مشكلة بعد تركيب كرسي الفتيس

[ziours]

انا ياجماعة من يومين غيرت قاعده الفتيس للفيات 132 وجبتها ايطالي على اساس العربية كان فيه صوت كركره جامده وهي واقفة والفتيس كمان كان بيهز جامد كانك راكب نقل المهم الدكتور فك القاعده ولاقها متشققة ولاقى القنطره معوجة فعدلها بالمرة وركبت القاعده المهم صوت الكركره راح يس وانا طالع بالعربية على الاول باحس ان في حديد بيخبط في العربية والعربية زي ماتكوتن متكتفة ده بس على الاول فسالت الدكتور قالي استنى شوية وكاوتش القاعده هيلين اصله لسة ناشف فمش عارف دلوقتي هل القاعده اثرت في الدسك و الاسطوانة ولا لسه القاعده جامده زي م اخينا بيقول
شكرا و انا اسف على الاطالة

[mrghost]

بيتهيألى ان كلامه صح لانى لما غيرت ديسك واسطوانه وبليه للريتمو كان الدبرياج تقيل اوى فى الاول وكأنه هو اللى بيحرك رجلك والمكانيكى قالى استنى شويه هتلاقيه اتظبط مع الوقت وفعلا دلوقتى اتظبط فممكن يكون كلامه صح

[galilio_mad]

بيتهيألى ان كلامه صح لانى لما غيرت ديسك واسطوانه وبليه للريتمو كان الدبرياج تقيل اوى فى الاول وكأنه هو اللى بيحرك رجلك والمكانيكى قالى استنى شويه هتلاقيه اتظبط مع الوقت وفعلا دلوقتى اتظبط فممكن يكون كلامه صح

انا اول مرة اسمع الكلام ده
اللى انا شفته بنفسى ان مجموعة الدبرياج الجديدة بتخلى البدال خفيف
عشان ريش الدسك و سوست الاسطوانه بيبقوا لسه بقوتهم و ما ريحوش

[ziours]

بس ياجماعة هل كرسي الفتيس بيحتاج وقت عشان يلين والصوت يروح ولا كده اثر على الديسك و الاسطوانة انا قلقان جدا عليهم