تجديد ترخيص ال 127

[tata2011]

النهارده كنت باجدد رخصة ال 127 وحبيت انقل لكم التجربة للاستفادة وهركز على الحاجات اللى مبناخدش بالنا منها
- ياريت تجهز اوراقك قبل ماتروح او تاخد معاك صديق عشان يساعدك وتنجز
- شهادة مخالفات
- طبعا تجهز العربية وتغسلها غسلة حلوة وتضبط الانوار والمساحات وشيل اى ملصقات وبالذات الفاميه
- الورق عبارة عن نموذج فحص من الخزينة (ده اللى هتاخد عليه بصمة الشاسيه والموتور ) ونموذج كمبيوتر و10 ج طوابع شرطة لو هترخص 3 سنين وصورتين للبطاقة ايصال طفاية وورقة البيئة
- فى شوية ورق هييجى من كشك التصوير هما عارفينه
- اعمل بوليصة التأمين 3 سنين ب 240
- خد كل ده وافحص العربية وروح جرى على الشباك هنيراجع ورقك وهيدفعك فى الخزنة تقريبا 505 جنيه 3 سنين
= محدش يستهون ب تلت الضريبة لو الرخصة منتهية انا كنت بحسبها بسيطة طلعت ب 135 ج
- بعد كده بترجع للشباك تانى وبتروح تستلم من الكومبيوتر
طبعا احلى حاجة ان بعد المجهود والجرى ده لما بتستلم الرخصة وتروح تركب العربية بتحس انها bmw

[eng_amg]

[tata2011]

تحفة بصراحة دى 127 ايطالى الشكل اللى قبل التوب

[momen_bondok]

انا فحصى يوم 12/11/2014 فيات 128 انا عندى المكنه تمام والحمد لله بس المشكلة فية حتة بوية متشاله من سقف العربية يعى باين المعجون فهل ممكن تعمل مشكلة ؟
وجزاك الله خيرا

[eng_amg]

حسب المرور..
بس هيا غالبا تعدس منغير مشكلة

[tata2011]

انا فحصى يوم 12/11/2014 فيات 128 انا عندى المكنه تمام والحمد لله بس المشكلة فية حتة بوية متشاله من سقف العربية يعى باين المعجون فهل ممكن تعمل مشكلة ؟
وجزاك الله خيرا

بص حضرتك انا عاوزك تعرف حاجة مهمة ان الفحص ده نصيب يعنى ممكن المهندس مايبصش اصلا انا كان عندى فاميه على الزجاج الخلفى قعدت اشيل فيه طول الليل وبعد كده المهندس مبصش عليه وكان عندى حتة فى ديل الرفرف الامامى والمهندس متكلمش

[Abo_Mazen]

أنا عندي فحص الأسبوع اللي جاي ..دعواتكم يا رجالة المنتدى

[tata2011]

ربنا معاك

[J A G U A R]

يعنى تكلفه الترخيص 745 لثلاث سنين ..

[tata2011]

يعنى تكلفه الترخيص 745 لثلاث سنين ..

هههههه انا كنت مستنى حد يسأل عشان اشرح له بص ياسيدى انا لما شوفت المبلغ اتفوجئت ( على رأى الفيلم)
لما بصيت فى الورقة اللى ادهالى الموظف لقيت البنود كالتالى . 45 ج ضريبة ده بند
البند اللى بعده 385 تنمية موارد الدولة وبعدين شوية بنود كده فكة اشى 5جنيه وحاجة ب 18 جنيه وبعدين عملت 242 ج بوليصة تامين عن 3 سنوات
المشكلة ان ترخيص ال 27 بقى قريب قوى من الماتريكس

[tata2011]

نسيت اقول انى دفعت تلت ضريبة لانى كنت متاخر فى الترخيص دفعت 135 عبارة عن 20 ج ضريبة والباقى تنمية موارد الدولة يبقى الاجمالى 745 و135

[الحمادوى]

هههههه انا كنت مستنى حد يسأل عشان اشرح له بص ياسيدى انا لما شوفت المبلغ اتفوجئت ( على رأى الفيلم)
لما بصيت فى الورقة اللى ادهالى الموظف لقيت البنود كالتالى . 45 ج ضريبة ده بند
البند اللى بعده 385 تنمية موارد الدولة وبعدين شوية بنود كده فكة اشى 5جنيه وحاجة ب 18 جنيه وبعدين عملت 242 ج بوليصة تامين عن 3 سنوات
المشكلة ان ترخيص ال 27 بقى قريب قوى من الماتريكس

طب ايه رايكم انا كنت مع واحد قريبى ومجدد رخصة فيا ت اونو 3 سنين
والعربيه موديل 2001 بنفس سعر ال127 اللى هى موديل التمنينات والسبعينات
او فرق حاجة بسيطة جدا عن كدة مش متذكر اوى المهم موصلش 800 جنيه
بس من الواضح
ان الاسعار بتكون على السعة اللترية وليس الموديل

[shtiger]

بارك الله فيك على الافاده

انا حاسس اني هتعب اوي لما اجدد الترخيص لان العربيه فيها عقد مسجل وهي مرور المعادي ولسه هنقلها على مرور العبور

هلف شكلي لفه محترمه

لو حد يعرف ايه الاجراءات اللي هبتديها يساعدني

وشكرا جزيلا

[tata2011]

بارك الله فيك على الافاده

انا حاسس اني هتعب اوي لما اجدد الترخيص لان العربيه فيها عقد مسجل وهي مرور المعادي ولسه هنقلها على مرور العبور

هلف شكلي لفه محترمه

لو حد يعرف ايه الاجراءات اللي هبتديها يساعدني

وشكرا جزيلا

بص حضرتك انا لسه ناقل العربية بس من محافظة لمحافظة غالبا هتبق نفس الاجراءات وهى كالتالى هتاخد العربية وتروح على مرور العبور وتفحصها هناك وتاخد البصمة وبعدين تروح للمهندس تقول انا عاوز انقل من مرور المعادى ل عندكم هيكتبلك على ظهر اورنيك الفحص طلب مطابقة البصمة واوعى تنسى تختم بختم النسر
بعد كده تروح مرور المعادى على الشباك اللى تبعه العربية وتطلب مطابقة البصمة هيودوا الملف للمهندس وهيديلك انها مطابقة وبرضه تختم ختم النسر
متنساش تجيب موافق امنية لانهم بيطلبوها ضرورى
بعد كده هتروح العبور وتكمل اجراءات النقل