الى خبراء127

[hemahom]

السلام عليكم ورحمة الله وبركاته
العربيه عندي لما امشي مشوار طويل او قصيروالحراره تيجي قبل 90 الاقي العربيه اتبرجلت ولما المروحه تشتغل فتره وساعات بتطفي واجي ادورها تدور اكن البطاريه فاضيه مع ان البطاريه جديده اللي يعرف حل للمشكله ياريت مايبخلش علينا ولكم جزيل الشكر

[khaled_k21]

الاخ الكريم

علي ما يبدو ان المشكله تتلخص في الدينامو لان لما العربيه بتوصل لل 90 اكيد المروحه بتشتغل و بتسحب امبير عالي مما يؤثر علي امداد البطارية للموبينه و بالتالي كهربا العربيه بتتبرجل فتحس ببرجله العربية

حاول تقيس الشحن عند كهربائي و بالمره تتاكد من الترموستات لانه ساعات بيهييس

و نصيحه للجميع حط عينك دايما علي امبير الحرارة لانه من اهم الحاجات في العربيه

[hemahom]

الاخ الكريم قيست الدينامو قاللي كويس بس دلةقتي لمبة البطاريه ساعات بتنور

[Abo_Mazen]

هي شكلها باين ..ديناموا ..كتاوت دينامو..بطاريه ..هي القصه مش هتطلع من كده ..غير الكهربائي ..خلي كهربائي تاني يعملك قياس للدينامو ..

[khaled_k21]

بص يا سيدي

ادخل علي موضوعي ( كل مشكله و ليها حل )

http://www.nilemotors.net/Nile/441517-a.html

كان عندي نفس المشكله لمبه الدينامو في الطابلوة بمزاجها ساعات تشتغل و الشحن زي الفل
و ساعات تانيه مفيش خالص

لما روحت للكهربائي في الاول قاس الشحن و كان تمام

لكن لما روحت للكهربائي بتاعي و سيبتها فك صدر العربية و طلع السلك متبهدل
فممكن يكون نفس الشئ عندك ساعات بيلمس و يشتغل و ساعات بيفصل

احسن حاجه روح لكهربائي كويس لو حضرتك من فيصل و قريب من العشريني قولي اعرفك علي الكهربائي
اهم حاجه عنده انك تسيبه يشتغل بمزاج و ما تقفش علي ايده

لان شغلانه الكهربا دي محتاجه دماغ

[hemahom]

الف شكر ياجماعه العيب طلع من الاسبراتير كان بايظ ركبت واحد جديد برجلة العربيه وانها تطفي الحمدلله خلاص راحت بس لسه لمبة البطاريه بتنور لما ادور العربيه لما ادوس بنزين بتروح او امشي مسافه بتطفي اهدي تنور نور خفيف ياترى ده من ايه

[Mohammad Samy]

الف شكر ياجماعه العيب طلع من الاسبراتير كان بايظ ركبت واحد جديد برجلة العربيه وانها تطفي الحمدلله خلاص راحت بس لسه لمبة البطاريه بتنور لما ادور العربيه لما ادوس بنزين بتروح او امشي مسافه بتطفي اهدي تنور نور خفيف ياترى ده من ايه

انا جديد في موضوع العربيات ، بس حصل معايا كده والميكانيكي قاللي ان العربيه واطيه شويه وعايزة تعلى من الكاربيراتير يعني علشان الدينامو عندي عادة

[محمود السيد]

الف شكر ياجماعه العيب طلع من الاسبراتير كان بايظ ركبت واحد جديد برجلة العربيه وانها تطفي الحمدلله خلاص راحت بس لسه لمبة البطاريه بتنور لما ادور العربيه لما ادوس بنزين بتروح او امشي مسافه بتطفي اهدي تنور نور خفيف ياترى ده من ايه

سليكونات دينمو