومات جامدة أوى على فكرة ربنا يكرمك
بس برضه أكشف عليها فى التوكيل ولا أكتفى بميكانيكى ؟
و لو حالتها كام فى % أجيبها ولا الموضوع تقديرات فقط ؟

[M_a_h_M]

بص يا باشا انا معايا برافا و هقلك تجربتي في الحاجات اللي قلت عليها .. اول حاجة العربية بصفة عامة فوق الممتازة .. لو هتقارنها بالكوري مثلا هي افضل من الفيرنا و اللانوس بمراحل .. لو هتقارنها بالسيينا مفيش وجه مقارنة اصلا .. لان السيينا كانت شركة فيات عايزة تعمل عربية اقتصادية فعملت السيينا .. و لو عايز تتأكد من كلامي في ابسط الامور شوف الخامات المصنعة للعربية دي و العربية دي .. دة يا راجل لو بسيط علي التابلوة و خماتة هتحس بالفرق .. تاني حاجة سعر العربية اللي انت كاتبة دة يبقي العربية فيها كارثة .. البرافا الحالة الكويسة بتتراوح بين 37 و 45 دي لو بحالة المصنع .. بالنسبة للسعر دة انت لازم تاخد ميكانيكي و كهربائي و سمكري و ترفعها و في الاخر هتلاقي مشكلة كبيرة فيها .. نيجي لقطع الغيار .. انا تقريبا العربية محتاجتش حاجة و ملقيتهاش سواء في العافشة او في الميكانيكا او في الكهربا سواء استيراد او جديد .. بالنسب لاماكن قطع الغيار فمتواجدة في اكتر من مكان .. في في المعادي و في في صقر قريش و في المطبعة هرم و العريش هرم و الوكالة و الحرفيين و طبعا شامبليون .. و لو في اي استفسار انا في الخدمة

[Delta Force]

بص يا باشا انا معايا برافا و هقلك تجربتي في الحاجات اللي قلت عليها .. اول حاجة العربية بصفة عامة فوق الممتازة .. لو هتقارنها بالكوري مثلا هي افضل من الفيرنا و اللانوس بمراحل .. لو هتقارنها بالسيينا مفيش وجه مقارنة اصلا .. لان السيينا كانت شركة فيات عايزة تعمل عربية اقتصادية فعملت السيينا .. و لو عايز تتأكد من كلامي في ابسط الامور شوف الخامات المصنعة للعربية دي و العربية دي .. دة يا راجل لو بسيط علي التابلوة و خماتة هتحس بالفرق .. تاني حاجة سعر العربية اللي انت كاتبة دة يبقي العربية فيها كارثة .. البرافا الحالة الكويسة بتتراوح بين 37 و 45 دي لو بحالة المصنع .. بالنسبة للسعر دة انت لازم تاخد ميكانيكي و كهربائي و سمكري و ترفعها و في الاخر هتلاقي مشكلة كبيرة فيها .. نيجي لقطع الغيار .. انا تقريبا العربية محتاجتش حاجة و ملقيتهاش سواء في العافشة او في الميكانيكا او في الكهربا سواء استيراد او جديد .. بالنسب لاماكن قطع الغيار فمتواجدة في اكتر من مكان .. في في المعادي و في في صقر قريش و في المطبعة هرم و العريش هرم و الوكالة و الحرفيين و طبعا شامبليون .. و لو في اي استفسار انا في الخدمة

طيب عشان اكتشف الكارثه بما ان العربيه مش منتشرة اذا الميكانيكيه مش هيكونوا متخصصين
يبقى اكتشف الكارثه فالتوكيل ولا اخد ميكانيكى و بعد كدة التوكيل ؟
و لو سعر التوكيل رخيص يبقى اكشف فيه من البدايه
و بالنسبه لقطع الغيار فأنا من اسكندرية مش القاهره

[M_a_h_M]

بالنسبة لقطع الغيار في اسكندرية معرفش بس ممكن اعرفلك اما بالنسبة للعربية الافضل و الاكثر امان انك تروح التوكيل تكشف عليها بس كشف التوكيل ممكن يكون غالي شوية .. بالنسبة للصنايعية دي حسب الحظ .. انا جنب بيتي في واحد متخصص في الفيات الجديد و جنب الشغل في برضو واحد متخصص فيها .. اكيد في غيري بروحوا مشاوير .. بس ابحث كويس

[Delta Force]

بالنسبة لقطع الغيار في اسكندرية معرفش بس ممكن اعرفلك اما بالنسبة للعربية الافضل و الاكثر امان انك تروح التوكيل تكشف عليها بس كشف التوكيل ممكن يكون غالي شوية .. بالنسبة للصنايعية دي حسب الحظ .. انا جنب بيتي في واحد متخصص في الفيات الجديد و جنب الشغل في برضو واحد متخصص فيها .. اكيد في غيري بروحوا مشاوير .. بس ابحث كويس

انا هاخد الاول ميكانيكى لو قالى ضايعة هطنش
لو قال حلوة هسأل صاحب العربيه بأمانه كدة عايزة حاجه ولا لأ عشان هروح معاك نكشف فالتوكيل و مترداش اخسر فلوس الكشف لو قالى تمام خلاص هكشف لو قالى فيه كذا و الميكانيكى مكتشفهوش هقدرها كدة لو هقدر عليها نكشف لو مقدرش يبقى شكرا مع السلامة
ايه رأيكم ؟