إعـــــــلان

Collapse

.

,
See more
See less

فيدوني بالله عليكم 127 ايطالي

Collapse
X
 
  • Filter
  • الوقت
  • Show
Clear All
new posts

  • فيدوني بالله عليكم 127 ايطالي

    السلام عليكم ورحمة الله وبركاته
    انا معايا عربية 127 ايطالي موديل 77
    المهم قبل العيد بكام يوم العربيةمبرجلة ومش مظبوطة
    وكانت بتسخن بسرعة
    المهم علشان مطولش عليكم العربية لقيت الزيت زي الطحينة وعرفت ان جوان وش السلندر باظ من الميكانيكي
    وفك وش السلندر وطلع مش جوان بس
    طلع وش السلندر كله بايظ متاكل من الماية
    والميكانيكي قالي لازم يتغير علشان لو ركبنا جوان علي كده الماية هتدخل من تحت الجوان وهيبوظ تاتي
    المهم بعد العيد نزلت سالت علي اسعار وش السلندر في الوكالة ولقيت اقل سعر 400 جنية والميكانيكي قالي انت اسال وقلي بكام وانا هجبهولك علشان يكون مفيش فيه مشاكل
    وفعلا سبتله الفلوس وجابة وجاب جوانات
    ورجعت من الشغل لقيته مقفل العربية وغسل الماتور
    المشكلة اللي قابلتني ان سامع صوت تنفيس هوا من ناحية البوجيهات
    قلت الميكانيكي قالي مظبوتة مفهاش مشاكل
    اول يوم لروح بيها الشغل النهاردة وانا علي كوبري اكتوبر لقيت العربية عمالة تنتش علي التالت والرابع العربية بتنتش وصوت التنفسس زاد ومش بيجي الا وانا مزود بنزين وبتمشي
    لكن لو مزود بنزين والعربية واقفة مش بيبان زي وانا ماشي بالعربية
    انا حظيت ايدي جنب البوجيهات بعد ماتكهربت كذا مرة لقيت التنفيس مكان ما مربوط البوجيهات
    ملحوظة لما قلت الميكانيكي علي موضوع التنفيس قام ربط البوحيهاات
    والمشكلة متحلتش فهل ممكن يكون الوش السلندر اللي جابة فيه مشكلة؟
    خصوصا اني عرفت منه ان الوش اللي هوا جابة بتاع فيورا 86 وانا ماتوري الماني 1050 سي سي
    واسف اني طولت عليكم

  • #2
    الوش لازم هايختلف الفيورا 900 cc وعربيتك 1050 ارجع للميكانيكي يغير هو الوش لان الاستيراد بيتباع علي التجربة وركب وش اصلي لان العربية عمرها ماهتزبط كدة

    Comment


    • #3
      المشاركة الأصلية كتبت بواسطة sameh samy مشاهدة المشاركة
      الوش لازم هايختلف الفيورا 900 cc وعربيتك 1050 ارجع للميكانيكي يغير هو الوش لان الاستيراد بيتباع علي التجربة وركب وش اصلي لان العربية عمرها ماهتزبط كدة
      سامح باشا شكرا لردك
      حضرتك متاكد ان المشكلة علشان الوش مختلف ؟
      الوش راكب علي نفس المسامير وغطا التاكيهات راكب عادي
      اصل انا شاكك يكون المشكلة في المكان اللي بيركب فيه البوجيهات يكون واسع
      البوجيهات انا دايما بركب سن قصير
      ممكن اختلاف الوش اكون لازم تغير البوجية لسن طويل؟
      انا حتي فضلت ابص في جنب الماتور شفت الشرارة بتاعت اللي بتحصل من شمعة الاحتراق (البوجيه)
      Last edited by comandos; 11-10-2014, 06:02 PM. سبب آخر: تكملة

      Comment

      Working...
      X